¹ Abhasundikwa nabhaholo bhala bhebhali Kuyudea ukwo bhahivwa kunti abhapandi bhaposhela amazwi ga Mulungu. ² U Petro wayinza Kuyerusalemu wula uwinji uwabhandu bhebhatile ahanda kujeeha, bhahantinji, ³ "Ulipeeka nabhandu bhebhataatile nakulya nabho!" ⁴ Ilelo u Petro ahanda kuloonga shezyali akusimishizya; akuloonga, ⁵ "Ihalabhaga muhaya iyaku Yafa, naihalola indooto iya shiliilo shikwiha pansi unganti mweenda umu mpinti wukwiha kufuma kumuanya mumbali zyakwe zyondi zini shihiha kukwaani. ⁶ Nahenyizye na kukwina kuhanaho. Ihavilola ivihano ivwa vinama vini vye vikwihala munsi, nivihano ivwa mwiseengo vihano vwevikwaa vula ninyonyi izyakumwaanya. ⁷ Awinza ihivwa izi likulonga niine, "Damuha, Petro, goga ulye!" ⁸ Ihalonga, "Teyiyiniyo, Mweene, mwilomu lyaani hatalipo nahamu hehinjiye shete shifinjile awe ishibhibhi" ⁹ Ileele izi luhagalusya winza kufuma kumwaanya hala hu Mulungu ahalalasizye kunti hinza, utahanti, habhibhi, ¹⁰ Ini yafumiye hatatu, na kila handu ahega kumwanya winza. ¹¹ Yenya, ahabhalilo iho abhandu watatu bhali bhiliye pilongole panyumba ila mwatwali, bhabhasontelezizye kufu ku Kaisaria kwinza kuukwaani. ¹² Umupepu ahambuza bhalaga nabho. Ibha abhasahala umutaanda bhahabha la peeka nine tuhabhala panyumba yamundu weka. ¹³ Ahatubhazya shila shamuwenyi uhabhizya ayimiliye muhanti munyumba yakwe akuloonga, "Nansontelezye Kuyafa imulete u Simoni witawa lyakwe ilya mwaabho wu Petro. ¹⁴ Atilonjo amazwi kukwaho kuwunuyo untiyitishe iwe ni nyumba yaho yondi." ¹⁵ Wenatala kulonga nabho, Umupepu umufinjile wuhiza kukwabho anza she winzile kukwitu kuwaandilo. ¹⁶ Ikumbushile amazwi ga Mweene, shalonjile, "UYohana ayozizye kuminzi; ilelo uhayozelwa nupepu umufinjile." ¹⁷ Anga Umulungu afumwa uwila anzashatupiiye itwe wetwitiha kwa mweene u Yesu Klisiti, ine na nanuu, kunti ingawezya kumudinda Umulungu? ¹⁸ Webhivwa gaanago, bhatahaduzya yoli bhaha musalifwa Umulungu nakulonga, "Umulungu afumizye ulwintiho kubhapanzi winza" ¹⁹ Ipo bhebhintishile bha mayimba gaondii ye kufwa kwa Stefano bhabhasataana kufuma Kuyerusalemu- bhebhintishile ibha bhahabhala ukutali bhahabhaha paaka Foinike, Kipro na Antiokia. Bhahabhabhuzya amazwi aga Yesu wuyo mweene kubhayahudi te kwa wunji wowondi ula. ²⁰ Ileelo bhamu mumwo bhandu kufuma Kipro ni Krene, bhinzile ku Antiokia na kulonga nabhayunani nakumulumbilila Umweene u Yesu. ²¹ Iyobhe ya Mweene yali peeka nabho, nabhandu abhinji bhahintiha nakumudujila Umwene. ²² Impembu zyaabho zihafiha mumekutwe mushibhanza isha Kuyerusalemu: pebhaha musontelezye Ubaranaba afishe kula Kuantiokia. ²³ Wayinza alola ishi kunjilwa sha Mulungu asha; ahabhapa umwooyo kunti syalaji nu Mulungu mumoyo agaabho. ²⁴ Kunongwa yamali mundu mupole we ayizuye umupepu umifinjile nu lwitiho nabhandu abhinji ahanjela mwa Mweene. ²⁵ Wepahabha u Barnaba ahabhala Tarso kumuloola u Sauli. ²⁶ Wamwaaga, ahamuleeta Kuantiaokia. wuhabha mwaha wondi bhahabhungana peeka mushibhanza nakubhanyizya abhandu abhinji bhope abhalandati bhanti bha Klisiti ilya kuwandi ukwo Kuantiokia. ²⁷ Nisalizi abhakuwi bhakwiha kufuma Kuyerusalemu paaka Kuantiokia. ²⁸ Weka umo agabo lyelitawa lyakwe, ahimilila akuloleshelwa nu Mupepu kunti inzala ihali yihayifumila munsi yondi. Ini yafumiye ahabhalilo musiku izya Klaudio. ²⁹ Ileelo, abhalandanti, kilamundu sha kabhile, bhamula kutwaala kuwila wabho kubhaholo bhebhali Kuwuyahudi. ³⁰ Bhabhombile isho; bhasondelezizye ihela kunyobhe ya Barnaba nu Sauli.