¹ Pe napewa ibanda ilya hubhombela inzavwe lulisa lwa kulinjila. Nkabhabhuzya,"Yepanu uhapimile ishibhanza sha Mulungu ni vifinjile nabhala bhe bhakubhala mukasi yakwe. ² Loli utahalinje ubhuzilo bhwa kuzi ya shibhanza, pakuti bhapeyilwe abhantu bha Munsi. Bhali uhanyanjila inkaya imfinjile ku habhalilizyo ha mwezi amashumi na gabhili. ³ Nibhapa bhakusimishe bhane bhabhili uhabhizya wa kukubhwa uwa habhalilizyo ha sinku 1,260, bhalibhanga bhazyaye amafuku." ⁴ Abha abhsimishizyi ge makwi gabhili na mabhula nyale vwe vwimiliye plongolela lya mwene wa nsi. ⁵ Inza umuntu wowonti alimugoga kubha vulazya, umwoto wulifumilaga mwilomo mwabho nu ukubhavwalaza abhalugu bhabho. Wowonti weakwanza kubhavalazya wenga akwanza kubhagoga kwidala ili. ⁶ Abha abhasimishizyo bhali na maha ga kwila imwanya ingape imvula yitahatonye pe bhakukubhwa. Bhali namaha ga kugalunkanya aminzi ukubha libhanda nunkuyihoma insi kwu nkomo yoyonti yila na habhalilizyo hohonti he bhakwanza. ⁷ Ahabhalilizyo lwe bhamile bhamazile ukusimishizya kwabho, shila ishinyamana she shikufumila mshilibha sheshitali nu bhumulilizyo aliyanda kulwa na bhope. Alibhapota nu kubhagoga. ⁸ Amabhili gabho gali kata mkasi munsi ya munsi impiti ( ye mkuholanya yikwitizwa Sodoma ni Misri) pe Umwene wabho ahahomelwa. ⁹ Munsiku zitatu ni nusu bhamo kufumila mu bhajenzi bha bhantu, inkolo, injango ni nsii zyonti bhaliyenya imbibhi yabho pe bhatali yefwa kubhitishizya kubhiha mukasi mwi pumpa. ¹⁰ Bhala bhe bhakutendama mkasi munsi bhaliseshela panongwa yabho nu kudobha , nu kupelana ivwa bhupe panongwa abho abhakubhwi bhabhili bhahabhayinvwa bhala bhala bhe bhahatendamaga munsi. ¹¹ Loli lwe zyashila insiku zitatu ni nusu ukutuya kwa bhulanzi kufumila kwa Mulungu yilibhinjila bhope bhali yimilila ku vinama vwabho. Ilyoga ipiti lilibhagwila bhala bhe bhakubhwenya. ¹² Pe bhaliyivwa izwi ipiti kufumila kumwanya likubhabhuzya, ''Nzaji uku'' Bhope bhalisogola pamwanya mkasi mwibhingu, pe abhalugu bhabho she bhakwenya. ¹³ Mkasi muhabhalilizyo iho kulibha ni shiyingayinga ishipiti ni ntope na woka yi shumi ya nsii viligwa. Abhantu 7,000 bhalifwa mkasi mshiyingayinga pe bhebhalisyala nubhulanzi bhaliyogopa nu kumupa ubhumwamu Umlungu wa kumwanya. Muhosi iya bhubhili yashila. ¹⁴ Yenya! Muhosi iya bhutatu yikwinza shinishi. ¹⁵ Pe uhabhizya uwa bhusaba ahalizya ishaji shakwe, ni zwi ipiti lihayanga ni mwanyabzi hati, ''Ubhumwene bhwa nsii bhwabha bhumwene bhwa Mwene witu na bha Kirisiti bhakwe. Alibhalongazya shima na shima.'' ¹⁶ Pe abhasongo amashumi gabhili na gane bhamile bhatendime pa vitengo ivwa bhu mwene pantanzi ya Mulungu bhahagwa bhabho pansi pa ntope, ivweni vwabho vwinime pansi, bhope bhahamlabhaga Umulungu. ¹⁷ Bhahayanga, ''Tukufumwa kusalifwa kwitu kukwaho, Mwene Mulungu, mlongozi wa pamwanya wa zyonti, we ulipo na we ulibha, pa nongwa ufumizye amaha gaho amapiti nu kwanda kulongozya. ¹⁸ Inkolo zyahalaye, loli ubhuhalazu bhwaho bhwinzile. Ahabhalilo hafiha aha bhafwe ukulongwa niwe kubhapa abhabhomvi bhaho abhakubhwi, abhasubhilwa na bhala bhe bhali ni lyoga ilyi zina lyaho, bhonti bhabhili bhebhatakwanzibhwa nashimo na bhebhali na maha. Nahabhalilo haho hafisile ukwa kuhbananganya bhala bhe bhakuyinanga insii.'' ¹⁹ Pe ishibhanza sha Mulungu ku mwanya lihigulilwa ni nsanduku ilya lwitinkanolwakwe lihaloleha mkasi ya shibhanza. Kwamile ni mesyo ya bhuzeru, ishongo nukubhuna ukwa mesya, nukuyingana kwa nsii na mabhwe aga mvula.