¹ We zyashila insiku zisanu, Anania umuputi usongo, abhazehe bhamu nu nakulonga weka amile Tertulo, bhahala pala. Abhandu ibha bhaletile inongwa iya Paulo kwe Gavana. ² U Paulo we ayimilila pilongolela ya gavana, tertulo ahanda kumusitaka na kulonga kwa gavana kunongwa yaho tuwihalo uwupiti; na kumaono gaho galetile ulwanduho ulwinza munsi yitu; ³ Ishi kulusamalizyo lwondi tukuposhela hohondi hukubhomba, kuwinza mushindishe u Feliki. ⁴ Ileelo indakulisyaje haani, ikukubhuzya natejelevwe amazwi gatibhulo uwupi waho. ⁵ Kwe kunti twamwaliga umundu unu muyanzi, we akubhazya Abhayahudi bhondi kubhomba imbibhi, munsumu anihabhili mulongozi uwa makanisa iga Wanazorayo. [galeme, imbali iya mazwi iga mulwoli 24:6 ⁶ Awinza ahalinjizyaga kulibhiha uwubhibhi shibhanza ipo tuhamulema, atalipo mumakalatasi amiza agimaandi wuleme ilwoli nu. ⁷ Lisiasi, umulongozi ayinzile nahamwega kumaha munyobhe zyitu, utalipo muwusimbe uwinza uwimandi] ⁸ Anga wamubhuzilizya Upaulo kuganago, tanza zimanye kunti handuhoni he tumusitakile." ⁹ Abhayahudi bhope bhahamusitaka u Paulo, bhahalonga kutishi ganago gamile ganayooli. ¹⁰ Uliwali wamuloleshezya inyobhe anga u Paulo alonje, Paulo ahagalusya, "Imanyile kunti kumaha aminji namili na mwaamuli uwa wandu ibha, pe ndi nuluseshelo kulonga nuneene kukwaho. ¹¹ Uwezizye usimishizye kunti zitashilile insiku kushila ishumi na zibhili kufuma penazubhile kubhala kuputa Kuyerusalemu. ¹² Pe wenaga mushibhanza, indadalihine numundu numo, pope indabhombilea uwuyanzi pampuga, awe muvibhanza awe muhanti muhaya; ¹³ Poope bharangawezya kusimishizya kukwaho inongwa zye bhakusitakila kushila ine. ¹⁴ Ileelo inkulaamba kukwaho, kunti idala lila lye bhakunti izehebu, kwidala linilyo ikumubhombela uMulungu uwa bhayise bhitu, ine namundu bholo kugondi gegali, muwamulo na musimbe uwa bhakuwi. ¹⁵ Indi namaha gagala kwa Mulungu we nabhula bhakugulila kwinza kwakuzwuha kuwufwe, kubhondi abhanali babhete bhanayoli; ¹⁶ Pe kulili, ingubhomba imbombo inga imbe nizyakubhomba yeyitali nu bhibhi pilongolela ya Mulungu napilongolela ya bhandu kushilila amambo gondi. ¹⁷ Ishi leelo we amaha minyi inizile kuleeta insamalizyo kuhaya yani nifalifwo iyi hela. ¹⁸ Wenabhomba ishi, Abhayahudi bhamu abhabhibhi bhahanaga muhanti mushelehe iya uwozwi muhanti mushibhanza pepatali impuga iya bhandu awe ifuujo. ¹⁹ Abhandu ibha bhebhakwanzilwa kubha pilongolela yaho isaalizi nabhalonje hala hebhali naho kukwani anangabhali ni zwu lye bhagalonga lwolwondi. ²⁰ Awe abhandu ibha bhibho nabhalonje wubhibhi woni webhawuwenyi kukwaniwe nimiliye piloongolela pi balaza ilwa Bhayahudi; ²¹ Yoli kwamile nahandu heka henalonjile kwinzi impiti wenimiliye pahanti yabho, 'kukunongwa ya kuzwuha kubhafwe imwe mukundoonga." ²² Feliki bhamile bhamubhuzizye ahinza kunoongwa yidala, pe aha wulehanya ulubhungano. Ahalonga, "Lisia jemedali wayinza pansi kufuma Kuyerusalemu ihayifumwa uwamulo kushila gala ge mwamusitakile imwe." ²³ Pahamwamu uakida amule u Paulo, ileelo abhe ninafasi poope atahabhe umudu uwakubhahana abhamanyani awe kumuyatila. ²⁴ Wisiku zimo zyashila, u Feliki ahaduga nu Drusila umushi wamali Myahudi, ahabhasondelezya kumubhilishila u Paulo pe ahatejelevwa impanjilo kufuma kukwakwe izya lwitiho muhanti mwa Klisiti Yesu. ²⁵ Ileelo u Paulo wali akubhuzilizanya nabho kungwa izyanayoli, kubha nuwatii nuwulonji wewukwinza, u Feliki ahogopa ahalonga, "Bhalaga ukutali ishi, ileelo anganapa ahabhalilo winza ihayinza." ²⁶ Ahabhalio hanao, asubhiye kunti u Paulo antimupe ihela ilele ahamubhilishilaga ahinjibhulo kulonga nawo. ²⁷ Ileelo wa amaha gabhili gashila, Porkio Festo ahabha mulonji kupwanila pa Feliki, ileelo u Feliki ahanzaga kuyilolesya Kubhayahudi, ipo ahamuleha Upaulo bhakumwenyelezya.