¹ Ilelo u Sauli, ahandelela kuloonga kwogofwa kufwa kubha landanti bha Mweene, abhalile kumupunti umusoongo ² kumulaabha akalata kunoongwa ya vibhanza ivya Dameski, inga kunti apaata umundu we ali mwidala lila, umusahala awe umwandanda, abhapinye nakubhaleeta ku Yerusalemu. ³ Weali pakushula, ihafumila wapalamila kufiha ku Damesiki, panapo bhulo uluhozyo luhamuhozya kwondi kufuma kumwaanya,' ⁴ wope ahagwa pasi ahivya izwi likubhilishila, "Sauli, Sauli, hooni hungunjivwa iinee?" ⁵ U Sauli ahagalusya, We nanu iwe Mweene? Umweene ahalonga, "Ine nene Yesu nukuviisya; ⁶ Ilelo yimilila uyinji mumujiini, niwe bhantikubhuzye zyezikwanzilwa kubhoomba. ⁷ Abhandu bhala bhebhaha shuulaga nu Sauli ahapuma mye, bhakutejeelevwa izi, bhatakulola umundu. ⁸ Sauli ahamilila munsi mula wadamula amiso gaakwe, atahalo umundu numo, bhamulema inyombe bhaha muleta paka Kudamesiki. ⁹ Kunsiku ziitatu atakulola, atakulya, awe kumweela. ¹⁰ Alelo pali numulandati Dameski itawa lyakwe ali wuananiya, umwene alonjile nawo munjozi, "Anania." Ahaloonga, "Yenyaaga, angini pa Mweene. ¹¹ "Umwene ahamuzya, "Yimila ubhale izyaho muhanti muhaya yebhakunti nyofu, na munyumba ya Yuda uhabhuzilizye umundu kufuma Tarso webhakunti u Sauli; iwene wakwendeleela kupuuta; ¹² Na hamulola munjozo umundu witawa lyakwe ali wu Anania akwinjila nakumubhishila inyobhe pamwanya kwe anga wezye kutala kulola. ¹³ Ilelo u Anania ahagalusya, "Mweene, nifwa ahapaango ha mundu una kubhandu abhinji, kuwinjiwoni shabhambeye amabhibhi abhafile abhaku Yerusalemu; ¹⁴ Ipa anuwamulo kufuma kwa mupuuti umusoongo kumulema umundu wowondi wa kulibhishila itawa lyaho. ¹⁵ Ilelo Umwene ahamubhuzya, "Bhalaga, uwene shililo isabhulwa kukwaani, ayejile itawa lyani pilongolela pabhapanzi nabhasoongo namubhana aku Israeli. ¹⁶ Kwe kunti indabhalaanje sheminji gegahayi mwaaga kuyimba kunongwa yitawa lyani". ¹⁷ U Anania ahabhala, ahinjila munyumba mula ahamubhishila inyo ahaloonga, Wamwintu Sauli, Umweene Yesu, wakufumiye mwida we ukwinza, asontelezizye atale kulola awinza na uyilwe umupepu umufinjile. ¹⁸ Panapo bhulo vihagwa pamiso yakwe ivundu vihabha unganti viduguli, ahata kulola, ahimilila, ahozelwa; ahalya ishakulya nakupata amaha. ¹⁹ Ahihala na bhalandanti ku Dameski ka ukwo insiu inyinji. ²⁰ Ahabhalilo hanaho aha mulalasya u Yesu muvibhanza, ahantinji awene mwana wa Mulungu. ²¹ Bhoni bhebhivuye bhahaswiga nakulonga, "Temundu nu wabhenanganyinye bhondi bhebhabhishiye itaawa ili Kuyerusalemu ukwo? Poopi pa ayinzile ahantinji abhakwunje nakubhatwaala kubha mweene." ²² Ilelo u Sauli apewilwe amaha aga kulumbililila na kubhomba abhayahudi bhebhihaye Kudamesiki bhaholwe na kusimishizya kunti unu wewu Klisiti. ²³ Wezyashila insiku