¹ Na pala akakiliungine kuyingila pa kapernaum pa magono gangi, yikayugwanike kukita ayii mu nyumba. ² Na wingi wakaunganike, mpaka kapayii lepe pandu haka pa nndyango; na akayiimu kulongela nawo lilowe. ³ Ni wahicha, wa kuntolel mundu wa kindengu-udendu, wakapindasine ncheche. ⁴ Na pala wakahotwile lepa kumpindila ndawa ya lipuga; wakandamwile king'ango pala akayile ni pa wakamalite kufundamula, wakaselise litala pala akayile mu kugonela wa kindengu ndengu. Nu Yesu ⁵ Nu Yesu pakaweni kiyitakiso kwawe anjowela wa kindengu. ⁶ ndengu Mwana, sambi syake siyii mu kulekaleka. ⁷ Leka wakayile wingi wa kulembela bahalapala, watemi nu kujowana mu mioyo mwawe. Uli uyu alongela wila? akita blasfemia; nanai ahotola kulekalesa sambi lema muyonga, yuyu MLungu? ⁸ Na hino pala Yesu akawalalile mu Roho yake kukita wakayile kujowana wiwila pa mioyo yinu? ⁹ Kilii kiyuyufu, kukita kwa wa kindengu-ndengu sambi syake siyii mu kulekaleka, pangi kukita, wuka, pinda kitala kyako na ukagende genda? ¹⁰ Leka nausi mumanye kukita mwana wa Adam ayii ni chengo kulekalesa sambi pa ndima ughu (annjowela wa kindengu-ndengu). ¹¹ Nikujowela wenga, wuka pinda kitala kyako, ukabite kiyingalile ku nyumba yako. ¹² Nakawukite, ni hino apa akapindite kitala, akabite pa miho ga woha; mpaka woha waka gana- ganite ni kunkwisiya Mlungu, kujowa, wila tikioneye lepa. ¹³ Na akapitite kawili mu makigi mwa nyanja; ni lipuga lyoha likayiii mu kunchila, makayile mu kuwawuka. ¹⁴ Na pakalutangine, akambweni levi, mwana wa Alfayo, atemi pandu pa kuyupa songo, na nnjowela, unikise nenga. Na akayime akankisite. ¹⁵ Ni kukapatite kuya pa kunoga pa fyakulya pa nyumba yake, nu wingi wa kuyupa songo na wene sambi wakayile mu kugona pasi pamonga nu Yesu ni wanafunsi kunkisa yombe. ¹⁶ Na wa kulembela wa Wafarisi, pa wakaweni kukita alya ni kunywa pamonga ni wa kuyupa songo ni wene sambi. ¹⁷ Nu Yesu pakuyufwine awajowela, wakusangaluka walonda lepa nnganga, koma watamu, nikachite lepa kuwakemela wa malinga, koma wene sambi. ¹⁸ Na wakayile kukunga kya kulya wanafunsi wa Yohana na wa wafarisi ni wahicha, wannjowela yombe, ndawa kiki wanafunsi wa Yohana na wanafunsi wa Wafarisi wakunga kya kulya, leka wanafunsi wako wakunga lepa? ¹⁹ Nu Yesu akakite kwa wombe, wila wana wa nyumba ya nduusi wahotola kukunga kya kulya pala mkohano chengo ayile pamonga nawo? Lukumbi lwoha ulu wayile nu Mkohano chengo pamonga nawo, wahotola lepa kukunga kya kulya. ²⁰ leka yagayiche magono,Pala mkohano chengo yatolewa kuhuma pa wombe,na Bahalapala yawakunge kya ligono lila ²¹ Pa waka mundu yuyu awika kigamba kya nguo yene ufuya-fuya pa kya kufwata kya kulala: pangi kya kukwila kiwusa pa kyombe, kila kya hino pa kila kya kulala, ni kipala lilutila. ²² Na pa waka Mundu alekela vinyo ya hino pa mahaku malala, Leka wona akita wila, vinyo yayipefule mahaku, na vinyo yayiyanangike, na mahaqku kawili; leka vinyo vya hino pa mahuku mapya. ²³ Ni ikapatite kuya pa lkubita yombe mwanja pa sabato pagati pa milimo, ni wanafunsi wake pa kubita ndila, wakatumbwile kudumula mahojo. ²⁴ Na wafarisi wakayile mu kunnjowela, Lola kwa kiki wakita ligono lya sabato iki kya ngayitakalika ni chengo kukita? ²⁵ Na akawajowile, mukona na kusoma mpaka hino kila akakite Daud, palo kukansowite, nakaweni njala, yombe na wala wakayile pamonga nu yombe? ²⁶ Umu akangalile pa nyumba ya mlungu pa lukumbi lwa Abiathar nnkulungu wa nyambiko, na akalile mikate ya kuwikika pa miho, yila na kuyitakalika ni chengo yiliwe lema kwa wa kulekela nyambiko, na akawapile kawili wala wakayile pamonga na yombo? ²⁷ Na akawajowile wombe, sabato ikapatite kuya ndawa ya mundu, na kuya mundu ndawa ya sabato. ²⁸ Mpaka Mwana wa Adam ayile bambo wa sabato kawili.