1 Ishi kushibhanza isha Kuantiokia, pali nabhakuwi bhamu na bhamanyizyi. Bhali Ubarnaba, Simoni (wamali Nigeri). Lukio wa Kirene, Manaeni (uholo watali nibhanda nu Herode umwilili uwa mukowa), nu Sauli. 2 Webhakumulabha Umulungu bhaleshile nakulya, Umupepu umufinjile ahalonga, "'Nambishile pambali u Barnaba nu Sauli, bhabhombe imbombo yenabhabhishiliye." 3 We abhashibhanza kulya na kumulabha Umulungu, nakubhiha inyobhe kunongwa ya bhandu ibha, bhahabhaleha bhabhale. 4 Ilelo Ubarnaba nu Sauli bhaha mwitiha Umupepu umufinjile bhahiha kubhala Seleukia; Kufu ukwo wajeendi mwasambi kubha isha Kipro. 5 Webhali muhaya iya ku Salami, bhalalasizye izwi lya Mulungu mu vibhanzi ivwa Yahudi. Awinza bhali peeka nu Yohana u Marko anza umwavilizwi wabho. 6 Webhabhala asehu hamu hondi paaka Pafo, bhahaga umundu umo umolozi, Muyahudi umukuwi uwi leenga, webhahantinji wu Bar Yesu. 7 Umulozi unu bhahabhombaga peeka numusongo Sergio Paulus, ali musoongo uwinjile, umundu unu abhalanjiye Usauli nu Barnaba, kwekunti ahanza kutejelevwa amazwi ga Mulungu. 8 Ilelo Elima "Ula umulozi" (Isho she tawa lyakwe she wagalunyinye) abhadindile; ahalingaga kumugalulanya ula umusongo ayepe kulwi atiho. 9 Ilelo u Sauli wahantinji uPaulo, amili ayizuye umupepu umufinjile ahamudamula amiso 10 pe ahalonga, "Iwe wumwana wa Setani, uyizuye uwubhibhi wondi kuhopela uwubhinu iwe wa mufi kuhala hondi hehanayoli tuhaleshe kugalulanya amadala ga mweene, zyezigooloshile, alelo untihole? 11 Ishi yeenya, inyobhe Mweene yili pamwanya yaho, untibhe wa mbubhila. Tulilole izubha kuhabhalilo" panapo bhulo imbeesu nahinsi vihagwa pamwanya iya Elimas; ahanda kuzwangula pala akulabha abhandu bhamulongole bhamuleme inyobhe. 12 Wu musoongo alola heha fumila, ahintiha, kwekunti aswijile kumanyizyo kunongwa ya Mweene. 13 Ishi Upaulo nabhamanyani waokwe bhashuulile muminzi kufuma Pafo pe bhahafiha Perge paku Pamfilia. Ileelo u Yohana ahabhaleha nakuduuga Kuyerusalemu. 14 U Paulo nabhamanyani waakwe bhashulile kufuma Perge na bhahafiha Antiokia iya Pisidia. Ukwo bhabhali mushibhanza isiku ilyi kupuuta nabhahila pansi. 15 We bhabhazya indajizyo na bhakwi, abhalongozi ashibhanza bhaha bhasondeleshezya, amazwi aga kubhapa abhandibha umwoyo ipa longaji" 16 Ileele u Paulo himilila nakubhalamu ninyobhe; ahalonga, "Musahaala mubha Israeli imwe mwe mumwitishile Umulungu, tejelevwi. 17 Mulungu wabhandu ibha abha Israeli abhasebhile abhayise bhitu na kubhabhiha bhandu abhinji pebhihaye munsi iya Mumisili, na kunyobhe yakwe kwimilila ahabhalongola panzi. 18 Kumaha amashami gani ajimbiliye mulugwa. 19 Wananganya iviholo saha muhanti munsi iya Kukanaani, ahabhapa abhandu bhintu insi yabho kupwa unila. 20 Amaambo igo gondi galoleshile we amaha imwa zini na mashumi gasanu. We ivundu ivwo vwondi, Umulungu ahabhapa uwamulo mupaka Samweli Mukuwi. 21 Pee we igo, abhandu bhahalabha umweene, ipo Umulungu ahabhapa usabhuli umwana wa Kishi, umundu uwa shiholo ishe Benjamini, kubha wu mweena amaha amashumi gaani. 22 Ipo wu Mulungu amwefwa muwu mweene, amwilisya u Daudi kubha wu mwene wabho, yali kunti uDaudi kunti Umulungu alonjile, 'Namuaagu uDaudi umwana wa Yese kubha mundu wumwoyo wani wahondela wantibhombe hohondi hihaganile.' 23 Kufuma kushililo sha mundu unu Umulungu ayileteye Israeli umwokoli, u Yesu, inza shantili ahayibhomba. 24 Ili lyandile kufumila, shu Yesu ashili kwinza, u Yohana suti walalasizye uwozwi uwa kuitiha kubhandu wondi ibha ku Israeli. 