¹ Leka pakagenditi pagati pa amfipoli ni Apolonia, wayingili pa Thessalonia, pala yikayili Sunagogi ya wayehudi. ² Leka paolo, umu asyowelelaga akayingili kwawe na pa magono gadatu ga sabato akayili mukukotana nawo kutumila malembo. ³ Kundindilila ni kujowesa kukita kristo akalinganili kuyufwana mahumbuso ni kusyuka kawili pakufwa nu kukita yuyu yesu, uyu nenga niwawandisila ayii Kristo. ⁴ Leka wangi wa awa wakakongiki ni wakaungakini nu paolo nu sila ni wingi wa ukulungu wa wagriki wakugwila kimbo, ni wadala wa kutumbula wangakepa lepa. ⁵ Leka wayehudi pawakawiniti mwoyo, wakatoliti kwawe wanudu wangi wawifu na pawakakokanisi lipuga pamonga wakakiti njwawila pa likaya ni pawakayimiti panyumba ya yason wakawalonditi kuwatolela pa chengo kya wandu. ⁶ Leka apa wakawakolili lepa wakawafutiti yason na walongo wangi kwa wakulungu wa likaya, kukwesa awa wakun'anamula ndima wayii apa kawili awa yason awakamalesa. ⁷ Leka awa woha wakita kupindika mapawulo ga kaisar, kujowa kukita ayii mutwa yangi yuyu yesu. ⁸ Leka wakatumbusiti lipuga ni wakulungu wa likaya pawakayufwanili aga. ⁹ Na pawakatoliti kyakulinganila kya yason na wayini wakawawopwili. ¹⁰ Leka walongo hino apa kilo wakawapili mwanja paolo nu sila ku Beroya, awa nawombe pa wakachiti kuku wakayingili pasunagoge ya wayehudi. ¹¹ Leka awa wakayili wakamba kulutila wala wa Thessalonika kukita wakayopiti lilowe ili nu mwoyo wakuwikila ngani, ligono niligono kukota pa malembo wona ifi fiyii wilawila. ¹² Mumu winga wa awa wakakiliti na kawili wadala wa griki wa ntundu unofu, na wagosi wangakepa lepa. ¹³ Koma apa wayehudi Thessalonike wakamanyiti kukita pa Beroya kawili lilowe lya mulungu likawandisiki nu paolo wakachiti kuku kawili kunyukunyisa ni kuhumbusa mapuga. ¹⁴ Leka hino apa walongo wakatumiti paolo kubita mpaka nyanja ni sila ni Timoteo wakatemi kitamilo baho. ¹⁵ Koma awa wakumpelekesa paolo wakabiti nako mpaka atene, leka pawakayopiti luwimbi kwa sila nu Timoteo, nausi wandile nyata wakawukiti ¹⁶ Leka pa Atene apa paolo akayili mukuwalindalila Roho yaki yikawawili mungati mwake pakulolalela kukita likaya likamemiti fifwilifwili. ¹⁷ Mumu akakotini pasunagoge ni wayehudi na awawangwela kimbo napa chengo magono goha na awa wakankolili ¹⁸ Leka wangi wa silosofi wa Epikuto na wastoiko wakanjolili na wangi wakajowiti uyu wakupisa malowe gamahele ngalondili kujowa kiki? Leka wangi kukita Awaneka ngati tenga madamoni ga kigeni pa kukita ayii mu kuwandisa yesu ni kusyuka. ¹⁹ Leka pawakankamwili wakabiti naku kuhidunda kya Ates, kujowa utimanyise kiki mayigaliso aga ga hinu ga kulongeleka nu wenga?. ²⁰ Pakuya utolalela pa makuta gitu fingi-fingi fya kujene mumu tilonda kumanya ngafiteme wuli ifi? ²¹ Leka wa Atene woha na wayene wakwilahadisa pandu kuku wakayili nu lukumbi lungi lepa lema kujowa pangi kuyufwanila kindu kya tino. ²² Leka paolo akayimiti pagati pakidunda kya Ares na kujowiti mwenga mwa wagosi wa Atene pa findu fyoha nilola kukita muyii wakulogopa madisimoni. ²³ Pakuya pa kubita ni kulolalela ifi mufigwila kimbo, nikakolili kawili mathbahu pakaleki panani paki kwa MULUNGU WANGAMANYIKA. a ni wawandisila mwenga. ²⁴ Mulungu uya akapangiti ndima ni fyoha fiyii mumu, yuyu, pakutama bambo wa kunani ni ndima nu kuihwela lepa mu mahekalu gakujengeka nu mahoko ga wandu. ²⁵ Haka nukumakika lepa nu mawoko ga wandu ngati wakusowa kandu, ni mfuki, na fyoha. ²⁶ Na awakiti wa yumonga muhuku uyi woha wa wandu kutamasika pa kiwungi kyoha kya ndima kuwawikila ngani ngumbi syakutaukila, ni mipaka yakutamakika kwakwe: nausi yawandonde-ndonde. ²⁷ Mulungu ngawapapasili kwali nu kungolela haka nukutama lepa patali pa ayii yoha wa tenga. ²⁸ Pakuya mugati mwa yombe tilama, tigendesa, na tiyili, umu wangi wa kulweta wa kwinu wajowiti, pakuya wa uyu tiyili pa nsafi. ²⁹ Mumu pakuya wansa wa mulungu na kulinganila lepa tenga kuhola kukita umlungu uhwananga ni zahabu, hakandalama, haka liganga, kyakuhongoleka ufundi na maholo ga wangu. ³⁰ Mumu mulungu akalekiti waka nyumbi syanmgali kumanya: koma hino awataukila wandu woha payi. ³¹ Poha kupela pakukita akaliwikili ligono pa ili alonda kupawola ndima woha panani pa kugoloka pa ngosi uyu akambingili ngani paiki awapili wandu woha kalago apa ansyusili yombe pakufwa. ³² Leka apa wakayufwini ya kusyu kwa wakufwa, wangi wakakiti mihenge, leka wangi wakajowiti yatikuyufwanile ya iki kwili. ³³ Wiwi paolo akapititi pagati pa wombe. ³⁴ Leka wandu wangi wakakumbatini nu yombe, na wakakeliti pa awa wayii kawili-Dionusio wa kidunda kya Ales nu ndala litina lyaki-Dionusio wa kidunda kya Ales nu ndala lihina lyaki -Damarisi na wangi pamonga nawo.