¹ Paulo, mbhombiwa Kristo u Yesu kushigane sha Mulungu, nu Timoheo uwa mwitu, ² Kubhebhitishile na bha mwitu abhatonsu muwa Kristi bhebheli kukolosai. Uluseshelo lubhe nimwe, nu wihalo kufuma Tata witu. ³ Tukusalifwa kwa Mulungu, u Tata wa Mwene witu u Yesu Kristi, na tukubha labhila nzila bhulo. ⁴ Twivuye ulwiiho lwinyu kwa Yesu Kristi nulugano lwemlinalwo kubhala bhonti he bhabha pauye kunungwa ya Mulngu. ⁵ Mli nulugano ulu kunungwa yalusubhilo ulwanalyoli lweubhishilwe kumwanya kwa jili yitu. Mhivya isubhila lyitu ilyo zyanalyoli kwizwi ilyana lyoli, kulumbilila, ⁶ Yiyinzile kukwinyu. Indimbilili izi zi kupata insanga na kubhela mnsiyonti. Ikubhomba shinishi mkasi yinyu kufuma pemnhivwa na kumanyila uwinza wa Mulungu izyana lyoli. ⁷ Ini yendumbililo ye mhamanyila kufuma kwa Epafla, ummanyani witu umbhombi uwa mwitu, we mbhombi umwinza wa Kristi kushilila kukwitu. ⁸ Epafla abhombi kumanyisya kukwitu ulugano lwitu mwa mpepu. ⁹ Kumongwa ya lugano ulu, kufuma pe twivwizye tutaleshile kubha putila. Twala putaga kuti mbhe temwizule ninjele kyigana kwake nuwinza wonti nakimanya ishi mpepo. ¹⁰ Twaputaga kuti mjendaje we hndeye kwa Mwenemmadala gega kinhondezya. Tukuputa kuti mpape insanga kumbombo inyiza na kuti tembhe mnjele ya Mulungu. ¹¹ Tukulabha mbhe na maha kugondi pe mli namaha iga wupiti wakwe kudila na kujimba kwonti. ¹² Tukulabha kuti, kuluseshelo, temsalifwe kwa Tata, watili imwe mbhe ninsiye mpatile mwe mwitishile mlunhozyo. ¹³ Atufwulile kufumamuwudilo mnhisi na kutu samwa kutuleta mnyobhe zya Mwana wakwe unkundwa. ¹⁴ Kufumila nu Mwana wakwe tusatushile, kutujilwa imbibhi. ¹⁵ Umwana weshi nholano nu Mulungu watakuloleha. Wa apapiwe kuwandilo wakupele vwonti. ¹⁶ Kubha iwene ivintu vwonti vihapelwa, vwe vilikumwanya na vwevili munsi, vwe vikulolenha na vwe vitakuloleha. Anga vwa wupiti emwe uwusongo ewe uwu mwene pamu wa maha, vwonti vihapelwa na wuyo kumbombo yakwe. ¹⁷ Iwene alipo wevwashili vwonti, iwene ivintu vwonti vikulemana peka. ¹⁸ Iwene we litwe lya mbhili inzikanisa, iwene wanalilo kwanda apapiwe kuwandilo kufuma mbhebha fuye, ishi, ishiayimiliye pawandilo wa vintu vwonti. ¹⁹ Umulungu ahayigana kuti uwanalyoli wakwe wonti udilaje mumwakwe, ²⁰ Nakuhomanya ivintu kwidala ilya Mwana wakwe. Umulungu ahagomba ulwihalo kwidala lyi bhanda ilya pa shihobhehanyo ishakwe. Umulungu ahahomanya ivintu vwonti kukwakwe iwene, anga vwa pasi ewe vwa kumwanya. ²¹ Nimwe, kuhabhalilo heka mwali mwabha jeni kwa Mulungu mwali mwabhapatali bhufi bhakwe mnjele na mnsanga imbibhi. ²² Ishi lelo atuhomanyinye numbhili wakwe kushilila kufwa. Abhombile ishi anga kubhaleta ime mbha sangalusu, bhebhatali na kuyi bhunanzya na bhatali nu wu bhibhi pilongolela yakwe, ²³ Inga mkujendelela mlwitiho yeyikungomwa na kubha na maha, bila kwepa ukutali mwidala ilya maha kundumbililo zye mwazyi vuye. Izi zyendumbililo zetulalasizye kubhantu bhonti umntu wapeliwe kunsi kwibhingo. Iniyendumbilio ye kuyini ine, u Paulo, nemu bhombeli. ²⁴ Ishi inkusha amanyimba gani kulimwe. Nani inkugombelezya kulinganya mmbhili wani sheshiku syalilila kumanyimba ga Kristi kwajili ya mbhili wakwe, we likanisa. ²⁵ Ine ne mbhombi washipanga ishi, kuti imbombaje inza shebha mpinye kufuma kwa Mulungu kwa jili yinyu, kwizuzya izwi lya Mulungu. ²⁶ Izi yoli za kukwila zyezyafisiwe amaha aminji ivi kupapwa kwa bhantu nibhonibho. Ishi yli gagubuha kubhonti bhebha kwitiha kufuma mmwakwe. ²⁷ Kukubhala bhu Umulungu ahanzaga kugupula vwekuli utataji upiti uwakukwilu lyoli unu kafumana na bha mnsi. Kukunti u Kristi alimkasi yinyu, kuwudandamzu nu wa mwamu wewukwinza. ²⁸ Unuwe tukumlonga. Tukumsoha umntu wonti, kummanyizya wonti u mntu kunjele yonti, anga kuti tumlete kila mntu umwinza kwa Yesu. ²⁹ Kulili, ine inkudaga nakulinjizya kuholana na maha ga kwe gagakubhomba imbombo mkasi yani kumaha.