¹ Na akapitite kukulkula: nakayingile pa ujengo wa dadi mundu: na wanafunsi wake wankisa. ² Ni pa likapatite kuya sabato akatumbwile kuwula pa sunagoge; na wingi pa kuyufwana wakayile mu kukangacha, kujowa, kuhumila kulii uyu ayile nafyoha ifi? kawili, mlangoi maki apeliwe uyu, ni mbafu ngati isi sipata kuya pa mawoko gake? ³ Si uyu wa kusala mikongo, mwana wa Maria, ni nndongo wa Yakobo, ni Yoses, ni Yuda, ni Simon? ni walumbu mundu wayii kunikwitu ati? Ni wakuwasike pa yombe. ⁴ Na akajowite Yesu kwa wombe, wa kulweta na kuya wangali liginiko, lema ujengo wa dadi mundu, ni pa nnsafi wake mwene, ni pa nyumba yake mwene. ⁵ Ni akayile kuhotola lepa bahalapala kukita kindu kimonga kya mbafu, lema akakelike mawoko pa wa kulegeleka wachokope, na akawalwasite. ⁶ Na akahikalile ndawa yangali kukela kwake. ⁷ Na akaikemalike kumi na wawili wala, na akatumbwile kuwatuma awa wawili, wawili: na akayile kuwapeleka chengo pa roho sya wafu. ⁸ Na akawataukile nausi wasipinda kindu pa ndila, lema ndonga yakape; na kuya nnkate, ni lihako lya mpako, ni nngenge mu lukoto. ⁹ Koma kuyikungila sapato pasi; na na kufwata Mingila yiwili. ¹⁰ Na akawajowile, payii poha baho muyingila mu nyumba, kukula muhwelaye mpaka mupite kukulakula. ¹¹ Na payii poha apa wawakemalesa lepa, haka wawayufwanila lepa, mugendaye mwanja kuhuma kukulakula, mukung'undaye lufumbi lula luyile pasi pa njayo sinu kiyingalile pa ulungamakiso kwake. ¹² Na wakapitite ni kuyenesa nausi wapele. ¹³ Ni wakayile nu kutaga kunja Madaimon mingi, ni wakayile mu kuwabakasa mafuta wingi wa kulegeleka, na wakawakamise. ¹⁴ Nu Herode mutwa akayufwine: pa kuya lihina lyake likapatite kuya pa kwelu: na akayile mu kujowa, Yohana wakubatisa ayimike pa wa kufwa, na ndawa ya iki fya mbafu ifi fikita mahengo pa yombe. La wangi wakajowite, Eliya ayile. ¹⁵ Leka wangi: wakajowite, wa kulweta ngati yumonga wa wa kulweta wala. ¹⁶ Leka herode, pakayufwine, akajowite uyu nena nikanndumwile mutu, Yohana, yuyu ayimwike. ¹⁷ Pa kukita Herode mwene akatumite, akankamwile Yohana, nu kunkunga pa kukungika ndawa ya Herodia, Mhanu wa Filipo nnun'una: pa kukita akantuwile. ¹⁸ A kukita Yohana akannjowile Herode, Yiyita kalika lepa pa chengo kukita uye nako mhanu wa nnung'unawo. ¹⁹ Leka Heroide akambikile mitumba, na akalondite kunkoma: akaotwile lepa: Pa kukita Herode akayile kunnjogopa Yohana pa kumanya kukita mundu wa malinga ni wa pa sima, na akayile kunngoha. ²⁰ Na pala akannjufwinile, akayile mu kuholangana fingi, na akannjufwine kiniambile. ²¹ Ni yikapatitite kuya ligono linofu, apa Herode pa ligono lya fya kuhogoleka kwake akawakitile manduna gake kya kulya na makapitao wa maelfu gake, na wandu wa kutumbula wa Galilii. ²² Na pala Mwana nndala wa Herodia mwene akayingi;e na akahinite pamonga nu yombe pa kya kulya; leka Mutwa akakite kwa mwali yula, uluwe kwangu kiyii kyoha iki ulonda, na yanikupele. ²³ Na akandaoalile, kukita, kiyii kyoha iki yauniluwe, yanikupele, mpaka pinga a utwa wangu. ²⁴ Na akabite, akantwawalile nyina, Yanluwike kiki? Leka akakite, mutu wa Yohana wakubatisa. ²⁵ Na hino apa pakayingile kiyumbatikile kwa mutwa, akayiluwile, kujowa, Nilonda nausi unipele hinohino apa mu kiheneko mutu wa yohana wakubatisa. ²⁶ Nu mutwa akapatite kuya ni maniongoneko; leka ndawa ya kuyilakisa kwake, na ndawa ya awa wa kugona pa kya kulya,akalondite lepa kumhepa. ²⁷ Na hino apa mutwa akatumite askari, akataukile kutola mutu wake; ni akabite; akadumule mutu wake pa kukungika. ²⁸ Na akatolite