¹ Nine, wamwitu nabhayilombu bhani, intalanjile nimwe kuti abhatu kumpepu, ilelo inga na bhanyu kumbhili. Inga na bhana abhansi kwakilisito. ² Nabhamwensizye amazibha nate nyama, kwekuti mtamile mwabhakwitiha haa nkulyi inyama. Nanishi mtitishile haa. ³ Kwekuti imwe mshili mwabha mubhili kwekuti ulukelo kuyilola gakulolela mmwinyu imwe. Ishi, mtakwihala kubhalilana numbhili, na ishi, mtakujenda inza wila iya bhantu? ⁴ Kwekuti weka akulonga, "Inkumlandata u Paulo" Uwunji akulonga "Inkumtandatila u Apolo," Mtakudila inza bhantu? U ⁵ Apolo wunanu? Nu u Paulo wunanu? bhobhasontelezya wahola we mwamwitishile, kwekuti ula umwene ampiye ilya kubhomba. ⁶ Ine nazubhile, u Apolo ahaponya aminzi, ilelo Umulungu ahakuzya. ⁷ Shezili, te wali awalile te huyo aponyizye aminzi ali na hohonto. Ilelo hu Mlungu. ⁸ Ishi wakuwala na wakupanya aminzi bhiti bhinza, abhene weka ahaposhela imbobo kukwakwe kufuma na kubhomba imbombo iyakwe. ⁹ Kwekuti itwe tuli twabha bhomba imbombo zya Mulungu, imwe mwe mbeyu iya Mulungu. ¹⁰ Kufumilana nu winza wa Mulungu bhampiye inza wakuzenga umsongo, nabhishi ulwadilo, nu uwunji akuzenga kumwanya iyakwe. Ilelo umtu abhe amiso sha akuzanga kumwanya ya kwe. ¹¹ Patalipo ingaweka ubhunji wakuwezya kuzenga ulwalilo ubhunji uwamwa bho we webhu zengilwe, webhuli nu Yesu Kristo. ¹² Ishi, inga weka iwinyu azenga kumwanya yakwe kwekuti, ihela, amawe amiza, amakwi, isole, awe amatundu, ¹³ Imbombo yakwe ihayigubuliwa, apa zelu ipashamsanya ahaisimishizya. Kwekuti itihasimi shizye nu mwoto. umwoto tewuhalinje uwinza uli mbombo wekila weka habhombile. ¹⁴ Inga hohondi umtu azenjile hahayisyala, iwene ahaipashela habhampa. ¹⁵ Ilelo nga imbombo yeyamtu yapwa kunuvoto, tahapunguhilwe nahamu. Ilelo iwene wuyo ahaipona, inga ishila kulega kumwoto. ¹⁶ Mtamanyile kuti imwe libhanza lya Mulungu akuti mpepu uwa Mulungu akwihala mhati iyinyu? ¹⁷ Inga umtu akulinanganya ishibhanza sha Mulungu, u mulungu alamnanganye umtu uyo kwekuti ishibhanzasha Mulungu shinza. ¹⁸ Umtu ataihopelaje wuyo, kuti wowonti mlinemwe mmwinyu akusibha kuti apumile kuti inzishi izi iwe "wamlema"ipo atabhe na kupuma. ¹⁹ Kwekuti kupuma mnsi unu ulema pilongolela pa Mulungu, kwekuti isimbilye, "Bhakulimbila bhala bha pumile kumbibhi zyabho" ²⁰ Na iwinza "Umwene amanyile insibho izya nheli nuwinza nuwubhibhi." ²¹ Isho umtu atahaipale mnsi! Kwekuti ivyo vwoti viwinyu. ²² Kuti u Paulo, awe ua Polo, ewe Kefa, ewe mnsi, ewe kudila, ewe kifo, ewe ivitu zyezilipo, ewe vwevigabha ipenepo. Vwope vwinyu, ²³ Namwe mwa bha kilisto nu kilisto uwa Mulungu.