¹ Na pala likalutile Sabato Maria Magdalene, nu Maria nyina wa Yakobo na salome, wakahemile fya kununganila nausi wafiwe nu kubakasa. ² Na lukelakela, waka ligono lya kutumbula lya week, wakayiche ku manyinja pa likapitite. ³ Na wayiche mu kujowa yungi nu njine nani yatibilusile liganga pa nndyango wa manyinja? ⁴ Na pa wakanyanyamwise miho, walola lela kukita liganga libilusike: pa kukita likayile likulungu nyamhope. ⁵ Na pa wakayile pa mayinja, wakaweni mpalo atemi pa kiwoko kya ndilo, afwikike mwingila ghuwalafu: na wakakangiche nyahope. ⁶ Leka awajowela, mukotole kukangacha nyamhope mundondandonda Yesu, Mnazareth, yula awam,bike pa msalaba; ayimsike; ayi apa lepe lola; pandu apa wakambikite. ⁷ Koma mubitaye, muwatawalile wanafunsi wake, na Petro, kukita awalongolela ,mwenga kiyingalile pa Galilii kukulakula yamumbone, umu akakite kwa mwenga. ⁸ Na pa wakapitite wakakimbilile pa manyinja pa kukita kudigida ni kugidida kukawagwilile. na wakakite lepa kindu kwa ayii ywoha: oa kukita wayii wa kuyolgopa. ⁹ Leka pala akasyukite waka ligono lya kutumbula lya week, akambokile Maria Magdalene pa kutumbula, pa yula akatagite kunja madaimon mhano ni gawili. ¹⁰ Yulayula akagendite mwanja, akawatolile utenga wala wakapatite kuya pamonga nako, apao wayile kukita malilo ni kulila masoli. ¹¹ Na wawalawala, pala wakayufwine kukita alamite, na akaloliwe pa lulanga ni yombe, wakakelite lepa. ¹² Leka panyuma pa findu ifi akawonakile pa lulanga pa kiwanakiso kingi kwa wawili wa wombe wagendagenda mwanja ku migunda. ¹³ Na wawawala pa wakabite wakawakolile utenga wala wa kusigala wala: haka wala wala wakakeite lepa. ¹⁴ Leka panyuma paka akawawonakile pa lulagakumi nu yumonga wala wagonite pa fya kulya: na akawakochilwe pangali kukela kwake nu kunonopa pa mwoyo, pa kukita wakawakelite lepa wala wakandolakise yombe ayimusike. ¹⁵ Na akakite kwa wombe, mugende mwanja mu nndima gwoha, mukawandise utenga unofu kwa ka kupangika kyoha. ¹⁶ Yula akela ni kubatisika yayokeleke: leka yula yuangali kukela yapaulike ngani. ¹⁷ Leka fiwalalilo ifi yafikisane na wala wakakulite: pa lihina lyangu yawatage kunja. Madaimon: yawalongele ni nimi sya hino. ¹⁸ Yawatole mayoko, haka apa wanywa kindu kya kufwisa, yakiwapoteke lepa: yawawike mawoko pa wala wa kulengeleka, na yawatame wicho. ¹⁹ Mumu Bambo Yesu, panyuma pa kulongela nawokatolike kiyingalile kunani ni akatemi pa kiwoko kya ndilo kya Mulungu. ²⁰ Leka wawalawala pa wakapitite wakawandise pandu poha poha, Bambo kikitile, lihengo pamonga nawo ni kukangamasa lilowe ni fiwalalilo fila kukisa mumu. Amen.