¹ U Paulo, abhilishililwe nu Kristo Yesu kubha bhebhasondeleziwe kulugano lwa Mulungu, na Sosthene uholo witu, ² Mshibhanza ishi Mulungu lyelili kubhakali Korintho, kubhala bhebhali bhebhabheshile inyobhe kwa Yesu Kristi, bhe bhabhishililye kubha bhantu bhantonsu. Tukubhasimbila kuti, ilelo wonti bhebha kulibhishilila itawa lya umwene wabho nu witu. ³ Uwinza nu kupuma zibhe kukwinyu kufuma kwa Mulungu utata numwene iwitu Yesu Kristo. ⁴ Insiku zyonti inkumsalifya Umulungu wane kumunemwe imwe, kwekuti uwinza Mulungu wewili Kilisiti Yesu abhapiye. ⁵ Abhabhishile kubha bhadumbwe kuti kila lidala, lye lyilo ngwa peka mkubha inalyo. ⁶ Awabhishile madumbwe, inga kupanjila izya Kristo kuti wewana lyoli kuti nalyoli mubhala mumwitu. ⁷ Kwekuti alakupungushilwa ishikunjilwa isha mpepu, inza shemli nu kuyigana kugulila kwigulilwa nu mwene iwitu u Yesu Kristo. ⁸ Atibhagome imeve paka pa mpelela, inga muta hamunane isiku lya mwene imitu uYesu Kristo. ⁹ Umulungu ahondeye wabha abhabhilishiye imwe kupeka uwa mwana wakwe, u Yesu Kristo umwene iwitu. ¹⁰ Ishi inkubhazya uwamwitu nu yilumbo ibhakwe, kushilila itawa lya mwene witu u Yesu Kristo, kute bhonti mtahabhe na kusatana mumwinyu imwe. Inkubhabhuzya kuti mubhungane peka kuti mubhe lyeka nakuti lyemlinalyo lyeka. ¹¹ Kuti abhatu ibhinyumba iya Kloe bhambuzi zyizye kuti kuli kulina kulehana kwekukwendelela mwemli mwemli. ¹² Indi nizya kubhabhuzya izi: Kila weka iwinyu akulonga, '"Ine nu wa Paulo, "ewe "Ine nawa Apolo, "Ewe ine Kefa" Ewe ine nu wa Kristo." ¹³ Ishi! Kristo alehanile? Ishi! U Paulo atesilwe kumnemwe? Ishi mwozeli lwe kwa nu Paulo? ¹⁴ Inkumsalifya Umlungu kuti intamwozizye wowonti, yoli Kristo nu Gayo. ¹⁵ Ini yamile kuti numbo wowonti wekani alonjile ayozelilwe kwitawa lyani. ¹⁶ (Iwinza nabhozizye ibhunyumba iya Stefania. Kufuma panapo, intamanyile kunte nabhozizye umtu uwunji wowonti). ¹⁷ Pe shezyali, Kristo atansontelezizye kwozya yoli kutangazya amazwi. Atansontelezizye kulonga inga pilomu ilya kulyisya uwuntu inga kuti iha lya shihobhehalyo lya Kristo itahateje. ¹⁸ Kwekuti inongwa ishihobhehanyo kusulubhulanya kubhala bhebhakufya. Ilelo kubhala bhebhali nu Mulungu akubhatula, liha lya Mulungu. ¹⁹ Kwekuti bhasimbile, "Intinzi injinanganye kupuma iya bhala bhebhala bhebhayi pumiye. Inhayi wunanga uwusongo ubhebha ninjele." ²⁰ Alikwino umtu wali apumile? Alikwino wa linusome? Alikwino umlongaji wakusonganya insi ine? ²¹ Ishi, u Mulungukupuma ikwakwe ita mmanyile u Mulungu, ahampigana wulungu kuwulema iwawo uwa kulumbilila inga kubhatula bhebhitishile. ²² Kubha Yahudi kuwuzilizya amibhi hayo iga yeyili kubha yuna ni kwanza kupuma. ²³ Ilelo tukumtaga Kristo watesilye, wa ayilamizizye kubha Yahudi wewu lema kubha Yunani. ²⁴ Ilelo kubhala bhebha habhishilwa nu Mulungu, abha Yahudi na bha Yunani, tukumtagazya Kristo kunti liha na kupuma kwa Mulungu. ²⁵ Kwekuti ulema wa Mulungu uli kupuma kwashi iginsi, nukhinu uwa Mulungu uniha ihani kushila insi. ²⁶ Yenya ulyitishilo lwa Mulungu pa mwanya papinyu, uwamwitu nu yilombu bhani tebhinji kukwinyu mwamile na kupuma kulishezyali mnsi te mwa bhinji kukwinyu mwamile na maha. Te mwabhinji kukwinyu mwamile mwa kupuma shezyamile izya mnsi. Te mwabhinji imwe mwapapililwe kuwusongo. ²⁷ Ilelo Umulungu asebhile ivitu ivilema ivwa mnsi inga kuvisupizya kupuma. Umulungu asebhile hehani habhimi mnsi kuhasupizya hehani niha. ²⁸ U Mulungu asebhile hala hehakulalesya kuti hali pasi na hebha hahatambile mnsi. Asebhile vimo vwe vita bhazililwe kuti hatu, te kuviwomba vitalipo vimo vwevili. ²⁹ Abhombile atili inga atahabhe wowonti wali ni zya ku bhomba kuyizuvwa pilongolela papakwe. ³⁰ Kwekuti lyu Mulungu alibhombile, ishi mli mhati mwa Kristo u Yesu, wali abhombelilye kupuma mnemwe imwe kufuma kwa Mulungu. Amile na lyoli kukwitu uwinza nu kubhatula. ³¹ Inza zyezikufumila, inza usimbe shelikulonga, "Wakuyilola, ayiloje kwa mwene."