¹ Nkenya kunyobhe iya ndilo wa wula weamatendime pitengo ilya shimwene, ukalata amasimvile pilongolela na pisinda, pe lwamile lyasimvilwe ivimanyilo visano na vibhili. ² Nkamwenya uhabhizya uwa maha akupalazya kumazwi amapiti, "Unanu weahondeye kwigula ukarata nu kuzepulanya ivimanyilo vwakwe?" ³ Nawumo umuntu kumwanya pamo munsi pamo pansi ya munsi weahondeye kwigula ukarata pamo nukubhazya. ⁴ Inkalila nkani loli atahalolela nawumo wowonti weahondeye kwilwigula ukarata pamo kubhazya . ⁵ Loli woka wabhasongo ahambuzya, "Utalilije.Yenya! Insama ya luho lya Yuda, munkolo ya Daudi, aposite, pe ahondeye, kwigula ukarata ni vimanyilo vwakwe visano na vibhili." ⁶ Pakasi yitengo lya shimwene na bhebhamile nu bhulanzi bhane na mukasi yabho mwabhasongo, inkenya umwana wa ngole ayimiliye, ahaloleha inza vwe afuye. Amali ni mpembe zisano na zibhili na minso gasano na gabhili - izi zye mpepo zisano na zibhili izya Mulungu zyezyatumulwe munsi yonti. ⁷ Ahasogola ahega ukarata munyobhe ya kundilo kwa wula weamatendime pitengo lya shimwene. ⁸ Lwe ayega ukarata, uwabhabhulanzi bhane na bhasongo amashumi gabhili na bhane bhahinama paka pansi pilongolela lya mwana wa ngole. Wonti wula amali namapango ni mbiga zya zahabhu yeyizuye ivwa kusunchizya zya mputo ya bhasubhile. ⁹ Bhaimba ulwimbo ulupwa: "Uhondeye uposhelaje ukarata pe uyigulaje ishimanyilo shakwe. Pekwekuti yihabholwa, na kwibhanda lyaho uhamukalila Umulungu abhantu bha nkolo, injango, namubhantu ni nsi. ¹⁰ Ahabhagomba ubhumwene nu kubha bhashiputo panongwa bhakumubhombela Umulungu witu, bhope bhalongozi pamwanya ya nsi." ¹¹ Kufuma apo inkenya nukwivwa izwi lya bhahabhizya abhinji bhakuzyungulila pitengo ilya shimwene - ubhwinji bhwabho bhamile 200,000,000 pebhamile nu bhulanzi nu bhasongo. ¹² Bhahayanga kumazwi amapiti, "Ahondeye umwana wa ngole we abholilwe kuposhela amah, ubhwadumbwe, injele, amaha, umushinzi, ubhumwamu, nu bhushindamu." ¹³ Inkivwa shonti sheshapezilwe sheshamile kumwanya na pansi ya pansi yapamwanya ya minzi, shonti ishintu mukasi yakwe shihantinji, "Kukwakwe uwene we atendime pitengo lya shimwene nakumwana wa ngole, kubhanje ubhumwamu, umushinzi, ubhutiti, na maha gakubhalongozya shima nashima." ¹⁴ Bha bhulanzi bhane bhakuti, "Ameni!" na bhasongo bhahinama pansi nu kukupama.