¹ Leka wakayili Antiokia pa kanisa likayilibaho wakulweta na Barnaba ni Simon wakukemeleka mpili ni lukia wakelene. ² Manaen wakuyongesa pa mawele pamonga na Herode letraki ni Saul. Leka apa wayili mukutumikila kwa Barnaba ni kwinota kyakulya Roho mbalafu akajowili, munipatulile Barnaba ni Sauli kwa liheno ili niwakemalili. ³ Bahalapala awakanotiti ni kusali ni kuwawikila mawoko wakawapili mwanja. ⁴ Mumu awa wakatumiki ni Roho mbalafu wakaselili kuselukia ni kuwuka baho wabiti na matengo ku Kupro. ⁵ Na pawakafiki pa Salamis wakawandis lilowe lya mulungu pa masinagogi ga wa yehudi, leka wayili nu yohana kawili kuya mpalo wawe. ⁶ Leka pawakagenditi pa kilumba poha mpaka pa pafo wakankoliti mundu nunuyu wa malango wakulweta na mageye myehudi lihina lyake Bar-yesu uyu akayikli pamonmga nu nduna sergio poolo, muundu wakuwalalika. ⁷ Yuyu akaqkemili kwake Barnaba nu Saul akalonditi kuyufwana lilowe mulungu. ⁸ Leka eluma wa malango (pa kukita wilawila lihina lyake likokoseka) Akawapindiki pa kulonda kungwalisa nduna pa kiyitakiso. ⁹ Koma Saul, yuyupaolo wakumema n Roho mbalafau akankwinulili yombe nakajowiti. ¹⁰ Wenga wakumema nu kuchenjela kwoha ni kukonga kwoha mwana diabolo, wa mitumba wa kugoloka kwoha apumulila lepa kutalisa ndila sya kugoloka Bambo? ¹¹ Ni hino, lola kiwoko klya Ba mbo kuyili wenga ni yauye wakukoyoka mitu nukuwona lepa lijowa kwa lukumbi ni hinu apa lipumbulu kikagwili ni lwisi, akasyungutiti kulondalonda wakunkamula kiwoko. ¹² Bahalapala ndina paakawene iki kikaketili akakeliti kukangacha pa mayigaliso ga Bambo. ¹³ Leka paolo niwa pa mwanja wakewakulusili pa pafa na wakachiti kuperga pamfylia, leka yohana ak awukiti kwawe akakilawokili ku Yerusalem. ¹⁴ Leka wombe wakagenditi kuhu,a Pa perga wakachiti kuantiokia wa pisida, nawakayingili pa sunagogi ligono lya Sabato wakatemi pasi. ¹⁵ Ni pa nyumba pa kusoma torah na wakulweta wakulungu wa sunagoge wakutumiti kwawe kujawa, walongo, wona muyii ni lilowe liyi lyoha lya kukila kwa nsafi mujowaye. ¹⁶ Leka aolo akayimiti ni pakupuga nu kiwoko Akajowiti , wagosi wa Israel nu mwenga wakunjogopa mulungu muyufwanilaye. ¹⁷ Mulungu wa nsafi uwu Israel akawahagwili wakadadi witu, ni akakwesili nsafi apa wakuwakihadisi pandu pa ndima Egupto ni kiwoko kya kukangamala akawapisite kuku. ¹⁸ Na kwa lukumbi ngati miaka arobaini akisingiti pa makitikp gawe pa lipululu. ¹⁹ Na paakayaningi mihuku saba pa ndima wa kanaan akawapili awa ndima wawe walipwe la kwa lukumbi ngati miaka mia ncheche na hamsini. ²⁰ Na panyuma pa ifi akawapili mpaka Samuel wa kulweta. ²¹ Ni panyuma pake wakaluwiti mutwa nu mulungu akawapili Saul mwana wakishi, mundu wa ntangilo wa benyamin kwa lukumbi ngati miaka makumii ncheche. ²² Na pakambositi yombe akanjimisi Daudi kuya mutwa wawe, uyu kawili akalasiti ulungamakiso kujowa ninkolili Daudi mwana wa Yesse, mundu kwa ndingo wa mwoyo wangu. ²³ Uyu yakito fyoha ifi nifilonda. ²⁴ Kuhumil pa mbeya ya mundu uyu kwa ndingo wa kilagano, mulungu akantolili Israel. ²⁵ Njokoai Yesu apa yhana akawandidi paalongolo pa kuyocha kwake, Ybatiso wa kumpela kwa nsafi woha wa Israel. ²⁶ Leka yohana pa kumalakisa ndila yake akajowiti mukita nenga nu nani? nukuya nenga. Koma lota ayicha panyuma pa nenga uyu sabato syanjayo