¹ Pe nkenya imwanya ipwa ni nsi impwa, kwekuti imwanya ya bhwandilo ninsi bhwandilo yishizinye, ni jenje litalipo nalumo. ² Inkenya inkaya infinjile, Yerusalemu mupwa, wewinzile pansi kufumila kumwanya kwa Mulungu, wewagomvilwe inzavwe weakwimalwa weapamvilwe panongwa ya mulume wakwe. ³ Inkivwa izwi ipiti kufumila kushitengo sha bhumwene lihati, "Yenya! Bhutendamo bhwa Mulungu bhulipoka na bhabamuntu, wope alitendama nabhope poka. Bhalibha bhantu bhakwe, nu Mulungu wope alibha nawope pealibha Mulungu wabho. ⁴ Alilondola lyonti isonzi kufumila muminso gabho, pe patalibha ifwa nalumo, pamo ishililizi, pamo ukulila,pamo ubhubhavu,. Ivintu vwa hali vishizinye. ⁵ Uwene weamali atendime pitengo lya shimwene ahayanga, "Yenya! Nkubhomba zyonti ukubha vipwa." Ahayanga,"Simba ili panongwa amazwi iga gabhugolosu gabhwanalyoli." ⁶ Ahambuzya, "Ivintu ivi vishizinye hali! Ine ne Nebhwandilo, nebhumalilo. Kuwowonti akwenya ishumilwa indimupa ishakumwela she amalipo nagamo kufumila mukasi mumbwibhwi ya minzi ga bhulanzi. ⁷ Uwene we angakupota aligapwana ivintu ivi, pendibha ne Mulungu wakwe, wope alibha mwana wane. ⁸ Loli inzavwe yili kubhalyoga, bhebhatasubhiye, abhakuhalalizya, abhakugoga, abhalubhembu, abhalozi, bhebhakuputa iviholanyo, abhamalenga bhonti ubhuzilo bhwabho bhulibha mwijenje lya mwoto wa shibiliti wewunkulunguzya. Iyo ye fwa ya bhubhili." ⁹ Woka mubhahabhizya bhasano na bhabhili ahinza kukwane, woka weamamile nimbakuli zisano na zibhili zyezyizuye inkomo zisano na zibhili kubhumalilizyo ahayanga, "Nzaji ipa. Indikulolesya uwakwimalwa, umushi wa mwana wa ngole ." ¹⁰ Pe ahanega kubhutali mukasi Mwamupepo mwigamba ipiti nitali pe ahandolesya inkaya infinjile, Yerusalemu, yihiha kufumila kumwanya kwa Mulungu. ¹¹ Yerusalemu yamile nubhumwamu bhwa Mulungu, nubhwinza bhwakwe bhwamile inza vwe yikulama sililila, inzavwe ibhwe lyi galasi ilyinza ilya yaspi. ¹² Wamile mulubhumba ulupiti, urutari lwelwamile na malyango ishumi nagabhili, poka na bhahabhizya ishumi na bhabhili mumalyango. Pamwanya pa malyango pasimvilwe amazina gankolo ishumi na zibhili izya bhana bha iziraeli. ¹³ Ulubhazu lwa kubhtukulo pamile amalyango gatatu, ulubhazu lya kubhuswelo kwamile amalyango gatatu, ulubhazu lwa kumongo kwali amalyango gatatu,. ¹⁴ Imbumba izya nkaya zye zyamile nu bhwandilo ishumi na zibhili, na pamwanya yakwe pamile na mazina ishumi na mabhili abha mwana wa ngole. ¹⁵ Woka weahayanga nine amali nishipimo shandisa yagomvilwe ku zahabu panongwa ya kupimila inkaya, inyiji zyakwe ni mbumba zyakwe. ¹⁶ Inkaya yabhishilwe mukasi ya shipimo; isha bhutali bhwakwe inza vwe ubhupiti bhwakwe. Ahapima inkaya kushipimo sha ndisa, ishipimo 12,000 mubhutali, ubhupiti, nubhukuzi vwaholine). ¹⁷ Bhwebhulo bhahapima ulubhumba iwakwe ubhukuzi bhwakwe bhwamile ivinama 144 kuvipimo vwa bhwanamuntu [vwe bhope vipimo vwa bhahabhizya]. ¹⁸ Ulubhumba lwamile lwazenjibhwe kuyaspi ni nkaya ya zahabu inyinza inzavwe shigalasi ishinza. ¹⁹ Ubhwandilo bhwa lubhumba iwa pamvwilwe na bhwe lyolyonti ilya pa mwanya iyabhwandilo lyamile yaspi,ilya bhubhili lyamile yakuti samawi, ilya bhutatu lyamile kalkedon, ni lyabhune zumaridi. ²⁰ ilya bhusano sardoniki, la tano na lyoka akiki, liya bhusano na bhubhili krisolitho, iyabhusano na bhutatu zabarajadi iyabhusano na bhune bhakuti yamanjano, ilya ishumi krisopraso, ilya ishumi na woka hiakintho,ishumi na bhabhili amethisto. ²¹ Amalyango ishumi na gabhili yamile lulu ishumi na bhabhili, umulyango wonti ghuhagombwa kufumila ku lulu woka. na mayadi ya nkaya yamile zahabu inyinza, shihalolehaninzavwe ligalasi ilyinza. ²² Intahenya ishibhanza shonti mukasi ya nkaya, kwe kuti Umwene Umulungu, we amali akulongozya pa vwonti, nu mwana wa ngole she shibhanza shakwe. ²³ Inkaya yitahanzaga izubha pamo umwezi ingape yihozyaje pamwanya yakwe panongwa ubhumwamu bhwa Mulungu bhuhamala papakwe, nu bhuzeru bhwakwe Mwana wa Ngole. ²⁴ Inkaya bhahajenda kubhuzeru bhwa nkaya iyo. Abhamwene bha nsii bhahinza ubhwa dumbwe bhwebho mukasi yakwe. ²⁵ Amalyango gakwe yitaliyigalilwa ahabhalilizyo honti aha musanya, pe kutalibha nu bhusiku pala. ²⁶ Bhaliyinza ubhwadumbwe nu mushinzi wa nkaya mukasi yakwe. ²⁷ Pe nashimo ishinyazu sheshiliyinjila mukasi yakwe, Pamo wowonti we akubhomba ivintu vwovwonti ivwa musamu pamo ubhuluma lenga ataliyinjila, loli bhebhala bhwelele bhe amazina gabho gasimvilwe mukasi mukalata wa bhulanzi bhwa mwana wa ngole.