¹ Na akayingile kawili mu Sunagoge; na akayile bahalapala mundu akayile ni kiwoko kya kuyuya. ² Na wakayile mu kundolalela, ngati yandwase ligono lya Sabato, nausi wandungamakile. ³ Na annjowela mundu yula ayii ni kiwoko kya kuyuya yima pagati. ⁴ Na awajowela, wila kiyitakalika pa chengo pa ligono lya sabato kukita kinofu, pangi kukita kiwifu? kuyokola umi, pangi kukoma? leka wakayile mu kutama kinunu. ⁵ Na pala akawaghelawine pamonga nu kudada, akakung'ong'onakile kugulumbula kwa mioyo yawe annjowela mundu yula, tambalisa kiwoko kyake. ⁶ Na akatambalise ni kiwoko kyake kikakilausike. ⁷ Nu Yesu pamonga na wanafunsi wake akawukite mwanja ku nyanja; na uwingi ukulungu kuhumila Galilii wakankisite: nu kuhuma pa yudaya. ⁸ Na pa Yerusalem na pa Idumaya, na pa lisi lingi lya Yordan, na pa kusyungutila iwo ni sidon, uwingi ulungu, wa kuyufwana fiyii fyoha fila afikita wakachilile yombe. ⁹ Na akakite kwa wanafunsi wake nausi kabot kangohe ngani ndawa lipuga, nausi wasimfinyi kisa. ¹⁰ Pa kukita akatwasite wingi: Mpaka woha wayii ni mitowo wakagwile nausi wankwafye. ¹¹ Na roho sya wafu payii poha sikayile mu kundokesa mu kugwa pasi pa yombe ni sikayile mu kukuga, kujowa, wenga uyile Mwana wa Mulungu. ¹² N akayile mu kusilakila pingi pingi nausi wasinkita yombe wa kuonekana. ¹³ Na akwela kuyingalile pa kidunda akayile kuyikelela waka akalondite Mwene: na wakabite kwake. ¹⁴ Na akawakite kumi ni wawili, nausi awatume kuwandisa. ¹⁵ Nu kuya ni chengo ya kutanga kunja madaimon. ¹⁶ Na akampile Simon uhina lyake Petro. ¹⁷ Ni yakobo Mwana wa Zebedii, nu yohana nnung'una wa yakobo akawapile uhina Boanerges, liyii wana wa mbamba. ¹⁸ Nu andrea nu Filipo, nu Bartomayo, nu Maltayo, nu Simon mkananayo. Nu yuda Iskariata, yula kawili akamfumbwile na akayingile mu nyumba. ¹⁹ Ni lipuga lyaichite kawili pamonga na kuhotola yombe haka kulya nnkate. ²⁰ Ni lipuga lyachite kawili pamonga na kuhotola yombe haka kulya nnkate. ²¹ Na pa wakayufwine wa kwake, wakapitite kunkamula: pa kukita wakayile mu kujowa, munu. ²² Na wa kulembela wala wakaseile kuhuma pa Yerusalem wakayile mu kujowa: ayile Beelzebub, ni kwa nduna wa madaimon atangakunja madaimon. ²³ Akawakemile, kwake akawajowile pa ngongo, ahotola uli shatani kutaga kunjwa shetani. ²⁴ Ni wona utwa ugawika kwipindika mgati mwake, uhutola lepe utwa wula wula kuyima. ²⁵ Na wona nyumba igawiko kwipindika mugati mwake yahihotola lepa nyumba yila yila kuyima. ²⁶ Na ngati shatani ayima kuipindika mwene, na agawika, ahotola lepa kuyima koma ayile ni pa umalilo. ²⁷ Leka pa waka mundu ahotola kuyingila pa nyumba ya mwene mbafu, nu kunyaka misewenjeyake wona alemite pa kutumbula kunkunga yuyu mwene mbafu: na bahalapala yafufule nyumba yake. ²⁸ Chakaka niwajowela, fyoha yafilekalekeke kwa wana wa Adam, fya kuhoka fyawe na blasfemia yawe yiyii yoha yawakite. ²⁹ Leka ayii ywoha wa kunkitila Roho Mmbalafu blasfemia ayile lepa nu kulekaleka kiyingalile pa miaka ya kitamile pela. ³⁰ Ndawa wakajowite, ayile nu roho ya wafu. ³¹ Na ahicha nyina na walongo mundu: na pa wakayimite kunja, wakatumite kwa yombe kunkemela. ³² Ni lipuga wakayile mu kutama pasi kunsungutila; na wannjowela,. lola nyoko na walongowo wayii panja wakulonda. ³³ Na pakahigite, awajowela, mau ayile nani? na walongo wangu wa nani? ³⁴ Na pakagelawine pa wala wa kutama pasi kunsyungutila, ajowa lola mau wangu na walongo wangu? ³⁵ Pakukita ayii ywoha yula yakikita iki akilonda, Mlungu, yuyu nu nndongo wangu, nu nndumbu wangu, nu mau wangu.