¹ Inkenya ahabhalilozyo umwana wa ngole ahigula lyoka muzila ivimanyilo visano na vibhili, inkivwa woka mubhala abha bhulanzi bhane bhahayanga kwizwi lye likulingana na hamwesya, "Nzaga!" ² Inkenya pamilile ni farasi inzelu! Weamazubhile amali ni bakuli, pebhahamupa ishipambwi. Ahinza inzavwe mupote akupota inga pe apotaje. ³ Ahabhalilizyo mwana wa ngole ahigula ishimanyilo isha bhubhili, inkivwa uwa bhulanzi uwa bhubhili ahati, "Nzaji!" ⁴ Kufuma apo ifarasi uwunji ahinza - umushemamu inzavwe mwoto. Weazubhile amitishizilwe ukwefwa ubhwihalo munsi, kwekuti abhantu bhananjishe. Uno we amazubhile ahapewa ipanga ipiti. ⁵ Pe umwana wa ngole lweayigula shila ishimanyilo sha bhutau, inkivwa uwabhulanzi uwa bhutatu ahati, "Nzanga!" Inkenya ifarasi umwilu, pe weazubhile ali nishipimo munyobhe zyakwe. ⁶ Inkivwa izwi lihati kuwoka mubhala abha bhulanzi lihati, "ishipimo sha ngano ku dinari lyoka poka ni vwibhwo vitatu ivwa bhulezi kudinari lyoka. Loli utasufwaje amafuta ni pele (ishihola)." ⁷ Pe umwana wa ngole lwe ayigula ishimayilo isha bhune, inkivwa izwi ilya bhulanzi uwabhune ahati, "Nzaga!" ⁸ Pe nkenya ifarasi uwa shivutu. Amazubhile amatashilwe izina lyakwe mfwa, na kubhuzimu yamilile yihamulandataga. Bhapeliwe amaha pakasi ya nsi, kugoga ni shipanga, kunzala na kumbina, na kuvihano vwa mwisole mukasi munsi. ⁹ Ahabhalilizyo umwana wa ngole weayigula ishimanyilo sha bhusano, inkenya munsi ya shifinjile amoyo ga bhala bhebhagozilwe panongwa ya lizwi lya Mulungu nu kufumila nukusimishizya bhebhaulemile ku bhwanalyoli. ¹⁰ Bhahalila kwizwi ipiti, "paka lii, mulongonzi wa vyonti, umufinjile nu wanalyoli, wewulillonga bhebhatakutendama pamwanya ya pansi, nu kugalushizya ishibhibhi ibhanda lyitu?" ¹¹ Pe wonti wula ahapewa inkanzu inzelu e bhahabhuzya ukuti bhahondeye kugululila hansi pope ingayakwiana imbazyo inyenesho iya bhabhomvi abhamwabho nabhazenji bhabho abhantanda kubha navuli ingayakwilana bhebhalifwa, inzavwe bhabho bhahafwa. ¹² Pe umwana wa ngole ahingula ishimanyilo shabhsano na shoka, inkenya pepamile ni shiyingayinga ishipiti. Izubha lyamile lizelu inzavwelifuku lyibhanda, nu mwezi wonti wamile inza vwe libhanda. ¹³ Inzota zya kumwanya zihagwa mukasi munsi, inzavwe lipula lipukutizizye insanga zyakwe muhabhalililzyo ha bhuhatazu bhukuyingana ni pepo inkali. ¹⁴ Imwanya yihepeha inzavwe karata yeyizinjlilwe. Wonti igamnba nishizibha vihepelwa pabhuzilo bhwakwe. ¹⁵ Pe abhamwene bhansi na bhantu abhamanyi nabhalongozi, nabhadumbwe, abhamaha, na wonti wula amali muzya wa bhusatushe, wahayizyiha mukasi mumabhwe ga mwigamba. ¹⁶ Bhahabhabhuzya amagamba na mabhwe, "Tugwile! Tuzyishe nisheni shakwe weatendime pitengo lya bhumwene nukwepa nishilaha sha mwana wa ngole. ¹⁷ Pekuti isiku ipiti ilya bhulonzi lyabho lyapalamiye, pe unanu amahondeye kuwi milila?"