¹ Wope uhabhizya wa bhusano ahalizya ishaji shakwe. Inkenya nzota kufumila kumwanya yeyali yaguye mu nsi. Inzota yamile yashigulilo she shilibhashe shikuholana ni shilibhs lye nu bhumalilo. ² Ahigula ishilibha sheshitali numwisho, ni lyosi lihazubha kumwanya mushilibha kufumila mukasi ya shilibha inzavwe lyosi kufumila mushilibhili ishipiti. Izubha mubhuzelu vihagalunkana vihabha shisi panongwa yi lyosi lye lifumiliye mushilibha. ³ Mukasi yilyosi abhamakata bhahafumila kwinza pamwanya pansi, bhope bhamile na maha inza vwe ula umankata pansi. ⁴ Bhahamubhuzya atngamunanganya amatunda munsi pamo ishimelwa shoshonti isole pamo ikwi, loli abhantu bhebha tamile ni shiholanyo sha Mulungu pasheni shabho. ⁵ Bhatahabhapa ululajizyo ulwa kugoga abho abhantu, loli kubhayinvwa bhwele kumezi gasano. Ubhubhavu bhwabho bhwaile inzavwe wula weakubhina numankata amulumile umuntu. ⁶ Mukasi munsiku izyo abhantu bhalilondola infwa, loli ubhufwe bhulibhashimbilaga. ⁷ Abhamankata bhalinine mufarasi bhebhesenginwe kuhulugu. Mu matwe gabho mwamile ni shintu vwe shipambwa sha zahabu ni vwene vwabho vwamile inza vwe zya mwanamumntu. ⁸ Bhamili ni nsisi inza vwe bhantanda na mazwi gabho gamile inzavwe nsama. ⁹ Bhamile ni vifubha vwa shijela ni zwi lya mabhala gabho lyamile vwe lizwi lya magari aminji abhwite na mumafarasi bhebhakushimbila kubhala ku bhulugu. ¹⁰ Bhamile sinda inzavwe akulumaga inkonya; mukasi mu sinda zyabho bhamile na maha ga kunanganwa abhantu ku mezi gasano. ¹¹ Bhamile nawope vwe umwene papabho uhabhizya wa shilibha lye nu bhumalilizyo. Izina lyakwe mushi heberi shali Abadoni, na mushi Yunani amali ni zina Apolioni. ¹² Muhosi izya bhwandilo zya shila. Yenya! Lwe zya shila izi kuli infwa zibhili zikulandata. ¹³ Abhahabhizya wwa sita ahalizya ishaji shakwe, ikwivwa izwii lihafumila mukasi mumbazu zya muvifinjile vwa zahabu ye yamile pilongolela ya Mulungu. ¹⁴ Izwi lihamubhuzya wa bhusano na bhubhili we amamile ni shaji, "Bhaleshele abhahabhizya bhane bhe bhapinyilwe mukasi mwijenje ipiti Efrata." ¹⁵ Abhahabhizya bhala bhane bhe bhasenganyiziwe mu habhalilizyo iho, isiku ilyo, umwezi uyo, nu mwaha uyo, bhahaleshelwa bhabhagoge ivijela vwa bhabamuntu . ¹⁶ Ubhwinji bhwasirikali bhwe bhwebhwamile pamwanya 200,000,000. Inkivwa ubhwinji bhwabho. ¹⁷ Ivwo vwe inkenya mufarasi mukasi mukwenya kwane na bhala bhe bhazubhile pamwanya yabho:Ivi fubha vwabho vwamile vishemamu inzavwe mwoto,bulu yeyipiye ni njelu yeyitapiye. Amatwe ga farasi vwalingine na matwe ga nsama, na amalomo gabho gafumile mwoto, ilyosi ni yipiti. ¹⁸ Ubhwinji bhwa bhanamuntu bhahagogwa na zi inkomo zitatu: umwoto, ilyosi, ni piliti yeyili mukasi mwilomo lyabho. ¹⁹ Pakuti amaha ga farasi yamille mukasi mumalomo gabho na mukasi musinda zyaho--pakuti insinda zyabho zyamile inzavwe njoha, pe bhamile na matwe ge bhahabhombaga kubhitila ubhubhazu abhana muntu. ²⁰ Abhantu bhebhahasyala, bhala bhe bhamile bhebhatagojilwe nni nkomo ino, bhatapindusile imbombo zyabho zye bhamile bhahabhombaga, pamo bhatahaleha ukutima impepo na bha Mulungu bha zahabu, bhahela, vipondo, mabhwe na makwi---ivintu vwe vitahondeye kwenya pamo kujenda. ²¹ Pamo vitangabhahobhoshela ubhugozi bhwabho, ubhulozi bhwabho, ubhwamalaya bhwabho pamo amadala gabho aga bhwibha.