¹ Na kugenda yombe mwanja kupita pa hekalu, yumonga wa wanafunsi wake annjowela, wa kuwula lola, mganga uli na majengeko maki! ² Nu Yesu akakite kwa yombe, ulola majengeko makulukulu aga ati? yagalekewe blepa ligana limo panani pa liganga liyine lila yalibomoleke lepa. ³ Na pa kutama yombe pa kidunda kya miseitu ni pa kipula ni hekalu, wakayile mu kunkota ku mweya Petro nu Yakobo nu Yoha a na Andrea. ⁴ Ukite kwa tenga lili yafiye ifi? kiki kiwalalilo mwaka ifi yafiyii papipi kumemeseka? ⁵ Leka Yesu akatumbwile kuwajowela, mulolelaye miho nunuyu asiwasowesa. ⁶ Wingi yawayiche pa lihina lyangu, kujowa nenga niyii na yawasowese wingi. ⁷ Leka mwaka yamuyufwane ngondo ni mbili sya ngondo mukotoke kukweleka mwoyo: ngafipate kuya: koma pa kumalakisa pakona. ⁸ Pa-kukita muhuku yaguwuke kupindika muhuku, ni utwa kupindika utwa, yafiye finyukuyuku pandu pangi pangi., yauye ulali, ifi fifu fya kung'ahika pa kusinda. ⁹ Leka mwenga mwilolele pa mwawene, pa kukita yawawafumbule pa machengo: ni pa masunagoge yamutoweke yamuyim,e pa miho ga manduna na watwa ndawa ya nenga, kiyingalile pa ulungamakiso kwawe. ¹⁰ Na evangel na kulekela nga kuyenesewa kiyingalile mu mihuku yoha. ¹¹ Na mwaka yawawatole kuwafumbula, mukotoke kuholanagana palongolo kiki yamulongele: koma kiyii kyoha yakipelewa kwa mwenga saa yilayila, iki yamulongelege: pa kukita na kuya mwenga wa kulongela koma Roho mmbalafu. ¹² Na nndongo yamfumbule nndongo mundu kiyingalile pa kifwa, nu dadi mwana mundu, na wana yawawayimile wa kwahogola, ni yawawafwise. ¹³ Ni yamuye wa kuyipilika ni woha ndawa ya lihina lyangu: leka wa kuhwela ngani mpaka pa kumalika, yuyu yayokoleke. ¹⁴ Leka mwaka yamuwone kindu kila kyakuona nyela, kya kukita mahame njwe, kiyima pala pa ngayimakika yula asoma awalile bahalapala wala wa pa yuda wakimbilile ku fidunda. ¹⁵ Na yula panani pa nyumba asisela, haka kuyingila, kutola kindu pa nyumba yake. ¹⁶ Ni uyu mu nngunda asikilakila munyuma kutola kya kufwaya kyake. ¹⁷ Leka lin'gaho kwa wala wayii nu luleme ni kwa wala wa kuyongesa pa magono gagalagala? ¹⁸ Leka musali nausi isipati kuya pa lukumbi lwa kipepo. ¹⁹ Pa kukita pa magono gagalagala gagaye mahumbuso, gala gapatite lepa kuya ga nntundu ughu kitumbulile kupanga kula Mlungu akupangite mpaka hino, ni yagapate lepa kuya kawili. ²⁰ Na ngati Bambo akalemite kukepesa magono gala nyama yiyiy yoha nga yiyokwike lepa; koma ndawa ya wa kuhaghulika, wala awa hagwile akakepise magono. ²¹ Na bahalapala wona nunuyu yakite kwa mwenga lola, apa Kristo: pangi lola, uku, mukotoke kukela. ²² Pa kukita kwa mwenga pa longolo. yawawuke wa Kristo wa mageya ni wa kulweta wa mageya, yawapeleke fiwalalilo ni fintantiti, mpaka kuwasowesa, ngati ihotoleka, haka wala wa kuhaulika. ²³ Leka mwenga mulolaye wicho, lola nifikite fyoha ²⁴ Leka pa magono gagalagala, wona panyuma pa mahumbuso gagalagala, lijuwa yalipilale, nu mwesi yaupeleke lepa lulangalila lwake. ²⁵ Ni ndondo nkigwilile kuhumila kunani, ni mbafu sya kanani sinyukunyike. ²⁶ Na bahalapala yawambone mwana wa Adam ayicha pa mafundi panani pamonga ni mbafu ikulungu ni kukwisika. ²⁷ Na bahalapala yatume malaika wake ni yawaunganise wa kuhaghulika wake kuhumila mbepo ncheche, kuhumila lusongo lwa nndima mpaka lusongo lwa kunani. ²⁸ Leka pa nnkuyu mwinyiwule ngongo; hino apa lutafi lwake lupata kuya luyengulila, na mahamba gake gatuka, muwalalila kukita kifuku kiyii papipi. ²⁹ Wiwilawila nu mwenga payii poha yamuwone findu ifi yafipate kuya mupate kumanya kukita ayii papipi pa nndyango bpene. ³⁰ Chakaka, niwajowela, kihogosiiki na kulutila ngani mpaka findu ifi fyoha fipate kuya. ³¹ Kunani nu nndima yakulutila ngani: lepa malowe yangu yagalutile ngani lepa. ³² Leka ligono lililalila na saa yila pa waka `mundu amanya, haka malaika kunani, haka mwana lema Dadi. ³³ Mulolaye wicho manya lepa lukumbi liyii lilii. ³⁴ Ngati mundu, wa kulama pa kuleka nyumba yake na awapela wawanda mundu chengo, ayii ywoha lihengo lyake, na wa pa nndyango akanntaukile atame miho. ³⁵ Mumu mutame miho: pa kukita mumanya lepe lili mwene nyumba yayiche, pani kimihi, pangi pa masiku pagati, pangi ngunguluko, pangi lukela. ³⁶ Asicha pa kupwitukila ni kuwokolela mugono lugono. ³⁷ Leka iki niwajowela mwenga niwajowela woha, mutame miho.