¹ Ahabhalilizyo Umwana wa ngole lwe ayigula ishimanyilo sha bhusano ma bhubhili, kwamile mwa kumwanya kuhabhalilizyo ha nusu lasaa. ² Kufuma apo inkenya abhahabhizya bhasano na bhabhili bhe bhimiliye pilongolela zya Mulungu pe bhahapewa ivwaji visano na vibhili. ³ Uhabhizya uwamwabho ahinza, amalemele ibakuli lya zahabu yeyili nishakusushizya, yimiliye pa shiputo. Ahapewa ishakusushizya ishingi pe kwe kuti ayefwe poka ni mputo zya bhasubhila bhonti mukasi mputele ya zahabu pilongolela yi tengo lya shimwene. ⁴ Ilyosi lya shila ishakusushizya, poka ni puto zya bhasubhila, ahazubha pamwanya pilongolela zya Mulungu kufumila munyobhe zya bhahabhizya. ⁵ Uhabhizya ahega ibakuli lya shakusushizya nu kwizuzya umwoto kufumila pa shiputilo. Kufuma apo ahalisumba pansi pamwanya ya nsi, na kuhafumila kumazwi aga hamesya, gubhunguma na hamesya nu kuyingana kwa nsi. ⁶ Bhala abhahabhizya bhasano na bhabhili bhamile ni vwaji visano na vibhili bhayisenginye halizya. ⁷ Uhabhizya wa bhwandilo ahalizya ilonji lyakwe, na kuhafumila mvula iya mabhwe nu mwoto wewasangine nibhanda. Vihasubhilwa pansi mukasi pansi kwekuti igululuzi lyakwe yilungangulila igululuzi yi kwi yihalugululila na masole gonti aga mupalamani zihalungulila. ⁸ Uhabhizya uwa bhubhili ahalizya ilonji lyakwe, pe ishuntu inzavwe ingamba ipiti we lihalungulilaga ku mwoto ahausumbila muminzi. Ishijela ga muminzi shihabha libhanda, ⁹ amagululuzi ga ivipelwa ivwa bhulanzi mukasi mu minzi vihafwa, nishijela sha meli zihahananjiha, ¹⁰ Uhabhalizyo wa bhutatu ahalizya ishaji shakwe, ni nzota impiti yihagwa kufumila ku mwanya, yihahozwa inzavwe yikuhozya , pamwanya ya shijela sha majenje ni mbwibhwi ya minzi. ¹¹ Izina lya nzota pakubhabha, na bhantu abhinji bhahafwa kufumila na minzi gamile gakubhabha. ¹² Uhabhizya wa bhune ahalizya ilinji lyakwe, ni shijela sha pamwanya shihalizwa poka ni shijele sha mwezi ni shijela sha nzota. Inga lumo ishijela sha vwonti vihagalunkana kubha shisi; ishijela sha musanya nu shijela sha bhusiku vitahabha nu bhuzelu. ¹³ Inkenya, pe nkivwa ishiyunyu sheshi habuluhaga mu mwanya, shikuholela kwizwi ipiti, "Manyi, manyi manyi, kubhala bhebakutendama mukasi munsi, panongwa ya kupunta kwa ishaji sheshasyala sheshisejeleye ukulizwa na bhahabhizya bhatatu."