¹ Ishi ikwanza mmanye she zili namile na manyimba aminji inza shonzili kukwinyu, kwa bhonti bhali ukwo Laodikia nu kwa wanti abhene bhatalolile pamiso igakwe pepa mbheli. ² Inkubhomba imbombo inikuti amoyo gao awezye kumjijizya webhaku mleta peka inahabhili ulugano inahabhili u wodubwe wonti bhebhinji bhebhana lyoli ihani uwa injele, na kumanya izya mmoyo izyana lyoli mwa Mulungu, webhu Kisti. ³ Kwawene vibhishilwe vyonti kumanya ninjele bhazifisile. ⁴ Ikulonga inkuti inga bhanga umntu wowonti atahabhe ahabhahozyezya ubhibhi atahabhabhombele uwubhibhi kwa zyapanjile kute mtishi. ⁵ Na pope shinda peka nimwe ishimbhili ilelo indipeka nimwe nu mpepu. Ikhusha kulola kwolobhela ikwinyu ukwinza na nguvu iya lwitiho lwinyu kwa Kristi. ⁶ Inga shemposhileye Kristi u Mwene, mjendaje kwa wene. ⁷ Mgomwe uwene mzengwe kwa utonsu inzashe wabhamanyizizye, na kukugwa katika kusalifyaji inyinji. ⁸ Angalieni ilya kuti umntu wowonti hbhleme kwa mazwi ninongwa izya bhulo ilenga kuholanya indajizyo izya mnsi, te kuholanya nu Kristi. ⁹ Azashe iwene wawezizye bhonti bha Mulungu ukulihala kumbhili. ¹⁰ Imwe mwizuye mwemwe. Iwene litwe lyelili nu wowezyona kutabhiala. ¹¹ Inga wene bhamwe fizye kwewakwefya yitakubhombwa na mwana alem kubueta amabhili ige nyama, ilelo gemiho ga Yesu. ¹² Bhabhasyeleye peka inaho kuwoziwa. Na kwidala ilya kwitiha kwene mwazyushile kumaha ga Mulungu, wamzusizyekufu kuwofye. ¹³ We mwafuye kufuma mbhibhi izyinyu nawe mtefizye uchafu mmabhili iginyu, ahabhabhiha uwumi peka inaho uwopoma nukutuyila bhibhi izyitu zyontu. ¹⁴ Afutile ulukumbushizyo ulwa ludayo lwela simbilwe, ninongwa zyezyali ishinji nitwe. ¹⁵ Ahefya zyonti nukuhomela mhihobhehanyo. Ahefya amaha nizye kubhomba ahabhaha apazelu kubhalwanjilo ulwakutola izyashihobhehanyo ishakwe. ¹⁶ Peishi, umntu wowonti alahabhakungaje kulyani kumwela, kwisiku ilya lwanjilo ewe pigalazi ilinji ewe isiku iza lutuzyo. ¹⁷ Vinevwo vinzundila vyevi kwinza, ilelo ahapiti wu Kristi. ¹⁸ Umtu wamanyile zyonti wataham fyole ishimanyizyo ishakwe kwa kushigana kukwinza na kushiputa nu kubhaputa abhahabhuzya. Nu mtu uwashinisho nimbombo yayiwenyi na kuileta insibho iyakwe iya shimbhili. ¹⁹ Iwene ata kulemelezya itwe. Na kufuma katika kwitwe kuti umbhile wonti kushilila mvifundo zwakwe na mmafupa gakugobwa na kulemehanya kwa peka; na vikuku na kukulila ukufumilya nu Mulungu. ²⁰ Inga mwafuye peka nu Kristi kulizyugabhomba mnsi, anza mkundila she mkuyibhovwa mnsi: ²¹ "Mtalemaje, pope kubhona, pope kukunta"? ²² Ilelo gonti bhabijiye kunzizyo ibhibhi zyezikwinza nu kumanyizya kubhantu. ²³ Inongwa inza kupuna kwikanisa zyezigo mbilye na wakuyisaji nu mtonsu a manyimba iga mbhili. Ilelo kufisa uwinza kushila iga kusunguha izya mbhile.