¹ Kwali nu mundu umo muhaya iya iya ku Kaisaria, itawa lyakwe ali wu Kornelio, ali musongo uwa shipani isha kiitalia. ² Ali mundu wa mwitishile u Mulungu ahamupuuta isiku zyondi peeka ni nyumba yakwe; afumishe ihela inyinji kubha yahudi na halabhaga kwa Mulungu insiku zyondi. ³ Ahabhalilo aha musaa tisa shamusanya, ahalola mukwino uhabhizya wa Mulungu akwinza kukwakwe. Uhabhizya ahamubhuzya, ⁴ "Ukornelio! Kornelio ahamwenya uhabhizya amali nilyoga nifwa ahalonga "Ini yoni musongo?" Uhabhizya waho kubhapina vwazubha kumwaanya kubha lukumbusyo kubha kwa Mulungu". ⁵ Ishi sontelezya abhandu kubhala Kuyafa kumuleta umundu weka webhakunti u Simoni we winza bhakunti u Petro. ⁶ Akwihala nawakugoomba amakweembe webhakunti u Simoni winyumba yakwe yimumbali mwasumbi." ⁷ Wuhabhizya wahalongage nawo kusogola, u kornelio ahabhabhilishila abhambi abha munyumba yakwe bhabhili, nukolo koloni waha muutaga u Mulungu muhanti mubha kulokolonibhebha mubhombelaga. ⁸ U Kornelio abhabhuzizye zyoondi gegafumiye naahabhasondelezya ku Yafa. ⁹ Isiku lyelihafwaata ahabhalilo aha musaa umutaanda webhali mwidala bhapalimila pahanti, uPetro ahazubha kumwanya kwigulu akupuuta. ¹⁰ Awinza ali ninzala ahanzaga ahandu ihakulya, ilelo wabhandu bhakuteleha ishakulya, ahaloshelwa ninsibho, ¹¹ ahalola imwanya yigaha ishililo shikwiha na handu hamu unganti mwenda umumpinti wukwiha pansi mulusuuto mumbali zyakwe zyondi zini. ¹² Muhanti yakwe mwali niviholo vyaondi ivwa vihano ivwa vinama vini na vwe vikudendeluha pamwaya palusuto, ninyonyi izya kumwanya. ¹³ Awinza izi lihalonga kukwakwe "Damuha, u Petro ugoje ulye". ¹⁴ Ilelo u Petro ahanti "Teshishinisho, mweene intaliye nalumu ahandu hohondi ahabhibhi awe ahachafu. ¹⁵ Ilelo izi lihinza kukwakwe ahawubhili "Haha puntiye Mulungu utandinji habhibhi awe achafu". ¹⁶ Ili lyabhombishile hatatu, nishililo shila shihabha shegwa winza kumwanya. ¹⁷ Nu Petro ali uku akuyuwa nazila zyazilolile kunti hehoni haaha yeenya, abhandu bhu Kornelio abhasondele zizye bhhimilila pilongolela pamulyango, bhakubhuzilizya idala ilya kubhala kunyumba. ¹⁸ Pe bhahabhilishila nakubhuzilizya anga u Simoni we winza bhantiji u Petro anga hihalaga paala. ¹⁹ Abhalilo iho u Petro wakukwina ganaago ahalola, Umepepu ahalonga nawo, "Yeenya abhandu bhataatu bhakukufwaata. ²⁰ Damuha uyishe pansi ubhale nabho, utogopaje kubhala nabho, kwekunti imbasondeleziizye." ²¹ U Petro ahiha pansi kukwabho na kuloonga ine newuwula we mukumwanza hooni he mwinzile?" ²² Bhalonga, "Uakida weka itawa lyakwe wu Kornelio, umundu uwanayoli aliganile kulabha u Mulungu, nabhandu bhakumulanga ahinza munsi yondi iya Kuwuyahudi, amubhuzizye wa Mulungu kukusondeleza ileelo angabhale kunyumba yakwe, anga yivwe indajizyo kufuma kukwaho." ²³ U Petro ahabhabhilishila kwinjila muhanti na kwihala peeka nawo, ishilabhila sheshiha fwaata ahadamuha ahabhala peeka nawo, nabhahalo bhantii kufuma Kuyafa bhahalongozanya nawo. ²⁴ Isiku lyekufwaata bhahinza nawo Kaisaria. Nu Kornelio ahabhagulilaga; nabhabhilishiye peeka abhaholo bhakwe nabhanyani bhakwe abhapapiipi. ²⁵ Wu Petro akwinjila muhanti, u Kornelio