mutu wake pa kiheneko, akampile mwali yula; nu mwali akaupelike kwa nyina. ²⁹ Na pala wakayufwine wanafunsi wake, wkabite na wakapindite nntufi wake, wakauwikite pa mayinja. ³⁰ Na wa apostolo wawungana kwa Yesu wakantotile utenga wa fyoha fila wakafikite, na fyoha fila wakafiwulite. ³¹ Na awajowela, muhichaye mwenga mwawene pa mwenga pandu pa lipululu, na mukapumule pachokope. pakukita wakayile wala wa kuhicha wala wa wala wakabite wala wingi, ni wakayii lepa nu lukumbi. linofu haka lwa kulya. ³² Na wakabite pa libot kiyingalile pandu pa lipulu pa mweya. ³³ Na wakaweni wombe waluta, na wingi wakawalile, na pa nndima kuhumila makaya goha wakayile mu kukimbila pamonga kukulakula, na wakalutalile. ³⁴ Na pa akapitite akalolite lipuga likulungu, na akatolike lipyana kwa wombe, pa kukita wakayile ngati mambelele ugangali wa kudima; na akatumbwile kuwayigilisa fingi. ³⁵ Na hino sikayonjakisike saa, wanafunsi wake wakanchilile, ni wakajowite pa lipululu payii pandu apa, ni saa hino yiyonjakisike. ³⁶ uwapele awa mwanja nausi wabite kiyingalile pa migunda na pa mihali, wakahemele kindu ka kulya. ³⁷ Na pa akahigite kwa wombe, muwapele mwenga kya kulya walye. na wannjowela, wila tibite ni tikahemele mikate ya madenario mia siwili, nu kuwapela awa walye? ³⁸ Leka awajowela, mikate ilinga muyii nayo? mubitaye muwone. ni wakapatite kumanya, wajowa, mhano ni somba siwili. ³⁹ Na akawataukile kukita woha watame oasi mipango mipanani pa nndindi. ⁴⁰ Na wakatemi pasi migawo migawo, mia mia na makumi mhano mhano. ⁴¹ Na pakatolite mikate mhano yila ni somba siwili sila, akalolite kunani, ni akandumbite mwene kihomo, ni akamatwile mikate yila; na akayile kuwapela wanafunsi nausi wawawikile wombe; ni somba siwili sila akawagawilenwoha. ⁴² Na wakalile woha, ni ['wak'a'tupile. ⁴³ Na wakatondwile fimenyumen[yume, masenjele kuMi n a gawili, na fYa Somba kawili. ⁴⁴ Na wala wakulya mikate yila wakayili maelfu mhano wagosi. ⁴⁵ Na hino at likayile poga pa akawakikisile wanafunsi wake kiyingalile mu libot, ni kulongolo la ku lisi lingi, ku Betsaida, mpaka pala mwene alipele lipuga Mwanja. ⁴⁶ Na pa akawalangile wombe, akabite kiyingalile ku kidunda kuluwa. ⁴⁷ Ni pa ikapatite kuya kimihi, libo likayile pogati pa nyanja, na yombe wakape pa nndima. ⁴⁸ Na pakawaweni wombe wahumbusika pa kufigha, pa kukita mbepo ikayile ya mulongolo, ngati lukumbi lwa kuyupulana a kacheche kila awachilile kigendile-gendile panani pa nyanja: na akalondite kuwalutalila. ⁴⁹ Leka wakambweni agenda genda panani pa nyanja, wakaholite kukita ayile kindu kya kuwoneka waka, na wakakugite malowe. ⁵⁰ Pa kukita woha wakambweni , na wakayambanike mioyo. Leka hino apa akalongi;e nawo, ni awajowela wombe, muye nu mwoyo: nenga niyii mukotoke kuyogopa. ⁵¹ Na akakwelite kwake kiyingalile pa libot; ni mbepo ikalisite; na wakayii mu kukangacha mugati mwawe; ⁵² Pa kukita wakalalile lepa ya mikate yila, kona mwoyo wawe ukayile wa kugulumbana. ⁵³ Na pa wakayombwike, wakachite pa nndima kuGenasaret, na wakalekile nanga. ⁵⁴ Na pala wakafuwike pa libot, ino apa wandu wakambalalile yombe. ⁵⁵ wakankimbalile kisyunutile pa nndima oha, na wakatumbwile kutola pa ndangati syawe wa tamu wala kisyungutile, pala wakayile kuyufwana kukita ayii kula. ⁵⁶ Na payii akayii mu kugenda mwanja kiyiingalile pa mihali, pangi pa makaya, pangi pa migunda,wakawawikile wa kulegeleka wala pa machengo, na wakayile mu kumpembesa kukita wakwafye haka lupeto lwa kya kufwata kyake; na wala woha wakakwafite wakayokolike.