¹ Na kuhumila kukulakula akayimite akachite kiyingalile mipaka ya yuda na mwisi mwa Yordan; na mpya wagendite mwanja kwa yombe kawili na umu asyowalile, akayile mu kuwawula kawili. ² Na pa wakayichile wafarisi; na wankotaga, iyitakalika pa chengo ati kukita nngosi ansule mhano mundu? kungesa yombe. ³ Leka pa akaligite akakite kwa wombe Musa akawataukilaa kiki? ⁴ Leka wakakite, Musa akayitakile kulemba kalata ya kupatukana ni kusula. ⁵ Leka Yesu akakit kwa wombe, ndawa ya kunonopa mioyo kwinu akalembite kwa mwenga luwimbi lula. ⁶ Leka kitumbulile pa kutumbula kupanga, akakitete wombe kya kigosi ni kya kidala. ⁷ Ndawa iyi mundu yaleke dadi mundu ni nyina, ni akumbatilano ni mundu; ⁸ Na wawili wala yawaye kiyingalile nyama imonga mpaka wayile lepa kawili wawili koma nyama imonga. ⁹ Mumu kila Mlungu akakungite mu lingoli ngoli limonga, mundu akotoke kupatula. ¹⁰ Ni na kuyingila pa nyumba wanafunsi wake wakayile mu kunkota ya kindu iki. ¹¹ Na awajowela, ayii ywoha ansula mhano mundu, ni yatuwule yungi, akita ukeme kunhokela mhano Mundu. ¹² Ni ngati yombe yaunkana nngwana mundu, wona atuwulika na yungi, akita ukeme. ¹³ Ni pa wakantolile twana nausi atukwafye: leka wanafunsi wakawalakalile. ¹⁴ Leka pakaweni Yesu, akapile mwoyo na akakite kwa wombe, mutulekese twana tunichile, mukotoke kutulekese twana tunichile: mukotoke kutukanisa: pa kukita utwa wa Mlungu uyile wa nntundu ughu. ¹⁵ Chakaka niwajowela, ayii wona alema kuyupa utwa wa Mlungu ngati kumwana yayingile lepa mula. ¹⁶ Napakatufyambile tula, akatupile kihomo akatuwikile mawoko gake. ¹⁷ Na pa kugenda mwanja mu ndila, yumonga akankimbalile, ni kunfungamila, na akayile mu kunkota, wa kuwula nnofu, yanikite kiki nausi nikayingile mu utwa wa kunani lipwela? ¹⁸ Leka Yesu akakite kwa yombe, kiki unijowela na nnofu? ayii lepa nnofu lema yumonga, yuyu Mlungu. ¹⁹ Umanya mimbi, usikoma, usikita ukeme, usiyiwa, usinikupaklisa, usikonga, uginike dadiyo nu nyoka. ²⁰ Leka akataukile kwa yombe, wa kuwula, ifi fyoha nifigohite kitumbulile uchoko wangu. ²¹ Leka Yesu pakandolite akanganite ni akakite kwa yombe, kimonga kikupelewe; bita fyoha uyii nafyo ukatase na uwapele wagaju, na yauye ni kikokoli kunani; ni uyiche, unikise nenga. ²² Koma pakayile lundaa pa lilowe lila, akawukite ni kuniongeneka: pa kukita akayii mwene findu fingi. ²³ Na Yesu pakagelawine, awajowela wanafunsi wake, uwi? wene kyuma yawayingile mu utwa wa Mlungu kinonopile! ²⁴ Leka wanafunsi wake wakayile mu kukangacha pa malowe gake: leka Yesu pa ahiga kawili awajowela uwi wana kindu kinono kwa wala wa kuhuwalila kyuma kukingalile mu utwa wa Mlungu. ²⁵ Kya manyata kukita ngamia yiluta pa mbughi ya sindano, na kuya kukita mundu nnkapi kuyingila mu utwa wa Mulungu. ²⁶ Leka wakayili mu kukangacha kilutale kunjowela, yombe nu nani ahotola kuyokoleka? ²⁷ Yesu pakawalolite, kwa wandu kihotoleka lepa, koma na kuya kwa Mlungu: pa kukita fyoha fihotoleka kwa Mlungu. ²⁸ Akatumbwile Petro kunnjowela lola, tebga tikalekite fyoha tikakuykisite wenga. ²⁹ Yesu akajowite, chakaka niwajowela, pa waka mundu yula alekite nyumba, pangi walongo, pangi walumbu, pangi nyina pangi, oladi, pangi wana, pangi, migunda, ndawa ya nenga ni ya evangel. ³⁰ Ni yaleme kuyupa kamia pa lukumbi ulu, ni walongo, na walumbu, na wanyima na wana ni migunda, pamonga na makimbiko na pa miaka ya kitamile kumula yila yiyii mu kuyicha kulama kwa miaka ya kitamile pela. ³¹ Leka wingi wa palongolo yawaye wa palongolo. ³² Na wakayile pa ndila, kukwela ku yerusalem na Yesu akayile mu kuwalongolela wombe: na wakayile mu kughanaghana: leka wa kukisa wakayile kuyogopa: akakilawugene kuwatolakumi na wawili wala, akatumbile kuwajowela ifi mu moyo fya kunchela. ³³ Kukita lola, likwela ku Yersalem nu mwana wa Adam! yafumbulike kwa wakulungu wa kulekela nyambiko na kwa wa kulembela: ni yawampaule kukita akomeke na yawamfumbule kwa Mihuku. ³⁴ Na yawankitile mihenje na kumfunyile na yawantowe na yawakome: na panyuma pa magono gadatu yasyuke. ³⁵ Na kunngendela mwanja yakobo nu Yohana, wana Zebedii kunnjowela, wa kuwula tilonda na usi kiyii kyoha yatiluwe kwako ukatikitile. ³⁶ Leka akakite kwa wombe, mulonda kiki niwakitile mwenga? ³⁷ Leka wakakite kwa yombe ulipele tenga nausi tikatame, yumonga kiwoko kyako ³⁸ Leka Yesu akakite kwa wombe, mukimanyi lepa kila mukiluwila. ³⁹ Muhotola ati kunywa nntimbo gula ninywela nenga? pangi kubatisika nu ubatiso wula nibatisika nawo nenga? ⁴⁰ Leka kutama pa kiwoko kyangu kya ndilo pangi pa kiwokokyangu magighi na kuya kwangu kupeleka; koma kwa wala kiwikile ngani kwawe. ⁴¹ Na pa wakuyufwine kumi wala wakatumbwile kupya mwoyo nu Yakobo Nu Yohana. ⁴² Na pakuwakemalile Yesu wala, awajowela, mumanya wala wa kuwonekana ngati manduna pa mihuku awakitila ngani bambo: na wakulungu wawe wawakitila ngani chengo. ⁴³ Leka kiyii lepa wila pa mwenga; koma ayii ywoha alondab kupata kuya kulungu pa mwenga, yaaye wa kuwatumakila winu. ⁴⁴ Na ayii ywoha wona alonda wa palongolo pa mwenga, yaaye mmbanda wa woha. ⁴⁵ Pa kukita mwana wa Adam akachite lepa kutumakalika, koma kutumakila, ni kupela umi wake kukombola wingi. ⁴⁶ Ni wayicha kiyingalile mu Yeriko: ni pa kugenda yombe mwanja kuhuma pa Yeriko, na wanafunsi wake ni lipuga lya kuyenela, mwana wa Timayo, Bartimayo, wa kuluwa luwa wa kukoyoka miho akayile mu kutama mu makighi mwa ndila. ⁴⁷ Ni pa akayufwine kukita Yesu Mnazareth ayii, akakumbwwile kukuga, ni kujowa, mwana wa Daud, Yesu ukanipwelekele lipyana. ⁴⁸ Na wakayile kundakalila wingi, nausi atame kinunu: leka akakugite nyahope, mwana wa Daud ukanipwelekele lipyana. ⁴⁹ Ni pa akuyimite Yesu, akakite mukemele yombe ni ni wankemela wa kukoyoka miho yula, ni kunjowela, uye ni mwoyo: yimuka akukemela. ⁵⁰ Leka, pa akatagike kya kufwata kyake, akalandawike, akanchite Yesu. ⁵¹ Nu Yesu akahigite, akakite, kiki ulonda nukukitile wenga? Leka wa kukoyoka miho akakite kwa yombe, Rabboni nausi nikawone kawili. ⁵² Nu Yesu akakite yombe, Bita, kiyitakiso kyako kikuyokwile. ni hino apa akalolite kawili ni akayile pa ndila.