amutambila nakugunzama paka pansi muvinama vwakwe ku mushindiha. ²⁶ Wu Upetro ahamuilisya na kulonga "Yimilila; nani nunene na mundu." ²⁷ We u Petro akulonga nawo ahabhala muhanti ahago bhandu bhabhunganile peeka. ²⁸ Ahabhabhuzya, "Imwe munemwe kuti tewamulo uwayahudi kwavwana awe kuyantilana numundu wete winsi yo. Alelo u Mulungu andanjile ine kunti indakwazilya kumubhuzya umdu mubhibhi awe muchafu. ²⁹ Mwemumwo ninza sita kudaliha, we bhansondelezya honi he bhabhansondelezizye kunongwa fani." ³⁰ U Kornelio ahalonga, "Isiku zini zyezyashilile ahabhalilo anziha ibhanga ingupuuta ahabhalilo anziha ibhanga ingupuuta ahabhalilo aha musaatisa sha musanya muhanti munyumba yani; ihalola kwilongolela yaani umundu ayimiliiye alina menda azelu, ³¹ Ahambuzya "Kornelio ipuuto zyaho zyavwiha kwa Mulungu nu wupi waho kubhapiina sheshikanu wupi waho kubhapiina sheshikambusyo kwa Mulungu. ³² Ilelo sondelezya umundu weka Kuyafa amubhishile umundu weka webhakunti u SImoni ayinze kukwaho, wewinza bhakunti uPetro, wakudiila kwa mugoomba makwembe umo webhakunti u Simoni we inyumba yakwe yili mumbali mwasumbi. ³³ Zileme zyenalonga izi, "Woope angayinza ahayiloonga nimwe," wutalipo muwusimbe uwahali. ³⁴ Pe u Petro ahigula ilomu lyakwe na kulonga "Yoli, nintiha kundi Umulungu atagabha na kwimila. ³⁵ Afwani wene, bhobhondi munsi umundu waku mupuuta nakubhomba izyanayoli akwitishilwa kukwaakwe. ³⁶ Ugamanyile amazwi gafumizye kubhandu abhaku Israeli, waku lalasya itumi inyinza iya wihalo kushilila kwa Yesu Klisiti we mwene wa bhondi- ³⁷ imwe munemwe mumanyile zyezya bhombeshile lyelyafumiye Kuyudea yondi alyandiye Kugalilaya, we uwozilwa wa Yohana walalaswa. ³⁸ Inongwa yeyali kulongwa ya Yesu uKlisiti she Umulungu amufinjile na kumaha. Alile akubhomba aminza nakubhanwa bhondi bhebhaha yiimba usetani kunongwa ya Mulungu alipeka nawo. ³⁹ Itwe twabhaketi kugoondi ge gabhombile munsi iya kuwa Yahudi na Kuyerusalemu- unu wu Yesu webhagojile nakumuhobheha pikwi. ⁴⁰ Umundu unu Umulungu amuzwusizye isiku ilya wutatu nakumubhiha kumanyiha, ⁴¹ itwe kubhandu bhondi, ilelo kubha keeti bhabhasebhile kuwandilo nu Mulungu. - itwe tuneetwe, twaliye nawo kumwela nawo washili kuzwuha kufuma kubha fwe. ⁴² Atulajizizye kutumbilila kubhandu nakupembulila unu we wuwula wu Mulungu amuchaguye kubha mwaali wabha puuma nabhafwe. ⁴³ Kuwuyo wene abhakuwi bhondi bhamupanjile, inga kunti wowondi wakwitiha kwa wene bhantipate kumutayila imbibhi kushilila itawa lyakwe." ⁴⁴ Ahabhalilo u Petro wakuendelela kulonga iga, umupepu umufinjile ahizula kubhondi bhebhatejele vyaga indajizyo zyakwe. ⁴⁵ Abhandu bhala bhehakubha nibha bhebhitishile bhatilwe wondi bhala bhebhinzile nu Petro bhahasyu bhahaswijizya, kunongwa yashikanji lwa sha Mupepu umufinjile we bhitile kubhapanzi. ⁴⁶ Pebhivuye ibha abhapanzi bhakulonga kundongo izinji na kumupuuta Umulungu. Upetro ahagalusya, ⁴⁷ "Kuli nu mundu wowondi wagadinda aminzi kunti abhandu bhatozelwe, abhandu ibha bhaposheleeye Umupepu umufinjile anzitwe?" ⁴⁸ Pe ahabhaula bhozelwe mwitawa lya Yesu Klisiti. Panaapo bhahamulabha ayihale nabho kunsiku zishe.