¹ Pe lwegashila iga inkenya,inkalola ukuti umulwango wamile mwigule kumwanya. Lila izwi lya bhwandilo, lihayanga nine inzavwe shaji, lihayanga, "Nzaga ipa, nakukulolesya gegaliyinza lwezyashila izi." ² Lubhilo namile Mwamupepp, inkalola kwamile nitengo lya bhumwamu shibhishilwe kumwanya, nu muntu ashitendamiye. ³ Woka weamashitendamiye ahaloleha inza vwe libhwe lya yasipi nilya sadwoni. Kwamile nubhugombano bhwa mvula yeyazyunguliye itengo lya bhumwamu. Ubhugombano bhwa mvula bhuhaloleha inza vwe simalakiti. ⁴ Kushizyungulila itengo lya bhumwamu kwamile nivitengo vwa bhumwamu ivwinji amashumi gabhili na bhane,(24) pebhatendime muvitengo vwa shimwene bhamile bhasongo amashumi gabhili na bhane(24), bhayizwalizizye ivizwalo ivizelu nimpambwi zya zahabu mumatwe gabho. ⁵ Kufuma mukasi yitengo lya bhumwene muhafumila ukuguluma kwaimvula nukukuta kwa lumesyo, Inkozyo zisano na zibhili pilongolela yi tengo lya shimwene, inkozyo zye pepo zisano na zibhilili izya Mulungu. ⁶ Pe kwilingolela yi itengo lya bhumwene kwamile na minzi ge mazelu, inzavwe mmagalasi. Bhonti kuzyungulila itengo lya shimwene bhamile nu bhulanzi kwamile na bhulanzi bhane, bhizuye aminso pilongolela na pisinda. ⁷ Ishipelwa isha bhwandilo shamile nubhulanzi amali inzavwe nkalamo, ishipelwa sha bhubhili sheshabhulanzi shamile inzavwe ngwada, ishipelwa sha bhutatu shamile nubhulanzi shamile nisheni inzavwe mwanamuntu, wula we alinu bhulanzi wa bhune amali inzavwe shinyunyi shishikwelela( pamo kubuluha). ⁸ Ivipelwa ivwa bhulanzi vine wonti wula amali namapa gasano na lyoka, bhizuye aminso pamwanya na pansi yakwe. Ubhusiku nu musanya bhatakulita ukuyanga, "Mufinnjile,mufinjile, mufinjile Umwene Umulungu, mulongozi wa vwonti, weamalipo na wealipo na wealiyinza." ⁹ Ahabhalilizyo ivipelwa ivwa bhulanzi lwebhafumwa ubhumwamu, numushinzi, nukusalifwa pilonolela zyawe amatendime pitengo ilyo isha bhumwene, uwene akutendama shima na shima, ¹⁰ abhasongo amashumi gabhili na bhane bhakumukupamilila bhabho mwilongolela yakwe ppashitengo sha bhumwene. Bhahasulama pansi kukwakwe weakutendama shima na shima nukusumbila pansi ivipambwi vwabho pilongolela yitengo lya bhumwene bhakuti, ¹¹ "Uhondeye wenewe, Mwene witu nu Mulungu witu, nukuposhela ubhumwamu nu mushinzi na maha. Shekuti uhavigomba ivintu vwonti, nukwanza kwaho, vwalimo pe vihagombwa."