¹ Ni waunganike kwake wafarisi, n wingi wa kulembela, wala wakahumile pa Yerusalem. ² Na pakawaweni wangi wanafunsi wake kukita walya mikate ni mawoko ga wake, gayile gangakusa. ³ Pa kukita wafarisi, na wa yuda woha, wona walemite kukusa mawoko, kisingile ni makondi, walyaga lepa kugoha mkuwu wakuluwakulu. ⁴ Na pa kuhuma pa chengo ya uhemesi, wona walemite kuimichisa machi, wlalyanga lepa ni fy mahele fingi fil wakafiyupite kufigoha, fifi maghuliko ga mitimbo ni fiwigha fya kukuwulisa machi ni masufuria ga ngenge. ⁵ Na wafarisi na wa kulembela wakokukite, kwa kiki wanafunsi wako wagenda-genda lepa kukisa njigha ya wakulungu, koma walya nnkate wawe na mawoko ga ngakusa? ⁶ Leka yombe akakite kwa wombe, wicho Isaya akawalwetile fya mwenga wa kuikupakisa, umu ilembikile, Nnsafi ughu waniginika ni milomo yawe koma mioyo yawe yiyi patali na nenga. ⁷ Leka waka wanigwila kimbo nenga kuwula mawulo mimbi sya wandu. ⁸ Muleka luwimbi lwa Mlungu, ni mukamula njigha ya wandu. ⁹ Na akawajowile, wicho muhepa luwimbi lwa Mlungu, nausi mukagohe njigha yinu. ¹⁰ Pa kukita Musa akakite ginikaye dadiyu nu nyoko; ni wa kunnjowela dadi mundu haka nyina fiwifu afwe kifwilile. ¹¹ Leka mwena mjuowa, ngati mundu akita kwa dadi haka kwa nyina, kiyii kyoha ngauwipatile kindu kwa nenga kiyii korban, ili liyile, njetulo. ¹² Kitumbulile bahalapala musiya lepa kukita kindu kwa dadi mundu nu nyina; ¹³ Kuyuyusalilowe lila lya ,lungu ni njigha yinu yiyi mukapisite, ni fingi ngati ifi mufikita. ¹⁴ Ni akakemalile kawili lipuga, akawajowile, muyufwanile Mwawoha, ni muwalalile. ¹⁵ Payii lepe kindu kuhumila kunja kwa mundu, wona kigenda mwanja kiyingalile mugati mwake, kihotola kunkita wa waka; koma fila figenda mwanja kupita pa mundu, fifi finikita wa waka. ¹⁶ Wana mundu ayile na makutu fya kuyofwanila na ayofwane. ¹⁷ Na pala kayingilenmu nyumba kulekna ni lipuga, wanafunsi wake wakayii mu kunkota ngongon iyi. ¹⁸ Akawajowela wombe, wiwi n mwenga muyile wa ngawalila? Mwona lepa, ati kukita kiyii kyoha kya kunja, wona kigenda mwanja kiyingalile mwa mundu, kihotola lepa kunkita wa waka. ¹⁹ Pa kukita kiyingola lepa mu mwoyo wake, koma mu luleme lwake, ni kipita mwanja pa magenda? na akajowite wila, akaguywile fyakulya fyoha. ²⁰ Leka akajowite, kya kupita nwabja pa mundu, kikilakila kunkita mundu wa wako. Pa ²¹ kuya kuhumila kugati kipitile pa mwoyo wa wandu, maholo mawifu gabita mwanja fikaya. ²² Fya kuyiwa, fya kukoma fya ukeme, fya kunyonyela fya usokosi, fya kukonga, fya kunyulukaliho lya ung'eng;ena blasfemia, fya kuikwisa, fya kuhimuka. ²³ Findu ifi fyoha fyausokosi ipita mugati, ni finkita mundu wa wake. ²⁴ Leka pa akayimi akawukite kukulakula akabite mu mipaka ya Turo ni sidon. na akayingile mu Nyumba, akalondite lep mundu apte kumanya koma akahowilenlepakuyuwalila. ²⁵ Koma hino apa wa kuyumba, yula kana mundu kadala kakayile ni roho ya wafu, akayufwine fya yombe, ni akachite na agwile pa nyay syake. ²⁶ Leka wa ku numba yula akayile Mhellen, msurophoenike pa ntangilo. na akankotite kutaga kunja daimon kupita pa mwana mundu nndala. ²⁷ Na akanjowile, uleke huti wana watupilaye, pa kuya kinofu lepe kutola nnkate wa wana nu kutupela tumambwa. ²⁸ Leka akamhigite nu kunnjowela, Ena Bambo: haka tumambwa pasi pa Mesa tulya fimenyumenyu fya fya kulya fya wana. ²⁹ Na pakabitekwa yombe, ndawa ya lilowe ili bita, daimon apitite pa mwanao nndala. ³⁰ Na pakabite ku nyumba yake nakankolile mwana mundu agonite pa kitala, nu daimon apitite. ³¹ Na pa akapitite kawilia mipaka ya Turo aachite kuluta pa sidon mpaka pa nyanja ya Galii, pagati pa mipaka ya Dekapoli. ³² Na wakantolite mundu wa kisiwasi, wa kimama ni wampembelile nausi ambikile kiwoko kyake. ³³ Na pala akantoliteku mweyab kulekana ni lipuga akayingise ngonji syake mu makuntu gake, ni pakafunyite akakwalite lumili lwake. ³⁴ Na annjowela Efatha, lili liyile, udindulike. ³⁵ Na makutu gake gakadindulike, nu lutata lwablumili lwake lukawapolike, na akatumbwile kulongela wicho. ³⁶ Na akawataukile kukita nausi wasinnjowela mundu; koma umu akawataukile wombe, kilutile nyamhope wakayile mu kuyenesa. ³⁷ Na kulutila nnyamhope wakayile mu kakangacha nyamope, kukita, akita yombe fyoha wicho; akita haka wa kisiwasi wayufwane, na wala wa ngakulongela walongele.