1 Ahabhalilo hetwanili twalehana nabho, pe tukushula mwansumbi, tuhafiha yiho kuhaya iya kosi, indabhi yakwe muhaya iya Rodo, nakufuma ukwo tuhafiha muhaya iya Patara. 2 Wetwapaanda mumbokoso yihafumilaga kubhala ku Foinike, tuhapanda tuhabhala. 3 Wetwafiha pilongolela iya shiwa ishe Kipro, tuhayileha kumbali iyikamomgo, tuhashula paka ku Siria, tuhatuzya muhanti ukwo kwi mbokoso ihaziwaga i Tiro, kwe kunti ukwo kwi mbokoso ihaziwaga itule ivindu vwakwe. 4 We twabhalola abhalondati, tuhihala ukwo insku saba. Abhalandanti ibha bhahamubhuzya u Paulo kushilila kwa mupeepu kunti wene atahanyaje Kuyerusalemu. 5 Poope winsiku zila zya kwila itwe, tuhasogola tuhabhala izyitu bhulo, bhondi peeka, nabhashi bhabho nabhana bhabho, bhatuloleleye mumadala giitu paaka wetwauma kunzi muhaya. Pe tuhasugamile pilala, tuhapuuta, tuhalaga na kila mundu. 6 Tuhapanda imbokoso, uku abhene bhaduga kuhaya kukwabho awinza. 7 Poope we twaama kushula kwitu kufuma Tiro, tuhafiha Tolemai. Pala tuhalamuha abhaholo, petuhihala nabho isiku lyeka. 8 Indabhi yakwe tuhasogola tuhabha ku Kaisaria. Itwe tuhinjila munyumba mwa Filipo, umulumbilili uwutumi, wamali weeka kubhala saba, nitwe tuhahala peeka nawo. 9 Umundu unu ali nabhalindu bhani bhe bhatabhanyile abhasahala bhe bhatabiliye. 10 We bhihala ukwo insiku zimo, ahiha kufuma Kuwuyahudi umukuwi weeka webhantinji wu Agabo. 11 Awene ayinzile kukwitu ahega umukanda wa Paulo. wunoyo ahayipinya ivina ni nyombe zwakwe wayo na kulonga, "Umupepu umufinji ahalonga ishi," "Abhayahudi ibha Kuyerusalemu bhayimukunga umundu we alinumukanda unu, bhope bhahayimupa munyobhe mubhapaanzi." 12 We twivwa amaambo igo, itwe nabhandu bhebhahihalaga pala twamubhuzizye u Paulo atahazubhe kubhala Kuyerusalemu. 13-14 Pu Paulo ahagalusya, "Mukubhomba hooni, mukulila nakuvuza umwoyo wani? Kwekunti ine initishile, tekukunga basi, ileele nakufwila ukwo Kuyerusalemu kunongwa yitawa lya Mweene u Yesu," Kwe kunti u Paulo atahazaga kusonga nyula tuhaleha nakulonga, "Pemulugano lwa Mulungu nalubhombeshe." 15 We insi izi, tuhega amafuku gitu auhazubha Kuyerusalemu. 16 Bhamu abhalandati kufuma Kaisaria awinza bhahatufwaataga itwe. Bhamuleta umundu weeka bhahatinji Mnasoni, umundu uwa Kipro, umulandati uwimaandi, we twihaye nawo. 17 Wetwafiha Kuyerusalemu, abhaholo bhatubhilishila kuluseshelo. 18 Indabhi yakwe Upaulo ahabhala peeka nitwe kwa Yakobo, nabhazehe bhondi bhalipo. 19 We twabhalamuha, ahabhapa imbantiho, weka weka, amambo ge uMulungu gabhombile mukasi yabho abhapanzi kushilila imbombo yakwe. 20 Ahabhalilo webhivwa igo, bhahamusalifwa u Mulungu, pebhahamubhuzya, "Ukulola wa mwitu, kuli ielufu zilinga bhebhitishile muhati Muyahudi. Bhibho bhondi bhakwa kulema indajizyo. 21 Bhabhabhuzizye kunongwa yaho, kunti ukumanyizya Abhayahudi bhebha kwihala muhanti mubhapanzi kulehana nu Musa, nakunti ukubhabhuzya kuti bhataataje abhana bhabho, nafatafwataje amiho agimaandi. 