¹ Ni pala wawandamile mu Yerusalem, ku Betfage. ni Betania, papipi ni kidunda kya miseituni, atuma wawili wa wanafunsi wake. ² Ni awajowela, mubitaye pa mhahali wa mu kipula nu mwenga; ni hino apa pa kubita mwanja mumu, ya mukolile ,mwana wa lipunda akugike, pa uyu pa waka mundu mpaka hino atemi baha: mwopole, muyiche nalo kuni. ³ Ni wona mundu akita kwa mwenga, kiki mukita iki? mukitaye, Bambo linsowite: ni hino apa yangiliuse apa. ⁴ Na wakabite wakaweni mwana wa lipunda akungike kunja pa nndyango pa malekano: na wambopolo. ⁵ Na wangi wa wala wa kuyima kukula wakawajowile, mukite kiki, pa kuwopola mwana wa lipunda? ⁶ Leka akakite kwa wombe umu Yesu akakite: na wakawalekasile. ⁷ Na wakachite nalo mwana wa lipunda kwa Yesu, na wakatumalile pa lyombe fya kufwata fwawe; ni akatemi panani pake. ⁸ Ni wangi wakayelite fya kufwata fwawemu ndila: Leka wangi ndafi, sila wakasidumwile pa migunda. ⁹ Na wa kulongola ni wala wa kukisa wakayile kukuga, Hosana; wakulumbika mwene kihomo yula ahicha pa lihina Bambo. ¹⁰ Wa kulumbika mwene kihomo utwa wula uhicha, utwa wa dadi witu Daud; Hosana kunani kwene. ¹¹ Na akayingile mu Yerusalem, mu hekalu; pakagelawine pa fyoha, pa kuya kimili hino, akapitite kiyingalile mu Betania, pamonga ni kumi ni wawili wala. ¹² Na lukella lwake, pa kupita wombe kuhuma ku Betania, akaweni njala. ¹³ Na akaweni nnkuyu kutali uyii ni mahamba, akachite, ngati kwali yakolele kindu pa uwo; ni pa akachite pa uo, akakolilenlepa kindu lema mahamba: pa kukita lukayile lepa lukumbi lwa makuyu. ¹⁴ Na pa akahigite akakite pa ughu, kitumbulile hino mpaka miaka yoha mundu asilya kindukawili pa wenga. Na wanafunsi wake wakannjufwine. ¹⁵ Ni wahicha kiyingalile mu Yerusalem: ni pa akayingile mu hekalu. akatumbwile kutaga kinja wa kuhemesa na wa kutasa pa hekalu, na akang'anamwile mesa sya wa kuyandungana, ni fitihu fya wala wa kutasa njiwa. ¹⁶ Na kiyitakile lepa kukita mundu atole misewenji mugati mwa hekalu. ¹⁷ Nakayitakile mu kuwula nu kujowa, ngita kulembeleki, nyumba yangu yayikemalike nyumba ya kusali kwa mihuku yoha? leka mwenga muyikita iyi likolo lya wangu. ¹⁸ Na wakuyufwine wakulungu wa nyambiko ni wa kulembela, na wakalondite umu nga wanjanangile; pa kuya wakayile kunnjogopa yombe pa kuya lipuga lyoha likayile kukenyemuka pa mawulo gake. ¹⁹ Na payii poha ikapatite kuya kimihi, wapitaga nwanja kunja ku likaya. ²⁰ Ni pa kugenda mwanja lukela lwake wakaweni nnkuyu gula ghuyumite kitumbulile milele yake. ²¹ Na Petro pa akakumbukile annjowela, Rabbi, lola ghuyumite nnkuyu ghula ukaghulapakise. ²² Nu Yesu pa akahigite, awajowela wombe, mutame ni kiyitakiso pa Mlungu. ²³ Chakaka niwajowela, ayii ywoha uyu yakite kwa kidunda iki, utoleke na ukalekaleke kiyingalile mu nyanja; na apindikana lea mu mwoyo wake, koma akela kukita kila alongela kipata kuya: yaaye nakyo. ²⁴ Kwa iki niwajowela, findu fyoha fila mufisali ni mwiluwila, mukeleye kukita nukayupite na yakuye kwinu. ²⁵ Na payii poha muyima kusali, mulekese, wona muyii ni kindu pa mundu; nausi Dadi winu wa kunani awalekalele mwenga fya kuhoka finu. ²⁶ Na wayicha kawili kiyingalile mu Yerusalem: na pa kugendagenda yombe mu hekalu, wamhichile wakulunhu wa nyambiko, ni wa kulembela, ni wakuluakulu. ²⁷ Na wakannjowile, kuhuma pa chengo wuli ukita ifi? pangi nani akupile chengo iyi nausi ukite ifi? ²⁸ Leka Yesu akakite kwa wombe, Yaniwakote mwenga lilowe limonga, ni mukanihigi nenga, nani yanitawile kwa mwenga kuhumila pa chengo kiki nikita ifi. ²⁹ Ubatiso wa Yohana, ukahumile kunani ati, pangi pa wandu? mukanihige nenga. ³⁰ Na wakayile mu kujowana yungi nu nnjiene, kujowa, wona tikita, upitite kunani, yatawile mumu kwa kiki mukankelite lepa yombe. ³¹ Leka wona tikita, upitite pa wandu -wakayile kuyogopa lipuga; pa kukitab woha wakaile kumbalanga Yohana kukita akayile kiyilile wa kulweta. ³² Na pa akamuhigite Yesu, wajowa, Timanya lepa. nu Yesu akawajowela wombe, ³³ Haka nenga niwajowela lepa kwa chengo uli nikita ifi.