¹ Na akatumbwile kulongela nawo pa ngogo. mundu akapandite nngunda wa mbelesa, akawigite luwingo akahimbite liwumba lya kupondela mbesa akajengite kilindo, ajaupingise kwa wa kulima, na akabite mwanja kunndima wungi. ² Na akatumite mmbanda kwa wa kulima wala pa lukumbi lwake, nausi ayupe fipambiko fya mbelesa kwa wa kulima wala. ³ Na pa wakantolite, wakantowite, wakankilause wa waka. ⁴ Na akatumite kawili kwawe mmbanda njine na yuyulayula wakantamite liwamba pa mutu wakankitile fya lihamu. ⁵ Na yungi akantumite: na yuyulayula wakankomite: na wangi wingi, wangi kuwatowa, wangi kuwakoma. ⁶ Akona akayilenna yumonga, Mwana wake wa kuganika; akantumite yombe kwawe pa kumalakisa, kujowa yawannginile mwanangu. ⁷ Leka wawalawa a kulima wala wakakite yungi nu njine, uyu ayile wa kuyingila lipwela: tiwuke tinkome, na lipwela yaliye litu. ⁸ Na pa wqakantolite, wakankomite na wakantagite kunja kwa nngunda wa mbelesa. ⁹ Yakite uli mwene bambo wa nnguna wa mbelesa? yayiche na yawayanange wa kulima wala, na yawapele wayawe nnunda wa mbelesa. ¹⁰ Haka lembo ili mukasomite lepa, ati liganga lila wakalikamite ngati lya klemwa wa kujenga nyumba, lyombe lila likapatite kuya mutu wa kindusula. ¹¹ Kuhuma pa Bambo pa Bambo kipatite kuya iki, Na kiyile kya kugana -ganisa pa miho gitu? ¹² Na wakayiii mu kulondalonda kunkamula; na wakuyogwipe lipyga: pa kukita wakawalallia kukita kwapindika wombe akakite ngongo iyii, na wakandekite, wakabite. ¹³ Na pala wakachite wannjowela yombe, wa kuwula, timanya kukita uyie wa chakaka, na kwa wenga mundu na kuya kindu: ¹⁴ pa kukita ulola lepa mundu na kuya kindu: a kukita ulola lepa kiungi kya wandu, koma pa fya chakaka uwula ndila ya mlungu: yiyitakalika pa chengo kumpela Kaisar songo, pani na kuya wila? Timpele, pangi tikotoke? ¹⁵ leka pa kumanya kwikangalakisa kwawe, akakite kwa wombe, munigesele kii? munitolele denario nausi niyiwone. ¹⁶ Leka wakandetite na awajowla, kya naa kifwili iki, na malembo gake? leka wakakite kwa yombe kya kaisar. ¹⁷ Nu Yesu akakite kwa wombe fya Kaisar mundipise Kaisar, na fya mlungu mlungu. Na wakayile kuganagana pa yombe. ¹⁸ Na wyicha wasaduki kwa yombe, wala na wombe wawajowa na kuya kusyuka: na wakayile mu kunkotam kujowa. ¹⁹ Wakuwula, Musa akatilembile kukita, ngati afwile nndongo muntu, na wona andekite nndala, na kuleka mwana lepa, nausi antoke nndongo mundu nndala yula, na anjimakile mamaye mbeyu. ²⁰ Na wakayile walongo: saba na wa kutumbula akanntuwile nndala, na pa kafwile nu kuleka Mbeyu. ²¹ Na wa kawili akanntuwile yombe na akafwile na kuleka mbeyu panyuma pa yombe: na wa kadatu wiwile. ²² Na mhano wa kawili na kuleka Mbeyu. pa kulamakisa woha nndala nu mwene akafwile. ²³ Pa kusyuka kula yayae mhano wa yuliku wa wombe? pa kukita mhano na wawili akayile kuya