¹ U Paulo ahabhenya nzila bhulo abhandu abha mwibalaza nakulonga, "Bhaholo bhani, inihaye pilongoleela ya Mulungu kukwino inyinza paka ishi musanyunu." ² Umupuuti umusongo u Anania ahabhamula bhala bhebhimiliye papipi nawo bhamu dinde kwilomu lyakwe. ³ Pu Paulo ahamubhuzya, "'UMulungu ahayikuhoma iwe, ulubhumba lwe bhapashi le uwolongo, wihaye wukundonga kuwamulo niwe pu kubhamula ihomwe ishingunga nindajizyo?" ⁴ Bhala bhebhimiliye papipi nawo bhahalonga, "Ishi shu kumuliga umuputi umusongo uwa Mulungu?" ⁵ U Paulo ahalonga, "Bhaholo bhani, ine itamanyile kunti unu we mupuuti usongo. Kwe kunti yisimbilwe, tuhalonje ahabhimbi pamwanya pa mwilili ubhandu bhaho." ⁶ U Paulo walola kunti imbali yeka iyi balaza bhabha Sadukayo pe bhamu Bhafalisayo, ahahola izi nakulonga, bhaholo bhani, ine na Mfalisayo, umwana wa Mfalisayo. Kwe kunti ingusubhila kuma kuzuha kubhafwe bhe ikulongwa nabho." ⁷ We alonga igo, kudalihana ukumpiti kuhabha abha falisayo nabha Sadukayo, nubhungano luhasataana. ⁸ Kwekunti abhasadukayo bhakulonga kutalipo kuzwuha, abhahabhizya bhope nabhamu umupepu, ibhene Afalisayo bhakulonga gondigo galiipo. ⁹ Uwuyanzi uwupinti wuhafumila na bhamu abhasimbi bhebhali imbali ya Bhafalisayo bhamilila na kubhuzilizanya bhahalonga, "Tutalola nahamu ahabhibhi kwa mundu unu. Bhuli anga umupepu awe uhabhizya alonjile na weene?" ¹⁰ We kuhabha imbuzilizyo imbiti umusongo uwabha masinjala ahogopa kunti u Paulo hani bhamdebulanyinye ivibeza vibeza na bhene ipo ahabhamula amasinjala bhishe pasi nakumwega kumaha kufuma bhonji abhi balaza nakumuleta muhanti. ¹¹ Uwusiku wewahafwaata Umweene ahimilila papipi nawo nakulonga, "Utogopaje, kwe kundi umpanjile mu Yerusalemu, ipo uhayifumwa uwukeeti awinza na ku Roma." ¹² Wekwaasha, bhamu Abhayahudi bhahabhomba ulwivwano nabhilishila umuhosi kwajili yabho bhibho, bhahatishi te tulye awe kumweela hohondi paka pe bhahayimugoga u Paulo. ¹³ Kwamile nabhandu bhebhashilile amashumi gani bhebhabhombile ijama ini. ¹⁴ Bhahabhala kubhasongo ibhabha puuti nabhazehe na kulonga, "Tuyibhishile tuneetwe kushigune ishi mpiti tutalyanje angaheeka paka tuhamulole u Paulo. ¹⁵ Ipo ishi ibalaza limubhuzye jemedali umusongo amulete kukwinyu, unganti muhayi mugoga indabhi ahinza. Kukwitu itwe twitishile kumugoga poope shashili kwinza ipa.' ¹⁶ Ileelo umwana wayilumbu wakwe Upaulo ahivwa kunti kulinjama, ahabhala ahinji muhanti iyi ngome nakumubhuzya u Paulo. ¹⁷ U Paulo ahamubhilishila Uakida weka na kulonga, "Mweje umutunda unu kwa jemedali; Alelo ali nizwu ilyakumubhuzya." ¹⁸ Pe uakida ahamwega umutundu ula ahamutwala kwa jemedali umusongo ahalonga, "Paulo ula umupinywe ambilishiye ahanzaga ikuletele umutunda unu kukwaho. Ali nizwu ilwa kukubhuzya." ¹⁹ Ujemedali umusongo ula ahamulema inyobhe ahayibagula nawo pambali pe ahamubhuzilizya, "Handu honi hu kwaanza kumbuuzya?" ²⁰ Umutundu ula ahalonga, "Abhayahudi bhivwana kunti umulete u Paulo indaabhi kwi balaza kwe kunti bhakwanza kumanya imbembu zyakwe kuwana yoli ahani. ²¹ Ishi iwe utitihaje kwe kuti abhndu bhebha shilile amashumi gani bhakuzijila bhayi pinyila nishigunwe, bhatalyanje awe bhatamwelaje paka pe bhahamulole, poope ishi bhitishile, bhaguliye uwamulo kufuma kukwaho." ²² Pe ujemedali umusongo ula ahamuleha utunda abhale zyakwe, we amulajizya "Utamubhuzyaji umundu angaweka kunti umbuzizye iga." ²³ Ahabhabhilishila maakida bhabhili ahalonga bhabhishe ahinza masinjala imwa zibhili kubhala Kaisaria nabhamasinjala bhebha kupanda ifalasi amashumi saba, yeyili ni mipalala imwa zibhili, mutisogole izamu iyawutatu shawusiku. ²⁴ Ahabhabhuzya kubhiha ivihano tayali vwe Upaulo atibhombele na kwega ahinza kwa Feliki Gavana. ²⁵ Ahandiha ikalata azishi, ²⁶ Klaudio Lisia kwa Liwali umwinza Feliki, nakulamuha. ²⁷ Umundu unu alemiwe nabhayahudi bhahabha bhapalamila kumugoga, pihabha peeka nabha masinjala ihamutula, wenamanya kunti muhaya uwa kulumi. ²⁸ Ihazaga kumanya kunti hooni he bha musitakile, ipo iha mutwaala kwi balaza. ²⁹ Ihalola kunti amili bhamusitakile kunongwa yimbuzilizyo iyi ndajizyo yabho, pe bhatamusitakile nizi nalimo lyelihazilwaga kumugoga awe kukungwa. ³⁰ Ileelo yihamanyiha kuwani kunti kuli ni njama kwa weene, ipo kuhalaganya kuku musondezya kukwaho, nakubhalajiza bhebhakumusitaaka awinza bhalete zyebhakuwusitaaka awe pilongolela yaho bhahalagana. ³¹ Pe bhala abhamasinjala bhahitiha indajizo: Bhaha mwega u Paulo bhamutwaala na Antipatri sha wusiku. ³² Isiku lyeliha fwaata, abhamasinjala abhinji bhahabhaleha bhala abhapa falasi bhabhale peeka nawo, bhope bhahaduga ulwabho muhanti. ³³ Pe abhandu falasi webhafiha Kaisaria, nakumupa uliwali ikalata lila, bhaha mubhiha u Paulo pilongolela yakwe. ³⁴ Wope uliwali wayimilila paapipi, alimuuliza Paulo wafumiye ijimbo lilikwi, wamanya kunti mundu wa ku Kilikia, ³⁵ ahalonga, "Ihayi kwivwa iwe we bhinza bhala bhebha kusitakile," ahamula bhamubhishe muhanti muikulu iya Herode.