¹ Na hino apa lukelakela pa wakapangite malango wakulungu wa nyambiko pamonga ni wakuluakulu ni wa kulembela, ni chengo ya mfilimila, wakankungite Yesu wakantolite, na wakamfumbukise kwa Pilato. ² Na Pilato akankotite, wila wenga uyii mutwa wa yuda? leka pa akahigite annjowela, wenga ujowa, ³ Ni wa kayile mu kundungamakila wakulungu wa nyambiko fuingi. ⁴ Leka Pilato akayile mu kupinda kunkota yombe uhiga lepa kindu? lola umu fifulukila fila wakulungamakila. ⁵ Leka Yesu kitumbulile pala akayile na kuhiga lepa: mpaka pilato kuganagana. ⁶ Leka pa ligono likulungu awawopolileye yumonga wa mu migoyi, yula wakayile kuyiluwila kwa wombe. ⁷ Leka akayile bahala wa kukemeleka Barabbas, akangike pamonga na wa kubalamuka, wala na wombe wakakite kukoma mundu pa kubalamuka kula. ⁸ Na lipuga pa likakwelite wakatumbwile kuyiluwila umu akitege kwa wombe. ⁹ Leka Pilato akawahigite, kujowa, wila mulondaniwawapolile mwenga mutwa wawa yuda? ¹⁰ Pa kukita ayile mu kuwalalila kukita kwa wifu wa kulekela nyambiko wakulungu wakamfumbukise yombe. ¹¹ Leka wakulungu wa nyambiko wakawusite lipuga, nausi mbanga awawpolele Barabbas. ¹² Leka pilato akapindite kulinga, akawajowile, mumi kiki ninnkitile yula munnjowa mutwa wa wayuda? ¹³ Leka wakapindite kukuya, mumbambae pa msalaba. ¹⁴ Leka Pilato akawajowile, pa kukita kiki kiwifu akakite? leka wakakungite kawili kulutila mumbambaye pa msalaba. ¹⁵ Leka Pilato, pa kutama ni mwoyo akitite ;lipuga kindu kya kuyenela, akawawopolile Barabbas, na akamfumbwile Yesu, pala antowite, nausi awambike pa msalaba. ¹⁶ Leka askali akayile mu kubita nako kulyetu kiyingalile pa lihengele, ili lili Pretorio: na wakakemile pamonga libanja lya mfilimila. ¹⁷ Na amfwatika yombe kinyong'onyi ni pa wakalukwite singwa ya mifwa wakawikite panani pake. ¹⁸ Na wakatumbwile kundamusa, kukita tikulamusa, mutwa wa Yuda? ¹⁹ Ni wakayile kuntwa pa mutu ni lidete, ni wayile kumfunyila, na a kufugamana mafugamilo wa yile kungwila kimbo. ²⁰ Na `pa wankitile mihenje, wakamfulite kinyongonyi kila na wakamfwatike fya kufwata fyake. ni wakampisite nausi wambambe pa msalaba. ²¹ Ni wakanjimalakise mundu wa kulutangana, simon mkurene, ahichanga kuhumila ku nngunda dadi wawe Alexandro ni Rufo, kubita nausi atole msalaba wake. ²² Ni wampinda yombe mpaka pandu pa kitunga. ²³ Ni wayile kumpela vinyo ya kuhasangana ni muro: leka akayupite lepe. ²⁴ Na wambamba pa masalaba, ni wagawano mingila yake kulondalela pa aga, kukita nani yatole kiki. ²⁵ Na ikayile saa ya kadatu, na wakambambite pa msalaba. ²⁶ Na likayile lilembo lya panani lya nyimu yake ilembike kukani, Mutwa wa Yuda . ²⁷ Na pamonga nu yombe wawamba wa lugu wawilii, yumo kiwoko kya ndilo, ni yumo kiwoko kya mangighi. ²⁸ Ni lilembo limemasike pamonga na wala wangati tora. ²⁹ Na wa kulutangana wayile kunndoga. Kutikisa mitu yawe, nu, kujowa, Aha! wa kubomonyola hekalu, kuyijenga kwa magono gadatu. ³⁰ Mwiyokole, kusesela pa msalaba. ³¹ Wiwila kawili wakulungu wa nyambiko kunkitila mihenje yungi nu njine pamonga ni wa kulembela wakajowite, wangi awayokoleye mwene ahotola lepe kuiyokolola. Kristo uyu, mutwa wa Israel, aseleke hino pa msalaba, nausi tikawone, tikakele. ³² Na wala wakawambike pa msalaba pamonga nu yombe wayile kunndonga. ³³ Na pa ikapatite kuya saa ya nntanda, lukapatite kuya lwisi pa nndima woha mpaka saa ya mhno ni ncheche. ³⁴ Na pa saa ya mhano ni ncheche Yesu akakugite lilowe likulungu, Eloi! Eloi! lama sabathani? yiyi ya kukokoseka, mlungu wangu, ,mlungu wangu, kwa kiki unilekite ngani? ³⁵ Na wangi wala wakayimi baha, pala wakayufwine, wakajowite, mlole annkemela Eliya. ³⁶ Leka nunuyu akakimbile, akamemise spongeni vinyo ya kuwawa, akawikite pa lidete, akayile kunywesa, kujowa muleke; tiwone ngati ahicho Eliya kunselesa yombe. ³⁷ Leka Yesu pa akapelike lilowe likulungu, akakungwike. ³⁸ Ni nguo ya kindemula ya hekalu ikakacwike fimbambali fiwili kitumbulile kunani mpaka pasi. ³⁹ Nu Kenturio? yula akayimi baha pa kipula na yombe, pakaweni kukita akakungwike wila, akakite, chakaka mundu yuyu ayii mwana wa Mlungu. ⁴⁰ Leka wakayile baha wa ku nyumba wa kulolelatali: pagati pawe na maria magdalene nu Maria nyina wa Yakobo nchoko na Yoses, ni Salome. ⁴¹ Wala baha wakayile pa Galilii, wakayile kunkimbisa yombe, ni kuntumikila yombe; ni wangi wingi wa ku nyumba wala wakakwelite ni yombe ku Yerusalem ⁴² Na hino pa ikapatite kuya kamihi ndawa likayile ligono lya kuwikila ngani ili liyii lya kimihi kya sabato. ⁴³ Akachite Yosefu wakuhumila pa Arimathaya nnkamba mwene chengo, yula kawili ayile kulindilila utwa wa Mlungu. pa akayile wa ngapwelele, akayingile kwa pilato kuyiluwila ntufi wa Yesu. ⁴⁴ Na Pailato akahikalile kwali ngati amalite kufwa: na pa akayikemalite, kenturio, akankotite yombe ngati mwandikati afwile. ⁴⁵ Na pa akawalalile kuhuma pa kenturion, akampile Yosefu ntufi gula. ⁴⁶ Na akahemile nguo ya nnkunja, akambikite pa mayinja ya kuhongoleka ya liganga: ni akabilusile ligana pa nndyango wa mayinja. ⁴⁷ Nu Maria Magdalene nu Maria nyina wa Yoses wakalolalile pakawikike pala.