¹ Na pa lukumbi lulalula herode mutwa akatambalisi kiwoko kake kuwakilila fiwifu wanga wa kanisa. ² Nikankomiti Yakobo ndongo mundu wa Yohana nu Upanga. ³ Leka pakawene kukita ikawaganisi wa Yehudi akayonjakisi kuntola Petro kawili ni gayii magono ga nkote wangali kimela. ⁴ Na pakankamwili akampikiti pakukungika ni akampeliki kwa filomo ncheche fya Askari wangohe. ⁵ Kulonda panyuma pa Pasaka kumpisya kwa nsafi mumu Petro akagohiki pakukungika komakamisa nukupumula lepa kusali kwa mulungu ndawa ya yombe. ⁶ Leka apa helode akalonditi kumpisya kilo kilakila Petro akayili mu kugona pagati pa Askari wawili, nakakungiki minyororo yiwili na wakulindalila palongolo a milyango wayili na wakulindalila palongolo wayili mu kumgoha pakukungika. ⁷ Na lola malaika wa Bambo akayimi baho ni lulangelela lukamuliki mu nyumba yake, leka akantowili Petro pa luwafu akanjumwisi kujowa yinza nyata, ni munyororo yake yikagwili pasi kuwoka pa mawoko gaki. ⁸ Leka malaika akanjowili ufyataye mu kiwununi kwikungila, sapato pasi leka akakiti willawila. ⁹ Leka akanjowili ufwike ngowo ni kunikisa nenga ni akapititi akankisiti ni akamanyiti lepe kukita kiyii kya chakaka iki kikakitiki nu malaika leka ahola ga kukita niwona mangumbisi. ¹⁰ Leka pawakalutiti pawakulindalila pakutumbula nipa kawili wakachili litanga lya kyuma lyakutpleka ku likaya ili nilyombe likanduliki lyen ni pawakapititi wakaenditi mlongolo pa ndila yimonga ni hino apa malaika aka patukini nako. ¹¹ Ni Petro pakawalalili akajowiti hino nimanya chakaka kukita bambo akutumiti malaika wake kuniwusa pa kiwoko kya Herode ni pa kulolalela kwoha wakwa nsafi wa wayehudi. ¹² Na akoholiti wicho akachiti ku nyumba ya Maria `nyongolo wa yohana wakukemeleka kawili Marko apa wingi wakakokini kusali. ¹³ Leka apa wakakung'windi litenga lya pa Nyangu mwali akachiti akachiti kuyitika lihina lyake Rhoda. ¹⁴ Ni pakawalili lilowe lyake petro pakuhekeleta nukudindula lepa pandyango. ¹⁵ Leka wakanijowiti Uyii wakupenga koma akakangamili yiyii wilawilanni wakayowili malaika wake Uyii. ¹⁶ Leka Petro akayii kikung'undile ni pawakadindwili wakambweni,ni wakangichi. ¹⁷ Leka yombe , akakinyili kwawe ni kowoko watame kinunu, akawakokosili umu Bambo akampisili kipitile pa kukungika ni akajowiti, muntolele, yqkobo ni walongo malowe ga ifi ni akawukiti akabiti pandu pangi. ¹⁸ Leka lukela wakayiyili njwawila nyingi pa askari, kukita Petro ayii kluliku. Leka Herode, paakandonditi nukunkolela lepa, akawakotiti wakulindalila, ni akapawili wakombe. ¹⁹ Ni akaselili kukaisaria kuhumila yudaya, ni akahweliti kulakula. ²⁰ Leka akayili kudada nawo wa Tuero ni wa sindoni ni wa kachiti nu moyo umonga kwake, ni pawankankongiti Blasto, wakulindalila pa chumba kya mutwa, wakaluwaiti kindamba, ndawa wawe wapatiti kya kulya pa ndima wa mutwa. ²¹ Ni pa ligono lya kuwikikila ngani Herode paalafwiki malaye gake ga kiutwa, ni kutama pa kihitu kya kupawula, akawakokasili pa chengo malowe gske. ²² Na wandu waka kwekisi malowe kukita, kilowe lya mulungu, nuukuya lwa mundu pela. ²³ Leka hino apa malaika wa Bambo akantowiti, ndawa akampili lepa mulungu kukwisika niakaliliki ni masomi ni akafwili. ²⁴ Koma lilowe lya mulungu likakoliti ni kuyoleseka. ²⁵ Leka barnaba nu Saul wakakilawukili ku Yerusalem pawa kamaliti lihengu lyawe lya kutumakila, kuntolela nawo yohana wakukemeleka kawili Marko.