22 Tukwanzilwa tubhombe ilyooni? Anahabhili bhantiyivwe kunti iwe uyinzile. 23 Ipo bhomba hala itwe tukukulabha ishi: Tuli nabhandu bhani bhebhabhishile ifingo. 24 Bheje abhandu ibha uyoze wewe peeka nabho, na ulipile ihela zyabho, anga bhawezye kukaata amatwe gabho. Ipo kila mundu apaate awinza ufwataje indajizyo. Watajifunza kwamba wewe pia unafuata sheria. 25 Ileelo kumpembu izyabhapanzi bhe bhebha bhakilisiti, twandishile na kufumwa indajizyo kunti bhakwanzilwa kuyefwa ni vindu vwe bhafunizye kuvifwani, ni bhanda, kufumilana nahala he bhanyonjile nabhayefwe nuwubhembu." 26 Pe, Upaulo ahabhatwala abhasahala, ni siku ilya wubhili ahayozya wuyo peeka nabho, ahinjila mushibhanza, kulalasya isiku izya kuyozya, paka ifinjile yifume kunangwa ya wekaweka wabho. 27 Insiku izyo saba wezyapalamila kusila, bhamu Abhayahudi kufuma Kuasia bhaha mulola u Paulo Mushibhanza, ni mpuga bhaha vitwa bhaha bhaha mugolosheza inyobhe. 28 Bhali bhakuhoma ishongo, "Abhandu ibha Kuisraeli, twavwe, unu we mundu wakumanyizya abhandu popondi pala amabo ge shingunga nabhandu, indajizyo, panapa. Awinza abhaletile abha Yunani pahati pashibhanza ukupananganya ipa apafinjile." 29 Kwe kunti kuwandili bhamili bha muwenyi Trofimo Muefeso alipeka na wo muhaya, bhope bhahantinji u Paulo amuletile mushibhanza. 30 Ihaya yondi yamile nishango, na bhandu bhahashimbila peeka nakumulema u Paulo. Bhaha mufumwa panzi pashibhanza, imilango panapo yihayigolila. 31 Webhakulinjizya kumugoga, impembu ziha mufishila umusongo uwi jeshi ilya bhakolokoloni kunti i Yerusalemu yondi yizuye uwuyanzi. 32 Panapo bhulo ahabhega abha kolokoloni na bhajemedali ahayishimbilila impuga ahabhalilo abhandu webhamulola umusongo uwijeshi nu kolokoloni, bhahaleha kumuhoma u Paulo. 33 Ipo umusongo uwi jeshi ahamusejelela na kumulema u Paulo, ahamula apinywe ni minyololo yibhili. Aha mubhuzilizya iwe wananu ubhombile ilyoni. 34 Bhamu abhandu pambuga bhamile bhakudwegana ilinili na bhamwabho, ilya mbuabho. Kwe kunti jemedali atahawezya kubhabhuzya lyolyo kunangwa yishongo, ahanula u Paulo bhamule muhanti mungome. 35 Pe wafiha pizubhilo ukolokoloni ahamwega kunongwa yawuyanzi wa uwimpuga. 36 Kwe kunti impuga iyabhandu bhahamufwata kumo bhakuhoma ishoongo, "Mweefwe unu!" 37 U Paulo webhakumuleta muhanti munyumba, ahamubhuzya umusongo uwi jeshi, "Ibwezizye kukubhuza ahandu?" Ula umusongo uwi jeshi ahalonga, "'Ileelo, ukulonga Shiyunani? 38 Ileelo, iwe tewa mumisi ula we kuwandilo ayejile amabuda amabhibhi nakugalogola bheheli elfu zini muilala?" 39 U Paulo ahalonga, "Ine na Muyahudi, kufuma muhaya iya Tarso iya Kilikia. Ine na muhaya muhaya yeyivwishile, ikubhalaabha, munintishizye indonje nabhaandu." 40 We umusongo amuintishizya, u Paulo ahimilila pamwanya ahafumwa ishilolesyo kubhandu kunyobhe yaakwe, wekwali kupumile nywe ahani ahalonga nabho kushi Ebraniya. Ahalonga,