¹ Ishi shezili umtu akutubhazya itwe, inza abhasontelezwa bha Kilisito na bhebhaku mwavwa kukwilu izyanalyoli kwa Mulungu. ² Ulili hehakwanzilwa kwawakubheha kuti iwene wakwitishilwa. ³ Ilelo kukwani ine hatu hansi ihani kuti inkulongwa nimwe ewe inongwa ya ibhinsi kuti indaku yilonga pope ine nunene. ⁴ Intakuyilonga ine nunene ili litali nizya kuti ine na wanalyoli. Umwene wakundonga, ⁵ Kulilyo mtalongaje kulongwa hisi nukugubula nishi, nawabhashili kwinza kwa mwene ⁶ Ishi abha yilumbu na bhamwitu abhitu ene nunene nu Apolo nabhimbele izyo mnemwe imwe ili kuti kufuma kukwinyu mkuwezya kumanyila kwekuti indonjelo, utabhaje utabhalaje ihani inzasheyisibhiwe, ilikuti katalipo numo imwe wakuyilola pamwanya pawunji. ⁷ Kwekuti wunanu wakulola izinji kukwinyu imwe na bhanji? ehoni huliinaho utambosheye pawulo? Inga umalile kupoahela iwolo; kulinahoni mkuyilola gati mtahombile izyo? ⁸ Ishi mlinavyo vyonti vyemganza vignza mwabha mwabhadubwe mkwanza kuitabhala na kuti kubhanavyo ihani iyitu itwe yoli, ikubhanzila kubhanavyo ihani iyitu itwe yili, ikubhanzila kubhanavyo ivnji ingakuti tebhenavyo peka nemwe. ⁹ Kulili inkusiha umlungu alubhishile itwe twabhasontelezwa ingati kutulanga uwakumpelela kumsitali uwibhinongwa inza bhantu bhebhakulongwa kubhagoga. tuli inza indagila kubhantu woti, kubhahabhizya na kubhantu." ¹⁰ Itwe twabhalema tunetwe kwa Kristo, ilelo imwe mwabha tonsu kwa Kristo. Twa bhayeyebhazu, ilelo imwe mliniha. ¹¹ Bhakubhatinila, ilelo itwe mkuhatampa. Pope ishi tuli ninzala i shumilwa tutali namenda, tutli kuhomwa iwinza tutali nilaya. ¹² Tukubhomba imbombo kudaga, kunyobhe izyulu tunetwe. Webhakukuzalabhula, pakula bhilwa. Wee tukulongwa tukujimba. ¹³ Webhakutuliga, tukudujila kuwutonsu. Tuli, natushilitukubhazwilwa kubha inza bhebhakusitwa ninse na maswaswa kugigo gonti. ¹⁴ Indakusimba ganago haa haa kubhasupifya imwe, ilelo kubhadujila imwe ngati mwabhana bhani mwibaganile. ¹⁵ Pope inga mli mwabhalimu amashumi elufu kwa Kristo, atalipo utata unji, kwekuti indinzi utata iwinyu kwa Yesu Kristo kushilililasho inkubha bhuzya mfyate ine. ¹⁶ Isho shezili kwekuti namsondelezizye kukwinyu mu Timotheo, umwiza wane nu mwana wimganile kwa mwene. Atabhakumbushizye amada gene kwa Kristo, ngati shinkumanyizya popoti pala na ponti pala pashibhanza.