¹ Ahabhalilo iho umwene u Herode ahagolosya inyobhe yakwe kubhamu bhala bhebha kufuma kuumpuga inga bhabhayivwe. ² Ahamugoga Uyakobo uholo wa Yohana ni paanga. ³ Wehabhalola kunti yahondela abhahudi ahamulema u Petro awinza ili lyali ahabhali he wimikanti yebhatapanyizye uwusafu. ⁴ Wamulema, ahamubhiha mwijeela ahabhiha ivipani vini ivwa bhakolokoloni inga kumwililiha, ahakwinililaga kumuhuola kubhandu Wishikulukulu shashila. ⁵ U Petro bhaha mubhiha mwijeela, ileelo ipuuto yabhombeshile kumaha ni mpuga kuongwa yakwe kwa Mulungu. ⁶ Isiku wu Herode ashili kubhala kumwefwa, uwusiku wunuyo uPetro agonile pahanti pabha kolokoloni bhabhaili, ali apinyilwe ni minyololo yibhili, nabha kolokoloni pilongolela pa mulyaango bhakulinda igeleeza. ⁷ Yenya, uhabhizya wa Mwene ahafumila panapo bhulo nuluhozyo luhalama muhanti, ahamuhoma u Petro kulubhazu nakumuda musya akulonga, "Damuha nalubhilo." Pi minyololo yebhamupinyi yihasatuha kufuma munyobhe zyaakwe. ⁸ Uhabhizya ahamubhuzya, "'Kwaata amenda gaho ni vilyatu vwaho." Upetro ahabhomba isho. Uhabhizya ahamubhuzya, "Kwata ilwenda laho nafwataje." ⁹ Ipo u Petro ahamufwata uhabhizya ahafuma panzi, atahitihaga hehabhombeshile nuhabhizya kunti zyanayoli ahantinji akuloota. ¹⁰ We bhashila umulyango uwa kwanda uwa uvubhili, bhahafiha kushimbangu isha majela ilya kwinjilila kubhala mumjini, lihiguha lyene bhulo kunongwa yabho, bhafuma kunzi bhahiha mutuhaya, panapo uhabhizya ahamuleha. ¹¹ UPetro wayimanya, ahalonga, "Ishi nitiha kunti Umulungu amusondelezizye ahabhizya wakwe inga nefwe munyobhe zya Herode, nakukwina kwa bhandu bhondi ibha kuwuyahudi." ¹² Wamanya isho ahinza kuyumba Mariamu unyina wakwe u Yohana we wu Marko; abha Klisiti abhinji bhabhunganile bhakupuuta. ¹³ Wahoma ihode mumulyango we bhadindile, umubhombi weka umuliindu webhakunti uRoda ahiza kwuigula. ¹⁴ Wamanya kunti izi lya Petro, kuluseshelo ahapotwa kwigula umulyango; panapo ashimbilila munyumba; nakubhamanyisya kunti u Petro ayimiliye mpilongolela pa mulyango. ¹⁵ Ipo bhalonga kukwakwe, "Ileelo ahadaga ahanti yooli wuuyo, bhahalonga "Unu wuhabhizya wakwee." ¹⁶ Ileelo Upetro ayendele kwiguzya, we bhigula umulyango, bhahamulola bhahasha haani, u Petro ahabhamilisya ishinununu ni nyobhe bhapume nmwe ahabhabhu shu Mulungu amwefwize kufuma mwijeela, ahaloonga, ¹⁷ "Mubhabhuzye ganaago uyakabo na bhaholo bhakwe." Pe ahasogola ahabhala kwinji bhuulo. ¹⁸ Wekwabha shamusanya, kuhabha nuwusungamu umumpinti abhakolokoloni, kuzyezibhombeshile nu Petro. ¹⁹ Pe wu Herode amwaanza atahamulola ahabhabhuzilizya abhakolokoloni ahamula bhago gwe, ahabhala kufuma kuwuyahudi muka ku Kaisaria kwihala ukwo. ²⁰ U Herode ali numula nabhandu ibha Tiro na Sidoni. Bhahabhala peeka kukwaakwe, bhahabha nuwumanyani nu bulasito umunsi wa mwene, anga bhaavwe, pebhahalabha uwihalo, kunongwa yinsi yabho yaposheleye ishakulya kufuma kunsi iya mweene. ²¹ Isiku lye bhakwiniliye uHerode ahakwata amendaaga wumweene na kwihala pintengo lyakwe ilya wumwene, nakubhabhuzya. ²² Abhandu bhahahoma ishongo, "Ili lizi lya Mulungu awe te lizi mundu!" ²³ Ihabha panapo bhulo uhabhizya ahamuhoma, kunongwa atamapiye Umulungu uwinza; yihamulya ichengo ahafwa. ²⁴ Ileelo izwu lua Muluungu lihakula nakusaata. ²⁵ Wu Barnaba nu Sauli kukwilizya imbombo yaabho bhahepa palabhahaduga Kuyerusalemu, bhaha mweega nu Yohana we itawa ilya kupaapwa wa Marko.