syake nenga nukulinganila kusiwopola. ²⁷ Wa longo, wona wa nsafi wa Ibrahim, naawa pa mwenga wakunjogopa mulungu, kwa tenga lilowe ili lya uyokosi uwu lyatumiki. ²⁸ Pakuya wala wakuhwela pa Yerusalem, ni wakulungu wawe, ndawa wakammanyiti lepa, haka malowe ga wakulweta gala wasomaga sabato iyii yoha, wakagafwelanisi pa kumpisa mbifu. ²⁹ Na haka wakakolili lepa nyimu ya kufwa pa yombe, leka wakanduwiti pilato ankome. ³⁰ Na pa wakamalakisi fyoha fyakulembeka fya yombe, wakanselisi pa nkogo, wambikiti mu mayinga. ³¹ Leka mulungu akansyusiti pa wakufwa. ³² Na akawoniki magono mingi kwa wala wakakweliti pamongo nako kuhumila pa Galilaya mpaka pa Yerusalem wala na wombe hino wayii `walungamakiso wake kwa nsafi. ³³ Na tenga tiwatolela kwinu evangel yua kilagano kilagiki na wakadadi. Kukita mulungu agamalakisi kwa wana witu, apaakansyusiti Yesu, umu yilembekili kawili pa Zaburi ya kawili, wenga uyii mwanagu, lilino nikuhogwili. ³⁴ Leka kukita akansyusiti pa wakufwa, nakukila wukila kawili kwa kuwola, ajowiti wilawila, yaniwapele fiwalafu ni fya kiyitakiso fya Daudi. ³⁵ Leka kukita akansyusiti pa wakufwa, na kukila wakila kawili kwa kuwola, ajowiti wilawila, yaniwapele fiwalafu ni fya kuyitakiso fya Dadi. ³⁶ Ndawa ajowa pangi kawili, yau mpele lepe mbalafu wako kuwona kuwola. ³⁷ Pakuya Daudi, apa akatumakili luhala lwa mulungu akawikiki pa wakadadi mundu, na akaweni kuwola. ³⁸ Koma uyu mulungy akansyusiti akuweni lepe kuwola. ³⁹ Mumu kimanyike kwinu, walonga, kukita pa uyu kulekalekesa sambi kukokoseka kwinu mwenga. ⁴⁰ Ni pa yuyu ayi yoha wakukela agoloseka pa fyoha, fila muhotwili lepa kugoloseka pa torah ya musa. ⁴¹ Mumu mulolaye, kisiwachila mwenga kila kijoweka pa wakulweta. ⁴² Mulolaye, mwenga wakuhepa, leka muganaganaye ni mulale; pakuya nihenga lihengo pa magono ginu, lihengo ili nukulikela lepa mwenga, haka mundu wona awakokosela. ⁴³ Ni pakupita wayii mu kuwalonda walongele nawo malowe aga pa sabato yingi. ⁴⁴ Leka apa sunagoge wakambaniki, wingi wa waye hudi ni waproselute wakakisini nawo paolo ni Barnaba: wala nawombe pakulongela nawo, wawakiliti kukita wahwele pa neema yake mulungu. ⁴⁵ Leka sabatoyingi papipi ni likaya lyoha wakakokini pa monga kuyufwanila lilowe lya mulungu. ⁴⁶ Leka wa yehudi, pakaweni mapuga ga wandu, wakamamiti ni wifu, ni wakatumbwili kupindika -pindika aga gakalongaliki ni paolo, kukita blasfemia. Nii paolo ni Barnaboi wakasinda mili kujowa, ikalinganili kukita lilowe lya mulungu lika longaliki nu mwenga pakutumbula. ⁴⁷ pakuya muliwika patali, nu mwipawula kukita malinganila lepa kupata kulama kwa miaka, lolaye, ting'amukila mihuku. ⁴⁸ Pakuya Bambo atitaukili wilawila, kujowa nikuwikiti kutama lulangalila lwa mihuku, kukita uye kwa uyokosi mpaka songo sya ndima. ⁴⁹ Leka wa mihuku pakuyufwanila wakahekalili, ni wakali kwisisi lilowe lya mulungu: ni wayi woha awawakawikiti pa wakape kwa kulama kwa miaka wakakaliti. ⁵⁰ Leka lilowe lya bambo likayi kutoleka pa ndima uwu woha. ⁵¹ Koma wa yehudi wakakangamili nawombe wadala wa kugwila kimbo wakamba, ni wagosi wakutumbula wa pa likaya, ni wakayimwisi makimbisiko panani pa paolo ni Barnaba, na wakawatagiti kunja kwa mipaka yawe. ⁵² Leka wakawakung'undili lufumbi llwa pa njayo syaweni waka chiti ku ikonio.