¹ "Bhaholo na muyise bhani, tejelevwu kubhalambila kwani gihayibhabhombela ishi." ² Impuga we yivwa Upaulo akulonga nabho kusheebulaniya, bhahapuma. Ahalonga, ³ Ine na myahudi, ipapilwe muhaya iya Tarso kumbali iya ku Kilikia, alelo nabhazizye isukulu muhaya yinini muvinama vwa Gamalieli. Bhamanyizizye kufwatana nida ilyiza ni dajizyo izya bhayise bhitu ie namaha aga Mulungu, anzimwe mwendi shemu umusanyunu. ⁴ Nabhayivwizye kwidala ili paka kufwa; ihabhapinya abhasahala na bhandanda nakubhataga mwijeela. ⁵ Pope umuputi nabhazehe bhondi bha wezizye kufumwa uwuketi, kunti naposheleye ikalata kufuma kukwabho kunongwa ya bhaholo bhebhali ku Dameski, kukwani ine kushula kubhala ukwo, yamili yakunti imbalete abhandu Kuyerusalemu abhidala lila inga bhapinywe na kuteswa. ⁶ Ihabha kunti pala penali ungushula napalamila Kudamesiki, ahabhali ahashamusanya panapo bhulo uluhozyo ulupinti luhafumila kumwanya luhanda kuhozya. ⁷ Ihagwa pasi ihizwa izi likumbilishila, 'Sauli, Sauli hooni hukuvisya?' ⁸ Ihagalusya, 'Iwe wanaanu, 'Mweene?' Umweene ahambuzya, 'Yimilila nauyinjile Mnazareti, ukwo bhantikubhuzye kilahandu hukwanzilwa kubhomba.' ⁹ Nabhali bhali peeka nine bhaha lulola uluhozyo, ileelo bhativuye izi lya wula walonjile nine. ¹⁰ Ihalonga, 'Ihozye bhuli, Mweene?' Umweene ahambuzya, yimilila nauyinjile ku Dameski; Ukwo bhantikubhuzye kila handu hukwanzalwa kubhomba.' ¹¹ Itawezya kulola kunongwa ye umuanga wiluhozyo, pihabha ku Dameski kwa kulongozwa ninyobhe zabhala bhebha nine. ¹² Ukwo ihahomama nundu webhakunti u Anania, alimundu walemile uwamulo weha mushindihaga pilongolela ya Bhayahudi bhondi bhebhahihala ukwo. ¹³ Ahinza kukwani, ahimilila pilongole yani, pe ahalonga, 'Holo wani Sauli, utale kulola.' Kuhabhalilo hahala ihalola. ¹⁴ Ahalonga, 'Umulungu uwabhayise bhitu akusebhile iwe umanye kumanya uwinza wakwe, kumulola ula uwanayoli, nakwivwa izi lyelikufuma mwilomu lyakwe. ¹⁵ Kwe kunti uhayibha wa mukeeti wakwe kubhandu bhondi kugala ge wagawenyi na kwivwa. ¹⁶ Ishi leelo hooni hukugwelila? Damuha, uyozelwe, huyozye imbibhi zyaho, ulitehaje itawa lyakwe.' ¹⁷ Weaduga Kuyerusalemu, pe windi pakupuuta muhanti mushibhanza, ihafumila kunti ihapewa kulola. ¹⁸ Ihamulola akumbuzya, 'Hima fuma lubhile Kuyerusalemu ukwo, kwekunti tebhahitishe impanjilo zyaho kuline.' ¹⁹ Ihalonga, 'Mweene, bhibho bhene bhanyile nabhakunjile mwijeela nakubhama bhala bhehakwintishile kila shibhanza. ²⁰ Ni bhanda lya Stefano umukeeti waho webhaha mwita, Nine namile inimiliye papipi na kwintiha nali inimililiye amenda agabhala bhebha muzulile.' ²¹ Ileelo ahambuzya, 'Pebhalaga, kwekunti ine ihayikusondelezya ubhale ukutali kubhandu abhapanzi." ²² Abhandu bhahamwintishizya alonjo kunongwa yizwi ili. Ileelo panaapo bhaha dandizya amazi nakulonga, "'Mwefwe umundu unu munsi: kwe kunti temwinza ayihale." ²³ Webhali pe bhakulola amazi na kutaga amenda gabho nakusumba ulusulo ku mwaanya, ²⁴ jemedali umusongo ahamula bhamulete u Paulo muhanti, ahamula bhamubhuzilizye uku akuhomwa indisa inga wuyo wene amanye kunti honi bhakumuhomela ishongo anza shishila. ²⁵ Pe webhamupinya ningusa, u Paulo ahamubhuzya uajida wayimiliye papipi nawo, "Aleele! Yoli imwe kumuhoma umundu we Mrumi nawashili kulongwa?" ²⁶ U Akida ula wayivwa amazwi igo, ahabhala kwa jemedali usongo kumubhuzya, ahalonga, "Ukwanza kuhozya honi? Kwe kunti umundu unu Mlumi." ²⁷ U jemedali ahinza nakumubhuzya, "Nambuzye, iwe wa muhaya wa Rumi?" UPaulo ahalonga, "Ee." ²⁸ Ujemedali ahamugalusya, "Kufwatana ihela inyinji pihapata uwuhaya." Ileelo u Paulo ahamubhuzya, "Ine na Mulumi wakupaapwa." ²⁹ Ileelo bhala bhali bhintishile kubhala kumubhuzilizya bhahasogola nakumuleha ahabhalilo hanaho. Ujemedali wope ahogopa, wamanya kunti u Paulo Mulumi kunongwa ye amukunjile. ³⁰ Isiku lyelihafwaata, ujemedali umusongo ahanzaga kumanya izyanayoli kunti uwulonji wa Bhayahudi kwa Paulo. Ipo ahamusatula uwupinye wakwe ahamula abhasogo abha puunti ni balaza lwondi bhahomane, ahamuleta u Paulo pasi nakumubhiha pakasi yabho.