25 Wope u Yohana wakumalilizya imbombo yakwe, ahalonga, 'Mukukwinilila ine kunti na nanu? ine nete wuwula, ilelo tejele vwi wakwinza kulusalo yani, itakwazilwa kuzegevwa ivilya muvina vwakwe.' 26 Abhaholo, abhana ibha shiholo sha Abrahamu, na bhale bhe bhamu bhaku mupuuta Umulungu, kunongwa yitu kunti amazwi iga ulwitiho lwinzile. 27 Kubhala bhebhakwiha Kuyerusalemu, nabhasongo bhaabho, bhatamumayile kunti wana yoli, awe bhatamayile amazwi iga bhakuwi, wewu kubhazwi iga bhakuwi kwa kumulonga kufwa kwe Yesu. 28 Poope shebhazyajile zya tulile inyinza muhanti mufwe wakwe, bhaha mulabha u Pilato amugooje. 29 Webhamala amaambo gondi gega simbilwe kukwakwe wene. bhaha mwisya kufuma mwikwi bhaha mugooneleza mumbiipa. 30 Ilelo Umulungu ahamuzwusya kufuma kubhafwe. 31 Aloleshile kunsiku inyiinji kubhala bhebhalile peeka nawo kufuma Kugalilaya kubhala Kuyerusalemu. Abhandu ibha ishi bhaketi bhabhandu. 32 Ipo tukubhaleetela ahapangwi ahinza itamili ulusubhilo lwe bhabhapiye abhamaama bhintu. 33 Umulungu abhishile ulusubhilo ulu kukwitu, abhana bhabho, kulilyo amuzwusizye u Yesu nakumuduzya mwinza kubha mwumili winza lya simbilwe mwa Zaburi iya wubhili: 'Iwe wo mwana weeni umusanya nabha nayise waho' 34 Iwinza hamili yoli kunti amuzwusizye kufuma kubhafwe anga kunti umubhili wakwe wutanjihaje, alonjile ishi: 'Indikupe uwopole utinyimishilwe izwana yoli izya Daudi' 35 Ini yenongwa ahalongaawinza kuzaburi iyamwabho tuhitishizye umutosu waho kuwulola uwubholi.' 36 Kunongwa ye uDaudi ahabhombaga zyezya Mulungu muhanti mupaapo yakwe, agonile, bhamugonizye peeka nabhayise bhakwe, ahawulo uwuna ajisu, 37 ileelo wazwusilwe nu Mulungu atawuloli uwunanjisu. 38 Ipo yimanyishe kukwinyu, muhalo, kushilila kwa mundu unu, ulutuyilo ulwimbiwi lulumbilililwe. 39 Kwawene wondi wa yitishile akumubhazizya yoli na gondi ge ndajizyo ya Musa hani yitabhajile yoli. 40 Ipo leelo mwenyaje kunti ahandu hebhalonje ya abhakuwi hatahafumile kukwinyu: 41 'Yenyi, imwe mwemukushoolanya, namuhaswije namuhafwe; kwekunti ikubhomba imbombo munsi zyinyu imbombo yemutangawezya kwintiha poope she umundu angabhabhuzya." 42 Wu Paulo nu Barnaba bhasogola, abhanu bhahabhalabha bhalonje amazwiiga isiku ilyakuupa lyelikwinza. 43 Wu lubhungano ulwa shibhanza lwasila abhayahudi abhinji nabhe pindushile yoli bhahafwaata u Paulo nu Barnaba, bhebhanjile nabho nakusimishizya bhendelele kubha muwila wa Mulungu. 44 Isiku ilya kupuuta lyeli kufwata, ihalolehe ihaaya nyondi yihabhungana kutejelevwa izwu lya Mulugu. 45 Abhayahudi we bhalola impuga bhazilwa numwone nakulonga azwi gegahadindaga ivindu vwe vwalongiwe nu Paulo na kumuliga. 46 Ilelo Upaulo nu Barnaba bhalonga kumaha nakulonga, "Yali hinza kunti amazwi ga Mulungu lilongwe suti kukwinyu kwekunti mukubushilila ukutali kufuma kukwinyu mukulola mutakwanzilwa uwimi uwa wila, yenyaji tuginza kugaluhana kubhapanzi. 47 Anza shu Mweene atwanuye, akulonga, 'Imbabhishile imwe unganti luhozyo kubhandu abhapanzi kunti mulete uwoposhi imbali zyondi izyinsi." 48 Abhapanzi webhivwa ili, bhashiye nakulipaala izwila Mulungu. Abhinji bhebhasebhile kuwumi uwa wila bhantiha. 49 Izi lya Mweene lihasaata insi yoondi. 50 Ileelo abhayahudi bhahabhasimishizya bhebhayefwizye na bhandanda bhebhakwanzilwa, alelo nabhimilili abhihaya, iga gasonjele zya amayimba kwa Paulo nu Barnaba bhahabhasumba mumbali munyoli ihaya. 51 Ilelo u Paulo nu Barnaba bhaha kunyunda amauto muvinama vwabho, pe bhahabhala muhaya iya Ikonia. 52 Pa landanti bhizuye uluseshelo peeka nu mupepu mufinjile.