¹ Ingawinza Umulungu abhazusizye hawili nu Kristi, mganzaje imbombo uzya kumwanya kwu u Kristi akwihala inyobheiya kundilo kwa Mulungu. ² Msibhaje imbombo kumwaya, leimbombo izya mnsi. ³ Inga mfuye, amaisha ginyu gafisilwe nu Kristi kwa Mulungu. ⁴ Ahabhalilo hu Kristi angaloleha, wewenuwe maisha gitu, penamwelelo mhayiloleha nawo pawinza. ⁵ Ilelo gadinde amabhibhi gondi gegali mnsi inza, uwumalaya, uwupopo kusunguha hawiwi ikulino, imbibhi na kugona ijyovye ihomano iya lwuholanyo. ⁶ Kwe kumambo iga umlaha Mulungu wukwinza kubhana bhebhatakwivwa. ⁷ Kugiga namwe wulo mwajendeye wemhobhanga nawe. ⁸ Ingalelo ikwanza mwefyegondi. Ilelo, umlaha, kwilamwa, nsibho imbibhi, indigo na mazwi gage kufuma mmalomu ginyu. ⁹ Mlasyabhanaje munemwe kwa mnemwe, anza semzulile umuwili uwimandi na mabhibhi gakwe. ¹⁰ Mkwatile uwundu uwupwa, wekubhombewa ishipwa kufuma kuluholano ulwawula umupeli. ¹¹ Kumamanyi iga numo numyanani numyaudi, kutailiwa nakutokutailiwa, umubhazyi, nawetambhozyi, umusondelezye, na welemsondelezye, yoli u Yesu we wene wazyondi. ¹² Inzaabhasebhe ibhe Mulungu abhinza na bhagane mkwale, uwunda, uwunza, uwupi, uwutonsu, uwila nuwujimbilile. ¹³ Mwejelanage munamwe kwa mnemwe, mbunyilanaje kila mundu nuwamwano. Ingaw mundu akulalamiha kwa wamwabho ambuyilke anza shu mwene abhatuyiye imwe. ¹⁴ Ihani kugiga gondi mubhe nulugano. Ingeshe shibhe shifyoni. ¹⁵ Uwutonsu wa Yesu Kristo wubhalongolele mmoyo oginyu. Yamile kuti uwutonsu unu mwapoyiziliwe umuwili weka. Mubhe mwebhakusalifya. ¹⁶ Nizwi ilya Kilisti gihale mkasi yenu kuwudumbe. kuwutonsu wondi. Mmanyizanye na kusohana mnemwe kwa mnemwe kuzaburi, kunyimbo na kunyimbo inzammwoyo. Mwimbaje kwo kusalifya amoyo ginyu kwa Mulungu. ¹⁷ Nahohondi hemkubhomba, kwitawa au kujendo, bhombaji gondi kwitawa lwa mwene. UYesu. Mpanje insalifyo UMulungu ulata kushilila uwene. ¹⁸ Muwandanda, wayinjile awalume bhiyu, inzashikuhondezya Umulungu. ¹⁹ Namwe mubhasahala mubhagane awashi bhiyo, mtabhenja mwabhali kubhene ha. ²⁰ Mbhana, mbhatinishe abhapati bhinyu kuzyondi, shikumhondezye Umwene. ²¹ Mbhatata mtabhandilizyage abhana winyu, bharahinze bhahatambe. ²² Watinishe abhemwene bhinyi kumabhili na kumambo gandi tekukumiso igakubhahondezya hala yoli kumoyo uwayoli. Mwogope Umulungu. ²³ Hohondi hemukubhomba, mbhombaje kufuma kumoyo ginyu inza kwa Mwene tekukubhandu ha. ²⁴ Mmanyile kuti mhayiposhela umshahara uwakubhala kufuma kwa Mwene. Wu Kristi Umwene wetukumubhembela. ²⁵ Inga wowondi waakubhomba geteganuyoli ahayiposhea uwulogwi uwa mbombo zyetezyanayoli gamabhombile, na kumu kwenya kumiso.