¹ pe nkenya ishinyamana shihafumila muminzi. Shamile ni mpembe ishumi na matwe gasano na gabhili. Mu mpembe zyakwe mwamile ni vipambwi ishumi, pe mwitwe lyakwe mwamile na mazwi aga musamu kwa Mulungu. ² Ishi ishinyamana she nkashenya shi ngati nzobhwe. Ivinama vwakwe vwamile inza vwe nyimba, ni lomu lyakwe lyamile ngati nsama. Injoha yila yihamupa amaha, pe mukasi mwitengo lyakweilya bhumwene, na maha aminji aga kulongozya. ³ Itwe lya shinyama woka wabho shihaloleha ukubha nibhamba ipiti lye nge lihazya ifwa yakwe. Loli ukuvwalala kwakwe lihapona, ni nsii yonti yihasukumila nukushilandata ishinyamana. ⁴ Bhope bhahaputa injoha, pe amamupiye amaha shila ishinyamana. Bhahashiputa ishinyamana bhope, pe bhahajendelela kuyanga, ''Wunanu walingati shinyamana? pe ''wunanu we angalwa na wope?''' ⁵ Ishinyamana shihapewa ilomo inga ayanje amazwi aga mabado nu musamu. shihitishizwa kubha na maha ku mezi amashumi gane na gabhili. ⁶ Pe ishinyamana shihigula ilomo lyakwe kuyanga amabado kwa Mulungu, shihaligana izina lyakwe, ubhuzilo bhwe amali ahatendamaga na bhala bhe bhahatendamaga kumwanya. ⁷ Ishinyamana shihapelwa kubhomba ubhulugu bhwa kusubhila nu ku bhapota. Bhope, bhahapewa amaha pamwanya pa nkolo, zya bhantu, injango ni nsi. ⁸ Bhonti bhebhahatetandama ga munsi bhaha muputa wuyo, kufumila ukupelwa kwa nsi mukasi ya karata wa bhulanzi she mwana wa ngole, we ahabholwa. ⁹ Penga wowonti ali nikkutwi, pe atejelezya. ¹⁰ Penga woka mumwabho anyetuliliwe ukugomwa, nakugomwa alisogola. Penga woka mumwabho aligoga kwipanga, wope aligogwa. Ulu lwe lwito lwa kupumilizya nu kupumilizya nulwito kubhala bhebhafinjile. ¹¹ Penkenya ishinyamana ishinji shikwinza kufumila mukasi munsi. Shamile nimpembe zibhili inzavwe ngole peahati inzavwe njoha. ¹² Ahalolyesya amaha gonti mukasi mushinamana shila ishamwandilo mukwima kwakwe, nukubhomba mukasi munsi na bhala bhebhahatendamaga bhahamuputaga shila ishihano isha bhwandilo, shila she ibhanda lyakwe lyaponile. ¹³ Abhabhomba amafindango ga maha, pe ahabhomba nu mwoto wishi mukasi munsi kufumila kumwanya pilonolela lya bhantu, ¹⁴ nakuvimanyilo ahapelwa kuzibhomba, ahabhalumila ilenga abho bhebhakutendama munsi, ahati kugomba ishiholanyo kumushinzi wa shihano weamali avalaziliwe kushipanga, loli amashili nu bhulanzi. ¹⁵ Amapelilwe kushipa ubhulanzi mushila ishihoanyo sha shihano ingape ishiholanyo shihondeye kuyanga nukubhabhombela bhala bhonti bhebhahanile kuputa ishihanu bhagogwaje. ¹⁶ Wope ahabhasinishizya bhonti bhula, weatamile wapamwanya na wamaha, udumbwe nu mupina, musatushe nu muzya, mugomo kuposhela ishimanyilo munyobhe ya kundilo pamo pasheni. ¹⁷ Pezyamile zitahondeye kumuntu wonti wula kukazwa pamo kukala loli weamali ni shimanyilo sha shihano, pe ino yamile lubhazyo lwa kulolesya izina lyakwe. ¹⁸ Ino yikwanza injele. Pe nga wonti akuzyaganya , muleshe ahondeye abhombaje ukubhazya imbazyo ya shihsno. We anga mbazyo ya bhwanamuntu. Imbazyo yakwe yeyino 666.