¹ Leka maapostolo ni walongo wala wakayili pa yuda ya wakayufwini kukita mihuku kawili wakayupiti lilowa lya mulungu. ² Na apa petro akakweliti ku yerusale, wala wakusilimuka wakapindikuni nako. ³ Kujowa ukayingili kwa wandu wangasilimuka ni ukalili pamonga nawo. ⁴ Leka petro akatubwili akakokwisi kwa wombe pa. ⁵ Mpambo kujowa nenga niyii palikaya lya yoppa kusali na pa mangumbisi naweni kyakupindila kitimu kuselela kihunakiso kya tangayukutunga iselelesiki pasi kutulumila kunani ni songo ncheche yikachiti mpaka panenga. ⁶ Pa yila panikakwilili ni kwilolakesa naholiti ni mawene nyama sya ndiza syene magulu ncheche ni filugu ni fyakukwawawa ni madege ga kunani. ⁷ Leka nayofwini kawili lilowe kunijowela Uyinzaye Petro udumu lyoye ni kulya. ⁸ Koma nikajowiti nukuya mumu Bambo pakuya kindu kya waka haka kyangaguyulika, ukuyingila lepa pa ndomo pangu magono goha. ⁹ Leka lilolowo likanitigiti kawili lya kunani ifi mulungu akafiguywili usikita fya waka. ¹⁰ Leka iki kikakitiki kadatu ni findu fyoha fya futiki kawili kuyingila kunani,. ¹¹ Na lola hino apa wandu wadatu wakayimi pa nyumba umu wakatumuki kwangu kuhuma pa kaisaria, ¹² Leka roho akanitaukili nigendo nawo pamonga mhanu nu kyumonga wakachiti nu nenga ni tikayili mu nyumba mwa mundu yula. ¹³ Leka akatiwuliti umu akambonakili malaika yula ni ayiima mu nyumba mwake kujowa tumaye ku yuppa ni unkemele Simon. ¹⁴ Wakukemeleka kuwili Petro, uyu yalomgele kwa wenga malowe pa aga yauyokoleke wenga malowe ni nyumba yako ya mfilimila. ¹⁵ Leka panakatumbwili kulongela roho mbalafu akawawilili umu pa tenga natipakutumbula. ¹⁶ Neka nikakumbukili lilowo lya bambo umu akajowili yohana nuyombi akabatisi nu machi koma mwenga yambatasike nu Roho mbalafu. ¹⁷ Mumu wona mulungu akawapili awa kya waka iki kimonga -monga nu tenga nati palatikankoliti bambo Yesu kristo nenga nayilinani kukita nimpindike mulungu?. ¹⁸ Leka pawakatufwini aga wakatenzi nuu ni wakankwisiti mulungu, kujowa myulungu chakaka awapili wa mihuku kawili kupela kwa kulanza. ¹⁹ Mumu wala wakayambanike kwa ndawa ya kutumbusika kula kukayili pa mihalo ya stefano, wakangenile mpaka pa foinike ni kupro ni andiokia nukulongela lepe nu mundu lilowo lila lema wa yehudi wakape. ²⁰ Koma wakayile baho wangi wa awa wandu wa kupro ni kurene nu wombe pawakachitiku Antiopia wakalongili na wagriki kawili kuwandisa Evangel ya bambo Yesu. ²¹ Ni kiwoko kya bambo nikayili pamonga nu yombe ni wa mahele wawakeliti wakanga namulikinbambo. ²² Leka lilowe lya awa likalufwihiki pa makutu ga kanisa lya pa yerusalem na wakantamiti barnaba mpa pa Antiokia. ²³ Nu yombr pakachiti ni kulola neema ya mulungu akahekalili ni akawakeliti woha kukita wakumbatili bambo. ²⁴ Nu moyo malango, pakuya akayili mundu nnofu ni wakumema nu roho mbalafu ni kiyitakiso ni lipuga likukungu likayonjakasiki bambo. ²⁵ Leka akapititi mwanja kutaliso ²⁶ kundondandonda. Saul leka pankankotili akachiti nako ku Antiokia, Ni ikayili klikita mwaka wa mfilimila wakakokimi pamonga pa kanisa ni wakayigalisi wandu wingini wanafunsi wakakemaliki wa kristo pa Antiakia pakutumbula. ²⁷ Leka magono aga wakulweta wakaselili kuhamila yerusalem mpaka pa Antiokia. ²⁸ Leka yumonga wa awa akayimiti lihina lyaki Agabo nilasiti pa roho kukita ulali ukulungu yauye pa ndima woha wula ukafiki pa lukumbi lwa klaudio. ²⁹ Leka wanafunsi umo mundu ayi yoha akahotwili kukita wakampangiti luhala kupeleka fya lukolo kwa walongo wakuhusela pa yudaya. ³⁰ Iki kawili wakakikiti kukituma kwa wakulu wakulu pakiwoko kya barnaba ni Saul.