¹ Na wandu wangi wanunuyu wakaseliki kuhumila yudaya ni wakayigalisi walongo, kujowa wona mulenaiti kusilimuka kwa nkuwu wa musa muhotala lepa kuyokoleka. ² Na apa paolo nu Barnaba wakapindakini nawo kulutila, walongo wakataukili kukita paolo nu Barnaba, na wangi wa wombe, wakwele ku yerusalem kwa maapostolo na wakulu-wakulu pa mapindikano aga. ³ Mumu awa, pawa kapelekasiki ni kanisa, wakabiti pagati pa foinike na samaria, kuwandisa kung'anamuka kwawe wa mihuku: na wakahekalisi walongo woha. ⁴ Leka pawakachiti ku Yerusalem, wakayupiki na kanisa na maapostolo ni wakulu-wakulu ni wakakokwisi fyoha fila mulungu akakiti nawo. ⁵ Koma wakayimiti wangi wa kaptuliko ka wafarisayo awa wakeliti, kujowa, kulinganila kuwasilimusa awa, ni kuwataukila wagohe tora ya musa. ⁶ Ni maapostolo ni wakulu-wakulu wakakokini pamonga kuholalela kindu iki. ⁷ Leka apa kukayili kupindikana kukulungu, Petro akayimiti ni akawajowili, Walongo mumanya kukita mwandi mulung akahogwili pa mwenga kukita pa ndama pangu ni kukela. ⁸ Ni mulungu, yuamanya mioyo, akawakitili ulungama kiso, pa kuwapela Roho Mbalafu, ngati tenga kawili. ⁹ Ni akapatukini lepa pagati pa tenga na wombe, kuwalase mioyo yawe ni kiyitakiso. ¹⁰ Mumu hino mungelesa kiki mulungu, kutwikila pa singo ya wanafunsi lingolingoli, ili haka wakadadi witu haka tenga tikahotwili lepa kulitwika. ¹¹ Lepa lipuga Iyoha likatemi kinunu, ni wakayufwanili Barnaba nu paolo kukoksa fiwalalilo finyantiti filamu. ¹² Lungu akafikiti pa mihuku pa mawoko gawe. Na pa wa kutemi kinunu, yakobo akahigiti kujowa, walongo, muniyofwanile. ¹³ Lungu akafikiti pa muhuku pa mawoko gawe na pa wa kutemi kinunu, yakobo akahigiti kujowa walongo, muniyofwanile. ¹⁴ Simeon akakokwisi umu pa kutambulila mulungu aka wachili mihuka, kuhapula pa wombe lipuga kwa lihina lyake. ¹⁵ Ni malowe ga wakulweta gayitiki sana na iki, umu yilembekili, panyuma pa ifi yakilawuke. ¹⁶ Ni yanijenge kawili hekalu ya Daudi, iligwilipasi, Ni fibombo nywike fyake, ni yaniyiyimise. ¹⁷ Nausi wakusigala wa wandu wandonde chakaka Bambo ni mihuku yoha, pa awa lihina iyangu liluwulike, ajowa Bambo. ¹⁸ Uyu lipawulo lyangu liyii kukita tisiwahu mbusa wapa mihuku awa wang'anamukile mulungu. ¹⁹ Mumu lipawulo Lyangu liyii kukita tisiwahumbusa wapa mihuku awa wang'ana mukile mulungu. ²⁰ Koma tiwalembela kukita wapatukane ni kuwika kwake fifwilifwili ni ukeme, kukita wapatukane ni kuwipa kwake fifwilifwili, ni ukeme, ni fya kunionga, ni mwasi. ²¹ Pakuya musa kitumbulile fihogosi fya mwandi ayii nawapa likayo liyi lyoha wakumbandisa, ni asomeka pa masunagoge ligono liyi lyoha lya sabato. ²² Bahalapala yikawawonekili wicho maapostolo ni wakulu-wakulu, pamonga ni kanisa lyoha, kuhapula wandu wa kwawe, ni kuwatuma ku Antiokia pamonga na paolo nu Barnaba, yuida wakukemeleka Barnaba, ni silawandu wa Palongolo pa wakongo. ²³ Ni wakalembiti pamawoko gawe kukita, maapostolo ni walongo wakulu-wakulu, kwa walongo awa wamihuku pa Antiokia ni suria ni kilikia, kula mukila. ²⁴ Pakuya tayufwini kukita wangi wakuhumila pa tenga wakawahumbusiti ni malowe, kung'anamusa mawumi ginu. ²⁵ Awa tenga tikawataukili lepa; yikatiwonekili tenga wicho, pakuya tiyii ni mwoyo umong, kuhapula wagosi ni kuwatuma kwinu pamonga na awa wakuganika witu Barnaba ni paolo. ²⁶ Wandu wafumbwili mawumi gawe ndawa lya lihina lya Bambo witu yesu Kristo. ²⁷ Mumu titumiti yuda ni sila, awa kawiliwene ya wakokosele mwenga fifi pa ndomo. ²⁸ Pakuya ayikambonakili wicho Roho mbalafu nu tenga kuwawikila mwenga haka kandu kakutopa kulutila ifi yafilekeke lepa. ²⁹ Kukita mupatukane ni fila fyakulekeleka kwa fifwilifwilinu mwasi, ni fyakuniongeka, nu ukeme, wona mwigoha kufileka ifi, yamukite wicho. muwonile. ³⁰ Mumu awa, pakamaliti kupelewa mwanja, wakaselili ku Antiokia, ni apa wakakokanisi lipugamonga, wakawapili barua. ³¹ Leka pawakasomiti, wakahekalili pa kunya masa kwake. ³² Nu yuda ni sila, pakuya na wene kawili wakulweta, kwa malowe mingi wakakiliti walongo ni kuwakangamasa. ³³ Leka pawakatemiti kwa lukumbi, wakapeliwi mwanja pa kindamba ni walongo kukilawukila awa wakawatumiti. ³⁴ Koma ikamnogili sila kuhwela kukula. ³⁵ Lepa paolo nu Barnaba wakahweliti pa Antiokia, kuyigalisa nu kuwandisa lilowe lya Bambo, pamonga na wingi wangi kawili. ³⁶ Leka panyum apa magno gangi paolo akanjowili Barnaba, tikilawuke hino nu kulolela umu watamila walongo pa likaya liyi lyoha apa tikakwokwisi lilowe lya Bambo. ³⁷ Ni Barnaba akalondili kntola pamonga na wombe yoha na kawili, wakukemeleka marko. ³⁸ Koma paolo akaholiti nu kulinganila lepa kutola pamonga nawo uyu akapatukini nawo kuhumila pamfulia, ni akachiti lepa nawombe kulihengo. ³⁹ Leka paolo akoholiti nu kulinganila lepa kutola pamonga nawo uyu akapatukini nawo kuhumila pamfulia, ni akachiti lepa na wombe kulihengo. ⁴⁰ Leka ukapatiti ukali, mpaka wakalekini uyu ni njini, nu Barnaba akantoliti marko pamonga nako, nikukita na matanga ku Kupro. ⁴¹ Koma paolo akagwili sila, ni akapititi, pakapele kiki na wolongo pa neema ya Bambo.