Lutulo 12

1 Ishimanyilo ishipiti shihaloleha kumwanya; umwantanda wamagubishilwe ni zubha, na pamile nu mwezi pansi ya vinama vwakwe; nishipambwa isha nzota ishumi na zibhili shamile pamwanya yi twe lyakwe. 2 Amali ni shifubha pamali ahalilaga panongwa ya bhubhavu bhwa kupapa. 3 Nishimanyilo ishinji shihaloleha kumwanya; Yenya! yalipo injoha inchemamu impiti yeyali namatwe gasano na gabhili ni mpembe ishumi, pe kwamile nu mupambwi gasano na gabhili mwitwe lyakwe.

4 Ulusinda lwakwe kwelwafumiye luhakwesaga yoka inzota kumwanya nu kuzisumbila pansi ya pansii.

Injoha yihimilila pilongolela lya mwantandawe we asejeleye kupapa, inga pe kuti ahabhalilizyo ha kupapa, ahonzye kumumilula umwana wakwe.

5 Ahampapa umwana, umwanavuli, we aliyilongozya insii yonti ku ndisa ya shijela. Umwana wakwe ahasompolelwa kumwanya kwa Mulungu nu kutendama pi tengo lyakwe ilya bhu mwene, 6 nu mwantanda ahashimbilila mulugwa, ubhuzilo bhwe Umulungu amali asenginye ubhuzilo panongwa yakwe, inga peahondeye amusunje ku 1,260. 7 Pe kumwanya kwamile ubhulugu kumwanya. u Mikaeli nabhahabhizya abhamwabho bhahalwa na yila injoha ; yope injiha impiti na bhahabhizya bhakwe bhahalwa na bhope. 8 Loli injoha yitamile na maha agakukwilana kupota. inga lumo yitalipo nayimo ubhuzilo kumwanya panongwa yakwe na bhahabhizya bhakwe. 9 Injoha impiti- yila injoha yila iya hali yeyihitizwaga mkwalanzi pamu usetano we akuluma ilenga - insi yonti yihasumbwa pansi na bhahabhizya bhakwe bhahasumbilwa pansi poka na wope. 10 pe nkivwa izwi ipiti kufumila kumwanya; '''Ishi pe ubhuposhi bhwinzile kumaha- nubhumwene bhwa Mulungu witu, na maha ga kirisiti wakwe. Pe nkuti wakubhalonjelela abhajenzi bhitu asumbilwe pansi- we ahabhalonjelela pantanzi iya Mulungu witu umsanya nu bhusiku. 11 Bhaha mpota kwibhanda ilya Mwanangole na kwizwi ilya lusimishizyo lwabho, pe bhatahagana nkani ubhulanzi bhwabho, nukufwa. 12 Ingalumo, dobhaji imwe imwanya ,na bhonti bhebhakutendama mukasi yakwe. Lole muhosi wa nsii ya minzi panongwa umubhili ayisile kukwinyu. Ayizuye nishilaha ishihali, panongwa amanyile ukuti alinahabhalilizyo hansi bhwelele. 13 Ahabhalilo he injoha yamanya ukuti yasumbwa pansi mu nsii, yihamulandata umwantanda we apafile umwana umwanavuli. 14 Loli umwantanda bhahampa ivwapa vibhili ivwa shiyunyi ishipiti, ingapekuti ahondeye kubuluha mpaka kubhala pa bhuzilo bhwebhusengwilwe pa nongwa yakwe kula kulugwa, pa bhuzilo lye amahondeye kusengulwa kuhabhalillo, mhabhalilizyo na nusu ahabhalilo-pabhuzilo peyitangabhwezya kufiha injoha iyo. 15 Injoha yihita aminzi kufuma mwilomo lyakwe inza ijenje ,ingapeabhombe isha kumugalusya. 16 Loli insi yihamwavwa umwantanda. 17 yihigula ilomo lyakwe. injoha yihamuhalalila umwantanda wope ahepa na kubhomba ubhulugu ni mpapilwa yakwe yonti-bhala bhebhakwivwa inkomelezyo zya Mulungu na kulemelela ulusimishizyo ulwa yesu. 18 Pe injoha yihimilila pa mwanya ya lusenga pa shipuma sha minzi.