¹ Na akatumbulile kawili kuwula mu makigi mwanyanja. ni liunganika kwake lipuga likulungu, mpaka akayingile mu libot, ni kutama pasi pa nyanja, ni lipuga lyoha likayile papipi pa nynaja pa nnndima. ² Na akayile mu kuwawula fingi pa ngongo, na akawajowile pa kuwula kwake. ³ Muyufwanile; lola akapitite wa kumicha kumicha, mbeyu yake. ⁴ Ni ikapatite kuya pa kumicha, yingi yikagwile mu makighi mwa ndila, na fikachite fidege ni fikaillile ngani. ⁵ Ni yingi yikagwile panani pa lutala, pala payile lepe ni lidupi lingi. ni hino apa ikamelite, pa kuya lepa ni lidupi lya kubita pasi. ⁶ Ni apa lijuwa likakwelite kunani, yikayutwike na pa kuya lepa ni milela, yikafyotite ngani. ⁷ Na yingi yikagwile kiyingalile pa mifwa, ni yikakwelite mifwa ni yikaniongite , ni ikapamba ike llepa. ⁸ Na singi sikagwile kiyingalile pa lidupi linofu, na sikayile kupambika fipambiko, kukwela nu kukula; na sikahogwile kiyingalile pa makumi gadatu, ni pa makumi nntanda, na pa mia. ⁹ Na akajowite, yuyu ayii ni makutu ga kuyufwanila, ayufwane. ¹⁰ Na pa akapatite kuya wakape wala wa kunsyungutila pamonga na kumi na wawili wala wakayile mu kunkota ngongo sila. ¹¹ Na akawajowile, kwinu yipeliwe musterio, sya utwa wa Mlungu: leka kwa wala wala wa kunja, fyoha fipaya kuya pa ngongo. ¹² Nausi wa kulola migho walole, na wasiona: na wa kuyufwana wayufwane, na wasiwalalila, wasing'anamuka na pachokope nu kulekakaleka kwa wombe. ¹³ Na awajowela wombe, muyimanyi lepa ngongo iyi? na uli yamupate kumanya ngongo syoha? ¹⁴ Wa kumicha amicha lilowe. ¹⁵ Leka awa wala pa makighi ga ndila , pala limichiwa lilowe; ni baha wayufwana, hino apa ahicha shetan, nu kuyupa lilowe lila limchike kiyingalile pa wombe. ¹⁶ Na awa wiwi wayile wala wamichike anani pa lutala, wala mwaka uyii woha baha wayufwana lilowe lila, hino apa waliyupa ni kicheko; ¹⁷ Na wayii lepa ni milela pa wombe wene, koma wayile wakulumbi nu lukumbi panyuma pa kupata kuya kuhumbusika nu kukimbisiwa ndawa ya lilowe hino apa wakuwasika. ¹⁸ Na wayine wayile wala wamichike pa mifwa; awa wayile wala wa kuyofwana lilowe; ¹⁹ Na maholo ga miaka ya kitamile pela ya hino, ni kukonga kwa kyuma, na fya kunyonyesha kwa findu fingi pa kuyingila filinyongo lilowe, na lipata kuya lyangali fipambiko. ²⁰ Na wala wala wayii wala wakamicheke panani pa lidupi linofu; wala na wombe wayufwana lilowe, na waliyupa wicho , na wapambika makumi gadatu, na makumi ntanda, nu mia. ²¹ Ni akawajowile, wila nyali yiyicha kuwikika pasi pa kikon'ondela, haka kusi kwa kitala, na kuya nausi ikawikike pa kuwikila nyali? ²² Pa kukita payii lepa kya kufihika, lema nausi kiwoneke pa lulanga; haka kipatite kuya pa kumweya, lema nausi kiyiche kiyingalie pa lulanga. ²³ Wona mundu ayii ni makutu ga kuyufwanila, ayufwane. ²⁴ Na akawajowile, mulolaye kila muyufwanila ni nndingo ughu mulinga nagho yaulingike kwa mwenga; na yakiyonjekeseke kwinu. ²⁵ Pa kukita yuyu ayii nakyo, yakupelewa kwa yombe: na yula na kuya nakyo, haka kila ayii ankyo yakiwusike kwa yombe. ²⁶ Ni akawajowile, wiwi uyile utwa wa Mlungu, ngati mund ataga mbeyu pa lidupi. ²⁷ Ni agna ni awuka ni kilo ni musi, ni mbeyu yituka ni yitambasuka, umo amanya lepa mwene. ²⁸ Nndima gwene gwakape guhogola; pa kutumbula mhofu, panyuma pake maholo; panyuma pake gamemaseka miho pa mahojo. ²⁹ Kufika mwaka uyii woha fipambiko fikomela, hino apa atuma nyengo, pa kukita kubena kufika. ³⁰ Na akajowite, uli yatilinganise utwa wa Mlungu? pangi pa ngongo nyiki yatiuwike? ³¹ Ngati lungele lwa Karadali; lula baha limichike pa lidupi, haka liyule luchoko kulutila mbeyu syoha sya pa nndima. ³² Nu mwaka uyii woha lumchika, lukwela, na lupata kuya lukulungu kulutila likolo lyoha, na lukita ndafi ngulu-ngulu; mpaka madege ga mu nyingalila gahotola kujenga nyumba syawe pasi pa mfwinyi wake. ³³ Ni pa ngongo nyingi ngati iyi akayile mu kulongela nawo lilowe lila, umu wakayile nu kuhotola kuliyufwanila. ³⁴ Leka palema ngongo akayile kulongela nawo lepa; koma pa mweyaa kwa wanafunsi wake mwene akayile kuwawpolela kwisi. ³⁵ Na lipate kuya limbupulu likulungu lya mbepo, na mayiga gayile mu kupyolela mu libot, mpaka liboti likatubwile kumema hino. ³⁶ Nu Yombe mwene akayile pa mbingu, kugona lugono akasamile nnsamilo na wambusa, na wannjowela, wakulula, wila kuya kindu kwako kukita tiyii mu kutagika? ³⁷ Na pa akayimwike, akalakalile mbepo, na akakite kwa nyanja, tamu kinunu, ni ukitke lita. ³⁸ Nu yombe mwene akayile pa mbingu, kugona lugono akasamile nnsamilo, na wambusa, na wannjowela wakuwula, wila kuya kindukwako kukita tiyii mu kutagika? ³⁹ Na pa akayimwike akalakalie mbepo, na akakite kwa nyanja, tamu kinunu, ni ukitike lita ni mbepo ikayilime, leka lukapatite kuya lumbwela lukulungu. ⁴⁰ Na akakite kwa wombe kiki muyii ni woga? mukona na kuya na kiyitakiso? ⁴¹ Na wakayogwipe kiyogopile, na wakojowine yungi ni nnjine, Nani uyu ati, pa kuya haka mbepo haka nyanja sinjufwanila?