¹ Pa magono gagalagala, pa kuya kawili lipuga likulungu, pa kuya lepe ni kindu wakilye, akawakemalike wanafunsi wake, na wawa jowela. ² Nitoleka ni lipyyana pa liga ili pa kukita hinio magonio gadatu wahwelite na nenga, na wayii lepa na kindu wakulye. ³ Na wona niwapela mwanja ni njala awe yawasinduke pa ndila, na wangi wa wombe wayile wa patali. ⁴ Na wanafunsi wake wakamhigite ombe kuhu,ila kulii mundu yahotole kuwatupalisa awa ni mikate mu lipululu? ⁵ Na kayile kuwakota mikate ilinga muyii nayo? leka wakakite, mhano ni iwili. ⁶ Na akataukile lipuga kutama pasi; na akatolite mikate mhano ni iwili yila, na akadumbite mwene kihomo, akametwile, na akaile mu kuwapela wanafunsi wake, na usi wawawikile na wakaliwikile liuga kila. ⁷ Ni wakayile tusomba twa kuwalangika; akatupile kihomo, akakite wawawikile utu kawili. ⁸ Na wakalile, na wakatupile; na wakatondwile, fya kusigala fya fimenyumenyu mbalo mhano na siwili. ⁹ Leka wakayile ngati elfu ncheche; na akawapile mwanja. ¹⁰ Ni hino apa pa akayingile mu libot pamonga na wanafunsi wake, akachite kiyingalile pa mipaka a Dalmanutha. ¹¹ Na wakaite wafarisi, na wakatumbwile kukotana na wombe, kulonda kiwalilo kwake kuhumila kunani, kunngesa yombe. ¹² Na pa akawuwile mu roho yake, ajowa, ndwa kiki kihogosi iki kilonda kiwalilo? chakaka niwajowelo, kihogosi iki yakipelewe lepe kiwalilo. ¹³ Na akawalekite, na akayingile kawili mu libot, akabite lisi lingi. ¹⁴ Na wakayiwiki kupinda mikate, na wakayile lepa ni mikate pa monga na wombe pa libot lema gumonga waka. ¹⁵ Na akayile mu kuwataukila, kujowa, muwone mulole kuhuma kwa kimela kya wafarisi ni kwa kimela kya Herode. ¹⁶ Na wakajowine wangi ni wayawe, kukita Tiyii, lepa nu mikate. ¹⁷ Nu Yesu akapatite kumanya, awajowela, kwa kiki mujowana pa kukita mikate muyii nayo lepa? wila mukona na kupata kumanya, haka kuwalalila? muyii ni mioyo yinu ya kugulumbala ati? ¹⁸ Pa kuya ni miho, mulola lepa? na pa kuya nu makutu muyufwa lepa? na mukumbukila lepa? ¹⁹ Pala nikametwile mikate mhano yila kwa elfu ,mhano sila, masenjele galinga ga kumemeseka ni fimenyumenyu mukatondwile ? wannjowela, kumi na gawili. ²⁰ Na pala mhano ni iwili yila kwa elfu nchenche, filingilo fya mbalo silinga sya fimenyumenyu mukatondwile? na wannjowela, mhano ni fiwili, ²¹ Ni awajowela, mukona wa ngakuwalalila? ²² Ni wahicha kiyingalile mu Betsaidia, na wantolela wa kukoyoka miho, na wampembesa nausi ankwafye. ²³ Na pa akankamwile kiwoko kya wa kukoyoka yula akampindite kunja ku mhali; na pakafunyite mu miho gake, pa akambikile mawoko, ayil mu kunkota, ulola kindu mu miho ati? ²⁴ Na pa akanyanyamwise miho, akajowite, nilola wandu mu miho, pa kukita niwona ngati mikongo ya kugenda -genda. ²⁵ Na pala akambwikile mawoko kawili pa miho gake; ni akalolite wicho, na akakilausike ngati, mwandi, na akalolite fyoha wicho mu miho. ²⁶ Na akantumite yombe kuyumba yake, kujowa, haka ku mhali usiyingila. ²⁷ Nu Yesu akapitite, na wanafunsi wake kuyinganile mu mihali ya kaisaria wa Filipo; na pandila akayile mu kukota wanafunsi wake kuwajowela, wandu wanijowa nenga kukita na nani? ²⁸ Leka wakakite kwa yombe, kujowa, Yohana wakubatise; na wangi, Eliya; leka wangi, mmonga wa wa kulweta. na akawakotite, leka mwenga mujowa nenga niyile na nani? Petro ahiga na annjowela, wenga uyii kRISTO. ²⁹ Na akawakotite, leka mwenga mujowa nenga niyile na nani? Petro ahiga na annjowela, wenga uyii Kristo. ³⁰ Na akawalakalile nausi wasinnjowela mundu ya yombe. ³¹ Na akatumbwile kuwawula, kukita Mwana wa Adam ngayufwine mahumbuso mingi, ni kukaniwa ni wakuluakulu, na wa kulekela nyambiko wakulungu na wa kulembela, nu kukomewa na panyuma pa magono gadatu kasyuka kawili. Na akayile kulongelela lilowe kya ngakupwelela. ³² Nu Petro pa akantolite, akatubwile kundakalila. ³³ Leka pa akan'anamwike, ni kumwona wanafunsi wake, akanndakalile Petro na ajowa bita kunyuma kwangu shetani; pa kukita uhola ngana lepa fya mlungu, koma fya wandu. ³⁴ Na pa akayikemalike lipuga pamonga na wanafunsi wake, akakite kwa wombe, wona ayii ywoha alonda kuyicha mu nyuma mwangu, akine mwene, na aitwike msalaba wake, na anikise nenga. ³⁵ Pa kukita ayii ywoha yuyu alonda kuyokola umi wake yautage; leka ayii ywoha yautage; leka ayii ywoha yautage umi wake ndawa ya nenga na ya Evangel yauyokole. ³⁶ Pa kuya mundu yaipatile mbendo nyiki, wona apata nndima woha wa mfilimila, na alipasika umi wake pa mhaolo wake? ³⁷ Pa kuya mundu ngapelike kiki kya kuyandungana nu umi wake? ³⁸ Pa kukita ayii ywoha yuyu yalekeleke lihamu pa nenga na pa malowe gangu kwa kigogosi iki jkya ukeme ni kyene sambi, m,wana wa Adam kawili yalekeleke lihamu pa yombe, bahaayiche pa kukwisika kwa Dadi mundu pamonga na wakamalaika wa pakape.