inyinji, Abhayahudi bhahabhomba ulwivwano peeka anga bhamugoje. ²⁴ Ilelo ikwino zyabho zihamanyiha nu Sauli. bhaha muziga pashilyango shamusanya nasha usiku anga bhamugoje. ²⁵ Ilelo abhalandanti bhakwe bhaha mwego shausiku bhahamwisya kushilila mulubhumba, ahamwisya pansi mushiliilo. ²⁶ Nu Sauli wafiha Muyerusalemu, ahalinji zyaga kubhungana na bhalandanti ileelo bhaha mwogopaga bhantintishe kunti weene mulandanti. ²⁷ Aleele u Barnaba ahamuega na kumutwala kubhasundikwa, ahabhabhuzyaaga shu Sauli amulolile Umwene mwidala nu mwene shalonjile nawo, nashu Sauli alumbiliye kumaha kwitawa lya Yesu ukwo Kudamesiki. ²⁸ Ahahomana nabho webhinjila na kufuma Kuyerusalemu. Ahalonga kumaha kwitawa lya Mweene u Yesu Klisiti. ²⁹ Ahabhuzilizanya na Bhayahudi abha Kiyunani ilelo bhahalinjizya hana kumugoga. ³⁰ Wa bhaholo bhanya inongwa izyo bhaha mweega mupaka Kaisaria, bhamutwale abhale Tarso. ³¹ Ilelo ishibhanza shondi kuwu Yahudi, Kugalilaya na musamaria, lyali nuwihalo, peliha zengwa, na kujenda kulyoga Mwene na kuyazye iya mupepu umufinjile, ishibhanza shikula na kwonjela uwinji. ³² Ipo ahafumila u Petro we akuzyungula zyungula imbali zyondi mukowa, ahabhishila bhebhi tishile bhebhali muhaya iya yebhahantinji Lida. ³³ Aha mulola ukwo umundu umo itawa lyakwe Ainea, umundu nu ali pashitala amaha naane; awene ahataye kumbali. ³⁴ U Petro ahamubhuzya, "Ainea, u Yesu Klisiti akuponye; Damuha uyale ishilala shaho," Ipo ahadaamuha. ³⁵ Na bhandu bhondi bhebhihaye ku Lida na mu shaloni webhamulola umundu yoo, bhahamugalushila Umweene. ³⁶ Alipo umumanyili ku Yafa ali wu Tabitha, lye bhagula lanyinye kubha "Dorcas" umwandaanda unu ayizuuye imbombo inyinza nahabhomba aminza niga wupole gabhombile kubhapiina. ³⁷ Ihafuma munsiku izyo ahabhina ahafwa; webhamwozya, bhahamuzuvwa kulupitu ulwa kumwaanya nakumugonya.. ³⁸ Kunongwa yu Lida alipaapipi ni Yafa, abhalandanti bhahivwa kunti u Petro aliukwa bhahabhasontelezya abhandu bhabhili kukwaakwe, bhakumulamba, "Nzaga kukwitu sita kulenjela". ³⁹ U Petro ahadamuha ahasogola peeka nabho, weafiha, bhahamuleta, kulupitu ulwa kumwanya, nabhafwile bhondi bhimiliye paapipi nawo bhakulila, bhakumulanga ikooti namenda gu Dorcasi abhasoneye walipeeka nabho. ⁴⁰ U Petro ahabhafumwa bhondi panzi palupitu, ahasugamila aholabha pe ahawugalubanila umubhili, ahalonga, "Tabitha, damuha". Ahagabula amiso gaakwe we amulola u Petro ahihala paansi. ⁴¹ Pu Petro ahamupa inyobhe yakwe ahamubhusya, wabhabhilishila bhebhitishile na bhafwiile, ahabhatwala kukwabho she mwumi. ⁴² Jambili lihamanyiha i Yafa yoondi na bhandu abhinji bhaha mubhuzya Umweene. ⁴³ Ihabha uPetro ayihala insiku inyinji ku yafa peeka numundu webha kunti Simoni, mugomba maakwembe.