¹ Leka yikapatiti kuya pa Ikenio wakayingili pamonga pa sunagoge ya wayehudi, na wakalongili wila wila kukita wingi wa wa yehudi ni wa miki kawili wakakeliti. ² Koma wa yehudi wala wangayufwanila wakayimwisi mioyo ya wa mihuku, ni kuwapindika panani pa walongo awa. ³ Mumu lukumbi lukulungu wakatemi baho kulongela pa kusindimala pa bambo, uyu akayili mu kulikitila ulungamakiso lilowe lya neema yake, kupela kukita fiwalalilo ni finyatiti fikitik ni mawoko gawe. ⁴ Leka lipuga lya likaya likaya wiki, wangi wakayili pamonga na wa yehudi, na wangi pamonga na maapostolo. ⁵ Na baha kukayili kukimbila kwa wa mihuku na kwa wa yehudi pamonga na wakulungu wawe, kuwakitila mihenje. ⁶ Ni kuwatumalila maganga, pawakawalalili wakakimbili ku makaya ga lukaonia, Lustra, ni Derbe, nu ndima wakusyungutila uwu. ⁷ Na bahalapala wakawandisi evangel. ⁸ Na pa lustra akatemi pasi mundu nunuyu, wakulegaleka pa magulu gake, wakuchipila kihumile mu luleme lwa nyongolo, uyu akagendagendaga lepa miaka. ⁹ Uyu akanjufwanili paolo nalongela: nuyombe pa akankwinulili, ni pa kulola kukita ayii ni kiyitakisa ayakoleke. ¹⁰ Akajowiti ni lilowe likulungu, uyimaye pa magulu gako kyimile ni akajumbiti ni akagendagenditi. ¹¹ Na mupuga, pa gaka weni iki akakiti paolo, wakakwesiti malowe gawe, kujowa pa kilukaonia, wakamulungu wakubwanangana ni wandu wakatiselelili tenga. ¹² Ni wakankemili Barnaba, Zeo, ni paolo, Hermes, ndawa akayili wakukokosa lilowe. ¹³ Ni kasisi wa zeu wakuya baho palongolo pa likay, akachiti ni ng'ombe ni maluwa mpaka pa ndyango, ni akalonditi ku wadumulila nyambiko pamonga na mapuga. ¹⁴ Leka mapostolo Barnaba nu paolo, pawakayufwini wakachiwili nguo syawe, ni wakakimbili pagati pa lipuga, kukwesa malowe ni kujoa, wagosi, mkita kiki findufi?. ¹⁵ Nutenga kawili tiyii wandu wakuyufwangana nu mwenga ni tiwatola evangel kukete muleke findu ifi fya waka ni kung'ana, mukila mukulungu wakulama uyu a`kangiti kunani nu ndima ni nyanja, ni fyoha fiyii mumu. ¹⁶ Uyu pa fihogosi fya mwandi akawayitakili mihuku yoha kugenda genda pandima syawe wene. ¹⁷ Haka wila akalekioti lepa mwene pangali ulungamakiso, pakukita akakiti finofu, kawapela mwenga fula yakuhumila kunani ni ngumbi syakupambika fipambiko kumemesa mioyo yinu ni fyakulya nu kusangaloka. ¹⁸ Na pakujowa ifi mwakukangamala wakasiwilikisi mapuga wasiwadumulila nyambiko. ¹⁹ Koma wakachiti baho wa yehudi kuhumila Andiokia ni Ikonio, ni pawakongiti mapuga, wakantumalili paolo maganga ni wakamfulili kunja kulikaya, wakitaga amaliti kufwa. ²⁰ Koma apa wanafunsi wakansyungatili akayimiti nu Barnaba kubita ku derbe. ²¹ Napa wakawandisi evangel palikaya lila nipa wakawuliti wanafunsi wingi, wakakiliwiki kuyingila pa lustra, ni ikonia, ni Antiokia. ²² Kukangamasa mawami ga wanafunsi leka kuketa pa mahumbuseku kamhele hilinganila kuyingila utwa wa mulungu. ²³ Na apa wakawawikili wombe wakulu -wakulu pa kanisa liyi lyoha, ni apa waka saliti ni kwinota fyakla, wakawamanyisi kwa Bambo pa uyu wakakeliti. ²⁴ Na wakagenditi pagati pa pisindia, ni wakayingili pa pamfulia. ²⁵ Na pawakalongili lilowe pa perga, wakaseliki ku Atalia. ²⁶ Nu kuhumila kukuku wakabiti polipoti mpaka pa Antiokio kukulakula wakawikiki pa neema ya mulungu kuyingila pa lihengo ili wakalimemisi. ²⁷ Na apa wakachiti ni wakakokanisi kanisa pamong, wakakokwisi fyoha ifi mulungu akakiti pamonga nu wombe ni umu yombe akawadidndwulili mihuku ndyangoo wa kiyitakiso. ²⁸ Leka wakahweliti lukumbi lwangakepa lepa pamonga na wanafunsi.