¹ Leka akafiki pa Derbe ni Lustra kawili ni lola, mwanafunsi nunuyu akayili baho, lihina lyak timoteo, mwana wa ndala myehudi wa kukela, koma dadimundu mGriki. ² Uyu akalungamakiki na walongo wa pa Lustra ni ikonio. ³ Uyu paolo akalonditi akansilimwisi ndawa ya wa wayehudi wala wakayili pandu bahalapala: pakuya woha wakamanyiku kita dadi mundu ayii Mgriki. ⁴ Leka bahana baho pa kubita mwanja pagali pa makaya, wakawapili mapawulo wagagohe, aga gaka pawuliki na maapostolo na wakulu-wakulu wa pa yerusalem. ⁵ Mumu makanisa gakangamasiki pa kiyitakiso, ni yakamanjakasiki pa kawalangila kawe ligono ni ligo ⁶ Leka wakagenditi pagati pa milima ya frungia ni Galalia pa wakakanisiki ni Roho mbalafu wasilongela lilowe ili pa Asia. ⁷ Leka pawakafiki pa lisi lya musia, wakagesiti kuyingila mu Bitunia, ni Roho wa yesu akawatakili lepa; ni kulutalila pa musia, wakaselili ku Troa. ⁸ Ni lingumbisi likam,bonakili paolo kilo; ⁹ Akayili mundu wa makedonia akayimiti ni kumpembesa kujuwa, yomboka mpaka pa makedonia kutitangatila. ¹⁰ Leka apa akaweni lingumbisi, hino apa tikalonditi kubita kuyingila pa makedonia, kuyufwangana kukita mulungu akakemili kuwanisa evangel kwa wombe ¹¹ Mumu kukwesa tanga kuwuka pa troa, tikangenditi mwakugoloka ku samothrake, ni lukel lwake ku Neopoli. ¹² Ni kuhuma kuko mpaka pa filipi, ili likaya lya makedonia, yili pa likaya ili kulutakisa magono gangi. ¹³ Ni lingongo lya sabato tikapititu kunja ku likaya mu makigi mwankuka, baho tikaholiti kukita payii pandu pakusalita; ni tikatemi pasi ni kulongela nawo wadala wakuyicha pamonga. ¹⁴ Mu ndala nunuyu, lihina lyaki ludia wakuhemelesa kilulu wa likaya lya tuatiri, wakungwila. kimbo mulungu, akatiyufwinili: mwoyo waki Bambo akadindwili, kutega makutu kwa aga a kulongeleka nu pado. ¹⁵ Leka apa akatabaswi ni nyumba yaki pamonga akatipmbisi kujowa, wona mupawili kukita nenga niyii wakuyitikalika pa Bambo muyingilaye pa nyum,ba yangu nu kuhwela ni akatuyu malikili. ¹⁶ Leka yikayili, baho tikayili mwanja pakusalila mali nunuyu wakutama nu roho yakuweweteka, akakolili nu tyenga, nuyombe akawapatili wa Bambo mundu kipata pata kingi 'pa kuweweta. ¹⁷ Yombe pakakisiti panyumba pa paolo nu tenga akakuwiti kujowa, ¹⁸ wandu awa wayii wawanda wa mulungu wa oanani pene awa nawombe wawandisla ndila ya uyokosi. ¹⁹ Leka wabambo mundu, pawakawene kukita kihuwalilo kya kipatapata kyawe kikapiti wakawakamwili paolo nu sila. niwakawafutiti pa chengo kya makowu ga wakulungu. ²⁰ Na pakawatoliti kwa anduna wa ndondo wakajowiti wandu awa, pakuya wayehidi watimbilikana likayatitu. ²¹ Ni wawandisa mikuyu iyi yangayitikalika kwa tenga kuyupa haka kugoha, pakuya tiyii wa Roma. ²² Ni lipuga lya wandu wakawayimili pamonga: leka waduna wa boma wakakachwili nguo syawe, wakataukili wataqweke ni ndonga. ²³ Leka apa wakawatowiti ni swatu nyingi, wakawagiti pakukungika, kunkikla wankila wakwallindalila awagohe kigohite, ²⁴ Nuyombe, pa kayupiti luwimbi kngati ulu, akawagiti pakukungika pa mweya nyahope, ni akakangamisi magulu gawe pa libibi. ²⁵ Koma pagati pa kilo paole ni sila wakayili mu kusali ni kunjimbila mulungu nyimbo, ni wakukungika wayili mu kuwategela makutu. ²⁶ Leka kikenyemukile kikayili kidigidiso kikulungu, mpaka fya pasi fyake nyumba fikanyukanywiki: na hino apa milyango yoha yikadi nduliki, minyololo ya woha yi kawopwiki. ²⁷ Leka wakulindalila, pakayimwisi pa lugono, ni kuwona kukita milyango ya pakungika yidinduliki, akaholomwili upanga, akalonditi kwikoma pa kuhola kukita wakukungika wakimbilili mumu. ²⁸ Koma paolo akakwesiti ni lilowe likulungu kujowa usiwikita kandukiwifu wamweneme, pakuya tawoha tiyii apa. ²⁹ Leka akakemalisi nyali, akajumbili mwamu ni kuchigida ni woga akagwili pasi palongolo pa paolo ni sila na akowatoliti kunja nakawiti. ³⁰ wakabambo nilinganila kukita wuli, nasui niyokoteke? ³¹ Ni wombe wakajowiti, ukele pa Bambo nuyombe pamonga ni woha wapa panyumba yaku. ³² Ni wakalongili lilowe Bambo nuyombe pamonga ni woha wapa panyumba yake. ³³ Ni akawaloliti saa yilayila kilo, niakaguywili swatu syawa ni akabatasiki mwene na woha kawili awa wake. ³⁴ Na akakweliti nawo ku nyumba yake, akawatandakili mesa ya kulila, na akayangalili nya hope, na woha wa pa nyumba yake, pakamaliti kunkela mulungu. ³⁵ Leka paukapatiti kuya musi, anduna wa ngondo wakatumiti makapitao, kujowa wawawopole wandu wawala wala. ³⁶ Leka uyu wakulindalila wa wakukungika akankoko, sili paolo malowe aga, kujowa, wanduna wa ngondo wakakutumiti kukita mwopoleke: mumu hino mupitaye, mbitaye pa kindamba. ³⁷ Leka paolo akawajowili, wakatitowiki pa chengo, na kupisika lepa uwifu, tenga wandu wa Roma, na wakatigiti pa kukungika, Leka hino wa manya kutitaga kunja ku mweya? lepa koma wachaye wenewati pelekese kunja. ³⁸ Leka makapitao wakawatolili wanda nawa ngondo mulowe aga, ni pawakuyufwini kukita wayii wa Ruma wakayogwipi. ³⁹ Mi wakachiti ni wakapembisi, leka apa wakawapisiti kunja, wakawakotiti kukita wawuke pa likaya. ⁴⁰ Ni pawakapititi pakukungika wayingili kwake ludia, ni pawakawawene walongo wakawakiliti ni wakapititi.