¹ Kwa habhizya wa shibhanza sha Sardi simba: 'mazwi ga wula we alemeleye zila impepo saba na nzota zya Mulungu nzota saba. "Imanyile zye abhomvile. Uli nu lushindiho lwa kubha zye kubha nu bhulanzi, loli we mufwe. ² Bhuha nu kugomba gegasyalishizye, loli gasejelela kufwa, panongwa intazibhonyi imbombo yaho yilunjisile pa minso pa Mulungu wane. ³ Inga lumo, kumbuha, gala ge wagoposhelaeye nu kwivwila. Ga landataje nukupinduha. Loli inga takubhuha, nkwivwa inza vwe mwibha, pe utalimanya bhabhalilizyo honi kwinza papaho. ⁴ Loli muli amazina mansi ga bhantu mukasi mu Sardi bhe bhatanyazizye amenda gabho, bhalijendaga poka nine bhazwaye amenda amazelu, panongwa bhahondeye. ⁵ Uwene weakupata alizwalizwa ivizwlo ivizelu, pe nalumo intaliyefwa izina lya kwe kufumila mwa kalata wa bhulanzi, pe ndiyonjelezya izina lyakwe mwilongolela lya habhizya. ⁶ Penga uli kutwi, yivwilizyaga Umupepo akuvibhuzya ivibhanza." ⁷ Kwa bhahabhizya wa shibhanza sha Philadefia a simba: Amazwi ga weali mufinjiye wanalyoli - wealivwa kwigulila izya Daudi, inga yigulila nawumo uwalwigalilo, ingayigalila nawumo ahondeye kwigula. ⁸ Imanyile she ubhomvile. Yenya, ungubhishiye pilongolela yaho umulyango we ghwililiwe we nawumo ahondeye kwi galila. Imanyile ulinamaha mansi, loli wivwiliye izwi lyane. ⁹ Yenya! Bhonti bhe bha sinagogi lya setano, bhala bhakuyanga abhene bhe Bhayuda pe fwandi te bhabho pe fwandi bhaluma lenga. Ndibhagomba bhinze nukushindiha pilongolela lya vinama vwaho, pebhalimanya ukuti nakuganile . ¹⁰ Pekuti uzilemile inkomelezyo zyane kubhujimvu bhwa nalyoli, ndikuzinjilila bhulo muhabhalilizyo haho ahakulingwa he hakwinza mukasi munsi yonti, kubhalinga bhala bhonti bhebhakutendama munkaya. ¹¹ Kwinza shinishi. Lemelela inkani shila she ulinashope peatahinze umuntu ayeje ishipambwi shaho. ¹² Ndimugomba uwenne weakupota ukubha lupanda mukasi mushibhanza sha Mulungu wane, pe atalifuma nawumo kunzi. Ndisimba kukwakwe izina lya Mulungu wane, izina lyansi lya Mulungu wane( Yerusalemu umupwa, weakwiha pansi kufumula kumwanya kwa Mulungu wane), ni zina lyane ipwa. ¹³ Uwene we alinikutwi, peatejelezyaje zye Umupepo akuyanga kuvibhanza.' ¹⁴ "Kwa bhabhizya wa shibhanza sha Laodikia simba: 'Amazwi gakwe we Ameni, uwakusubhalililwa nu kusimishizya uwanalyili, mulongozi pamwanya wa upeli bhwa Mulungu. ¹⁵ Amanyile sheabhomvile, pe iwe tewemuhatazu pamu mutushizu, pewamile wemuhatazu pamo mutushizu! ¹⁶ Bhwebhulo, panongwa wemutushizu bhwelele, te wemutushizu pmo muhatazu, indikutapiha ufume mwilomu mwane. ¹⁷ Pe ukuti ukuyanga, "Ine ne dumbwe, indi ni vwuma ivwinji, pentakwanza shoshonti." Loli utamanyile ukuti iwe wemuzwalusu nkani, uwakuswimililwa, umupina, untonko, numuzwalusu. ¹⁸ Tejelezya ukukusoha kwane: Kala kukwane izahabu yeyizelufizye kumwoto inga pe ubhe we dumbwe, na menda amazelu gegakulama pe uyizwalizye wewe weka, pe utahayilolesye insoni ya zwalo yaho, na mafuta ga kupahala mumunso gaho pewenyaje. ¹⁹ Bhonti weimuganile, nkumulinganya nu kumusambilizya izavwezihondeye atendamaje; inga lumo, pe nalyoli pe apinduhaje. ²⁰ Yenya nimiliye mumilyango nu kong'osya. Uwene weakwivilizya izwi lyane ukwigula umulyango, indiyinza nu kwinjila munyumba mumwakwe, nu kulya ishakulya nawope nuwene ni nine. ²¹ Uwene weakupota, indimupa ubhugolosu ubhwakutendama pansi poka nine pamwanya yitengo lyane ishabhumwamu, inza vwe ine kapota nukutendama pansi poka nu Tata wane pamwanya pashitengo shakwe isha bhushindamu. ²² Uwene we alinikutwi, atejelezyaje she Umupepo wukushibhuzya ivibhanza."