¹ Na panyuma pa ifi pakawukiti na Atene akayingili pa korinto. ² Na akankolili nunuyu myehudi lihina layaki Akula, mponto pa nsafi, kutumila ltalia hino apa na mhano mundu priskilla, nsawa klaudia akawataukili wayehudi woha wawuke pa Roma naakawachilili awa. ³ Leka pakuya na ufundi wuwu ngati awa akahweliti kwake, ni wakahengiti lihengu, pakuya wakayili wakutota hema pa ufundi wawe. ⁴ Leka akakotini pa sunagogi sabato iyi yoha na akawakongiti wa yehudi nawa griki kawili. ⁵ Ni baha na baha sila nu timoteo wakaselili kuhumila makedonia, paolo akakikisiki ni lilowe wawekela wayuhudi ulungamakiso kukita yesu ayii kristo. ⁶ Leka pa wakapindiki ni kujowa blasfemia, pakankung'windi ngowo yaki, akawajowili., mwasui winu pa mitu yinu, nenga niyii wakuguyulika. ⁷ Kitumbulilu hino yabite kwa mihuku ni akabiti kuku ni akayingili panyumba ya mundu lihina lyake Tito yusto, wakungwila kimbo mulungu nyumba yaki yikayii nu mpaka pamonga nu sunagogi. ⁸ Leka Kristo wa sunagogi akankeliti bambo ni nyumba yaki mfilimila, niwa mahele wa wakorintho pawakayufwini wakakeliti ni wakabatasiki. ⁹ Leka bambo akanjewili paolo kilo pa mangumbisi ikotukai kujogopa. ¹⁰ Koma ulongilayi usitami kinunu, pakukita nenga niyii pamonga ni wenga na pawaka mundu ya akuwikili mawoko kuku kutila fiwifu, pakuya nsafi ukulunguniyili nau palikuya ili. ¹¹ Na akatemi baho mwaka ni miyesi sata kuyigalisa lilowe lya mulungu pagati pawe. ¹² Leka pala galio ayii nduna wa Akaya wayehudi wakanjemili paolo nu mwoyo umonga kumpindika ni wakantoliti yombi. ¹³ Pa kilitu kya kupawula, kujowa kukita mundu uyo akonga wandu wakung'wela kimbu mulungu kwihokela tolai. ¹⁴ Koma aa paolo akalonditi kudendula pandomo paki Gallio akawajowiti wayahudi, woha kitama kindu kyangali malinga pangi kyakudyelalela kuwifu mwenga wayahudi kwa ndingo wa luhala nganiyisingi nu mwenga. ¹⁵ Leka woha gatama makoto go malowe ni mahina ni mimbi siyii kwinu, mulolayi mwarene nenga nikulonda lepa kuya wakupawula findu ifi. ¹⁶ Ni akawakambisi kutumila pakitihu kya kupawula. ¹⁷ Leka woha wakankamwili sostenes nkulungu wa sunagogi nu wakantowiti palongolo pa kititu kya kupawula. ¹⁸ Ni kaya lepa kandu pa Gallio kuyikoha kafidwifi paolo pakatemi kawili magono gamehele akayofwangini ni walongo ni akalotiti ni matanga mwanja kusulia ni pamonga nu yombe priskilla ni Akula, apa akamagiti mundu waki pa kenkrea pakuya akilapili. ¹⁹ Ni wakafiki pa Efeso, ni akawalekiti balapala koma mwene akayingili pa sinagogi na akakolini ni wayehudi. ²⁰ Leka pakalagili nikujowa yaniwakilawukili kawili mulungu wona agana akakulwini kuleka Efeso. ²¹ Koma pakalagili nikujowa yaniwakila wukili kawili mulungu wona agana akakulwili kuleka Efeso. ²² Ni pakaselili pa kaisaliya akakweliti ni akawalamwisi kanisa, ni akaselili ku Antiokia. ²³ Ni pakatemmi baho lukombi longi longi akapetili ni akagendili poha pa ndima wa Galatia ni flugia kukangamasa wanafunsi woha. ²⁴ Leka nunuyu myahudi lihina lyaki Apollos mu Aleksandrea pa nsafi, ng'osi waluhala, akafiki pa Epheso, nuyombi akayili wa makakala pa. ²⁵ Mundu uyu wakuwulika pa ndila ya bambo, nu pakuya nkiki paroho akalongili ni kuyigalisa mwakukisila findu fya yesu, kuwalila ubatiso wa Yohana wakapi. ²⁶ Ni akatumbwili kusindamila kujowa mu sinagogi leka Akula nu priskilla, pawakanjofwini wakantoliti kwawe, ni wakankososili mwakukisila kulutila nyahope ndila ya mulungu. ²⁷ Leka apa akalonditi kugendela mpaka pa wakayii walongo wakanjangamisi ni wakawalembili wanafunsi nausi wanjupili nu yombi pakachiti akawatangatili nyahope ava wakakeliti neema. ²⁸ Pakuya akapindiki nyahope wayahudi pa chengo kulasa pa malembo kukita Yesu ayii Kristo.