na yombe mhano wawe. ²⁴ Yesu akatawile kwa wombe, si kwa iki musowa, kukita wa ngakumanya malembo, haka mbafu ya Mlungu? ²⁵ Pa kukita payii poha yawasyuke kupita pa wa kufwa, watuwula lepa, haka kutuwulika; koma wayile ngati wakamalaika kunani. ²⁶ Leka ya wala wa kufwa, kukita wayimuka: muka somite lepa, ate, pa kitabu kya musa, pa matatu, umo Mlungu akakite kwa yombe, kujowa, nenga na Mlungu w Ibrahim, ni Mlungu wa Isaack ni Mlungu wa Yakobo. ²⁷ Ayii lepa Mlungu wa wa kufwa., koma wa wa kulama, muisowesa nyamhope. ²⁸ Nu pa akachite yumonga wa wa kulembela, ni pakayufwine wa kulonda-londa mugati mwawe, na pa kumanya kukita akawahigite wicho, akankotite yombe, luwimbi uli luyile lwa kutumbula lwa Syoha? ²⁹ Yesu akahigite, kwa kutumbula lulu, yufwana, Israel, Bambo Mlungu witu Bambo yumonga ayii. ³⁰ Na unnganaye Bambo Mlungu wako ni mwoyo wako woha, ni umi wako woha, nu luhala lwako lwoha, ni mbafu syako syoha. ³¹ Na lwa kawili lulu, ulu unnganaye mwenesi wako ngati umwene luwimbi lukulungu kulutila isi pa waka. ³² Na akakite kwa yombe wa kulembela yula, wa kuwula, ukakite wico chakaka yumonga ayii, na payii lepa yungi lema yombe: ³³ Nu kunngana ni mwoyo woha ni kuwalalila kwoha, ni mbafu syoha, nu kunngana mwenesi wake ngati mwene, kulutila nyambiko syoha sya kukwesa ni sya kudumula. ³⁴ Nu Yesu pa akambweni yombe kukita akahigite nu luhala, akakite kwa yombe, na kuya wenga patali ni utwa wa Mlungu. na kuya muundu a`winiwe mu kunkota kindu kitumbulile hino. ³⁵ Na pa akahigite Yesu akakite kuwula pa hekalu wa kulembela wajowa uli kukita Kristo mwana wa Daud ayii? ³⁶ Daud mwene akakite pa Roho Mbalafu, Bambo akakite kwa Bambo wangu Tuma pa kiwoko kyangu kya ndilo mpaka pala yaniwawike wa mitumba wako pasi pa njayo syako. ³⁷ Daud mwene annjowa Bambo; .kuhumila kuliku ayii mwana mundu? na lipuga likulungu likanjufwine yombe nu kunofu. ³⁸ Ni pa mawulu gake akajowite mulolaye kwa wa kulembela, wa kulonda kugendagenda pa mingila muitali, nu kulamusana pa chengo sya uhemesi. ³⁹ Ni fitihu fya kutumbula pa masunagoge, ni fitanmda fya kugonela fya kutumbula pa fya kulya; ⁴⁰ Awa wa kuyananga nyumba sya wafwili, kwa kwikwilika wasali malowe matalui; awa yawayiyupile lipaulon lya kulutila. ⁴¹ Na pa akatemi pa kipula ni kikokoli kya kuyuma, akayile mu kulolesa umu lipuga wataga ngenge pa kikokoli na wingi wakafi wakayile mu kutaga fingi. ⁴² Na akachite mmonga mfwili mugaju, akatagite senti siwili, isi siyii heller imonga. ⁴³ Na pa akaikemile wanafunsi wake, akakite kwa wombe, cahakaka niwajowela, mfwili uyu mugaju akatagite mumu kulutila woha wala watagaye pa kikokoli. ⁴⁴ Pa kukita woha wakatagite fya kufuluka fyawe; koma yombe kuhapula pa ifi fya kunsowa akatagite fyoha akayile nafyo kwake, kya kulamila kyake kya mfilimila