inzavwe lizubha ni vinama vwakweingape nza vwelupanda lwa mwoto.
2 Amalemeleye ukarata umunsi mukasi munyobhe yakwe lye yamile lyigulililwe, wope amabhisile ivinama vwakwe we akulila pamwanya ya minzi ni shinama shakwe isha kushomi pamwanya insi igomo. 3 Pe ahahola izwi ilya pamwanya inza vwensama yikubhunguluma, pe mukasi mukuhola izwi lya hamesya hasano na habhili zihabhungulluma. 4 Pe ahamesya habhusano na bhubili lwe zya bhuluma, namile kuyisejelela ukusimba, loli inkivwa izwi kufumila kumwanya likuti, "Uzilemesanyaje yibhanje likwilu kuzila zye utumesya tusano na tubhili twayanga. Utahasimbe." 5 Pe uhabhizya we namwenya ayimiliye pamwanya yijenje ni nsi ingomo ahabhusya inyobhe zyakwe mumwanya 6 nu kupala kwa wula we akutendama shima na shima ---weamapezile imwanya na vwonti vwe vilimo, munsi na vwonti vilimo, muminzi na vwonti vilimo: "Pe kutalibha ukuhabha nalumo. 7 Loli mukasi mwisiku lila ahabhalilizyo ha habhizya wa bhusano na bhubhili kuhoma ishaji shakwe, pe ukwima kwa Mulungu kwamile kwa lunjiha, inzavwe zyayanjilwe kubhabhomvi bhakwe abhakubhwi." 8 Izwi lye nkivwa kufumila kumwanaya yihambuzya ulwabhubhili habhili: "Bhalaga, yega ukarata umunsi lyelilizumuliwe lye lil mukasi munyobhe zya habhizya we ayimiliye pamwanya ya minzi na pansi ingomo." 9 Pe nkasogola kwa habhizya nukumubhuzya ape ukarata umunsi. Ahambuzya, "Nyatula ukaraya nu ulye. Pekuti likugombe ikasi yaho yibhe nu bhubhavu, loli mukasi mu mwaho kuti libhe lyinza inzavwe bhwushi." 10 Nkanyetula ukarata umunsi kufumila munyobhe mwa habhizya nu kukuta lyamile lyinza inzavwe bhwushi mukasi mwilomo lyane, loli lwe nalya mukasi yane mwamile nu bhubhavu. 11 Pe gamo amazwi zihambuzya, "Uhondeye kukubhwa ulwa bhubhili izya bhantu abhinji, ninsi, injango, nu bhumwene."