¹ Inkenya penkalola Umwana wa ngole ayimiliye pilongolela lyane pamwanya yi gamba lya Sayuni. Poka nawope bhamile 144,000 abha izina lyakwe nizinz lya Tata wakwe lisimvilwe pavweni vwabho. ² Inkivwa izwi kufumila kumwanya inkivwa inzavwe kubhuna kwa manzi aminji ni zwi ipiti ilya hamesya. Izwi lyenkalivwa inzavwe bhalizya lipango amapango gabho. ³ Bhahimbaga inyimbo ipwa pilongolela lyitengo shabhumwene na pilongolela lya bhabhulanzi bhane na bhasongo. Atalipo nawumo uwa kusambilila ulwimbo ulyo loli kubha 144,000 pebha poshilwe kufumila munsi. ⁴ Abha bhebhala bhatayinyazyizye bhabho bheka kubhatanda, pebhayisunzite bhabho bheka mumbombo yakuhombela. Pebhebhanu bhamulandite Umwan wa Ngole pontinpeasogoye. Abha bhaposhilwe kufumila kwa mwana muntu bhamile nsanga zya bhwandilo zya Mulungu na Mwana wa ngole. ⁵ Nabhumo ubhuluma ilenga bhuhajikwa mukasi mumalomo gabho: bhakunonokwa. ⁶ Inkalola uhabhizya uwunji akubuluha mukasi yi bhingu, weamali na mazwi ga kumwanaya kumazwi aminza nu kubhakumbusya bhebhakutendama munsi kwa munsi, inkolo, injango, na bhantu. ⁷ Ahabhaholela kwizwi ipiti, "Munyilaje Umulungu pe umupanje ubhumwamu. Nashe kuti habhalilizyo ha bhulonzi bhsejeleye. Muputaje kukwe, uwene we amapezile imwanya, ni nsi, nijenje, nu mbwibhi zya minzi." ⁸ Uhabhizya uwamwabho - uhabhizya uwabhubhili - ahalandata ahati, "Uguye ,uguye Babeli mupiti, inzavwe wabhamwensizye insi ivihola, abhamalaya, ishihola sheshinza ubhuhalazu papakwe." ⁹ Uhabhizya uwamwabho - ubhabhizya wa bhutatu - ahabhalandata, ahati kwizwi ipiti, "Wowonti ingawakumuputa isho ishihanu nishiholanyo shakwe, nukuposhela nubhusimbe pasheni shakwe pamo munyobhe, ¹⁰ wope bhwelele alimwela ishihola sha bhuhalazu bhwa Mulungu, ishihola sheshinjilwe nakwitwa nukusitwa kusanganwa mushikombe sha bhuhalazu bhwakwe. Umuntu we inga ayinza amwela aliyimba kumwoto na kumwoto wa shibiliti pilongolela lya bhahabhizya bhakwe abhafinjile na pilonolela zya Mwana wa ngole. ¹¹ Nilyosi lya bhubhavu bhwabho bhulisogola shima na shima, na bhatamile nu lutuzyo umusanya pamo ubhusiku - abho bhebhakukuta ishihano nishiholanyo shakwe, pe umuntu wonti weamaposheleye ishiholanyo shi zina lyakwe. ¹² Uno lwe lwitiho lwakugulilila mubhuninvu, kubhasubhile kubhala bhebhakwivwila inkomwlezyo zya Mulungu nu lwitiho bhwa Kirisitu Uyes." ¹³ Inkivwa izwi kufuma kumwanya lihati, "Simba aga: Bhasangalusu bhebhakufwa mwa Mwen." "Vye," ahati Umupepo, "ingape bhahondeye ukutuzya kumbombo zyabho, kwekuti imbombo zyabho zilibhalandata." ¹⁴ Inkenya pe nkalola kwamile ni bhingu izelu, pe weamatendimi kwibhingu amali woka weamali nishiholanyo shaMwana wa Muntu. Amali nishipambwi sha zahabu mukasi mwitwe lyakwe nishipeni ishihozo mukasi muyobhe zyakwe. ¹⁵ Uhabhizya uwunji abhinza kufumila mushibhanza pe ahaholela kwizwi ipiti kubhula we amantendime lwibhingu: "Yega ahapeni haho peuyande kwuvuna. Pe kuti ahabhalilizyo hamvuno hafisile, kwekuti imvuno yeyili munsi yigomile." ¹⁶ Pe bhula weamali pibhingo ahabhujezya umufwu wakwe pamwanya ya nsi, ni nsi yihavinwa. ¹⁷ Nuhabhizya uwunji ahinza kufumila ku shibhanza na kumwanya; wope amali nishipeni ishihali. ¹⁸ Peamashili uhabhizya uwamwabho ahinza kushifinjile, nu habhizya amali na maha pamwanya ya mwoto. Ahaholela kwizwi ipiti uhabhizya weamali na hapeni ahahali, "Yega ahamufwu ahahali pe agabhunganishe utusamba twa mampesya kufumila kuakwi gansi, pe kuti isanga isalizi zigomole." ¹⁹ Uhabhizya ahatwala ahapeni hakwe munsi nukubhunganiha ivihomwa vwa mapesya ga munsi pe ahasumba mushelenje ipiti ilya shihola sha bhuhalazu bhwa Mulungu. ²⁰ Ishisekeselo sha vihola shihajilwa kunzi na minzi gibhanda lihitiha kufumila umwo mushipimo sha majengo ga farasi, kutambwi 1,600.