¹ Na wakachite kiyingalile lisi lya nyanja kiyingalile pa nndima wa maGerasa. ² Na pa afuwike yombe pa libot, hino apa akawanangine nako kuhuma pa manyinja mundu wa roho ya wafu. ³ Uyu akayile kitamilepa manyinja; na pa waka mundu akahotwile kawili kunkunga haka ni minyololo; ⁴ Pa kukita wakankungite apa na ni findawatila ni minyololo, leka minyololo ikadumwike na yombe, ni findawatila fikanyopwike; nu na kuya lepa mundu ywakatotwile kuundima. ⁵ Na magono goha, kilo nu musi, akayile pa mayinja na pa fidunda, kukuga, ni kuyitema-tema na maganga. ⁶ Na pakabweni Yesu patali, akakiimbile na akagwilile kimbo. ⁷ Na pa akakugite ni malowe makulungu, ajowe kiki kwa nenga na wenga, Yesu Mwana wa Mlungu wa kunani nyahope? Nikulumbulila kwa Mlungu, usinihumbusa. ⁸ Pa kukita akannjowile yombe, pita roho ya wafu, pa mundu uyu. ⁹ Na akayile mu kumpembesa nyamhope nausi asi watuma kunja kwa nndima ugu. ¹⁰ Leka likayile bahalapala pa kidunda lipuga lya maghuluwe likulungu lilyeghe. ¹¹ Leka likayile bahalapala pa kidunda lipuga lya maghuluwe likulungu lilyeghe. ¹² Na wakampembise kujowa, ukatitume mu maghuluwe nausi tiyingilenmugati mwawe. ¹³ Na akawayitakile na roho sya wafu, pa sikapitite, sikayingilenmu aghuluwe, ni lupaga likakimbile malyayo kuselela pa ligema, kiyingalile pa nyanja, ngati elfu siwili ni gakayilegakalakile pa nyanja. ¹⁴ Na wala wa kudima wakakimbile, na wakapelike utenga kiyingalile pa likaya, na pa migunda na wakachite kuwona kila kipatite kuya. ¹⁵ Na wanchililenYesu na wandolakesa yula akakamulike ni Madaimon atemi, afwikike na ayii nu luhala, yula yula akayile ni legion; na wakayogwipe. ¹⁶ Na wala wakalolite wakawakokosile umu mukapatite kuya na yula wa kukamulika na madaimon yula, ni ndumi sya maghuluwe. ¹⁷ Ni wakatubwile kumpembesa awuke kuhuma pa mipaka yawe. ¹⁸ Na pa kuyingila yombe pa libot yula akakamulike ni madaimon yula akayile kumpembesa nausi aye pa Monga na yombe. ¹⁹ Na akayitakile lepa, koma annjowela, bita ku nyumba yako ni kwa walongolo, na ukawatolele utenga wa findu fya ukulungu ukakititte Bambo na uli akakupwelikile lipyana. ²⁰ Na akabite, akatumbwile kuyekenesa pa Dekapoli fiyii fyoha fyakakitike nu Yesu kwa yombe; na woha wakayile mu kuhikalila. ²¹ Nu Yesu pa akayombwike kawili pa libot kiyingalile pa lisi lingi, likawunanike lipuga likulungu kwake: na akayole pa makigi ga nyanja. ²² Na ahica yumonga wa wakulungu wa Sunaoge, lihina lyake Yairo: na pa kumbona, agwila pa nyayo syake. ²³ Na apembesa nyahope, kujowa kunangu kahinja kayii lung'olela: nausi pa kuhicha ukambike kiwoko kyake, nausi akayokoke, ukalame. ²⁴ Na akabite pamonga na yombe: ni lipuga likungu wakayile mu kunkisa, na wakamfinyikise. ²⁵ Nu nndala yula akayile wa kuhulula mwasi miaka kumi ni iwili. ²⁶ Nu kuhumbusika nyamhope kwa waganga wingi na yula akalipite fyoha fiyii kwake, na kapatite lepa kindu, koma akalutile kulwala. ²⁷ Pala akayufwine mbili ya Yesu, akachite pa lipuga panyuma, akakwafite kya kufwata kyake. ²⁸ Pa klukita akajowite, wona nikwafite haka fya kufwata fyake fyakape yaniyokoke. ²⁹ Na hino apa kisima kya mwasi wake kikayumite; na akawalalile pa mmbili kukita alamasike pa kipumundu kila. ³⁰ Na hino apa Yesu, pa kuwalila mugati mwake kukita mbafu syake simpitite akang'anamwike ku lipuga, akajowite, nani akanikwafite fya kufwata fyangu? ³¹ Na wanafunsi wake wakayile mu kunnjowela, ulola lipuga likufinyikisa, nu ujowa, akanikwafite? ³² Na akayile mu kugelwana kumbona yuyu `wa ku nyumba yula akakite iki. ³³ Leka wa kunyuma pa akayogwip nu kudigida, pa kumanya iki kikapatite kuya kwake, akachite, akagwile kwa yombe, akakite kwa yombe fya chakaka fyoha. ³⁴ Leka akakite kwa yombe, mwana wa ku nyumba kiyitakiso kyako kikuyokwile: bita pa kindamba, ni uye wa kusangaluka kuhuma pa kipamundu kyake. ³⁵ Akona kilongalile, wahicha kuhuma pa nyumba ya nnkulungu wa Sunagoge, kujowa mwanao nndala afwile: ndawa kiki umfwahisa wa kuwula? ³⁶ Leka Yesu, pakasiwagine lilowe lila lilongalike, annjowela nnkulungu wa sunagoge, ukotoke kuyogopa, uyitakili waka. ³⁷ Na akayitakile lepa mundu kusisana pamonga nu yombe, lema Petro, nu Yakobo nu Yohana nnung'una wa Yakobo. ³⁸ Na wahicha kiyingalile mu nyumba ya nnkulungu wa sunagoge; na alolakesa kuyawawa, ni wa kulila na wa kukuga kwingi. ⁴⁰ Na apa akayingile, awajowela, kii muyii kukiga, nu kulila? kumwana kafwili lepa, koma kayile mu lugono. ³⁹ Na wakayile kumheka mihenje. Leka yombe, pa aktagite kunja woha, atola dadi wa kumwana nu nyina na wala wakayili nawo mwene, na ayingila pala kukayile kumwana. ⁴¹ Na pala akakamwile kiwoko kya mwana , na annjowela, Talitha kumi: lili kukokoseka, kahinja, nikujowela, yimuka. ⁴² Na hino apa kahinja kakayimi, nu kugenda-genda; pa kukita kakayile ka miaka kumi ni yiwili. ⁴³ Na akawataukile kwingi kukita nausi pa waka mundu apate kumanya iki, akakite apelewe kya kulya.