¹ Pe uhabhizya ahandolesya ijenje lya minzi ga bhulanzi , aminzi gamile ga kugabhana inza vwe gasililira gamile ga kusululugha kufumila mukasi mwitengo lya bhumwene bhwa Mulungu nu Mwana wa Ngole ² Kujendela mkasi kasi ya munkaya ya munsii. Mwonti mulubhazu lwi jenje pamile ni kwi lya bhulanzi panongwa kuponia kwa bha munkaya. ³ Pamo tepahabhe nukubhunwa kwokonti habhili. Itengo lya bhumwene bhwa Mulungu nilya Mwana Ngole lilibha mukasi ya minzi, nabhabhomvi bhakwe bhalibhomba. ⁴ Bhali mwenya isheni shakwe, nizina lyakwe lilibha papakwe ga libhamba pa vweni vwabho. ⁵ Pe patalibha nubhusiku napamo, pamo patalibha nu kwanza kwa bhuzeru bhwa nyali pamo izubha panongwa Umwene Umulungu alihonzya papabho. Bhope bhalilongozya shima na shima. ⁶ Uhabhizya ahambuzya, ''Amazwi aga amasubhalilwa na nalyoli. Umwene Umulungu wa mpepo zya bhakubhwi ahasontelezya abhahabhizya bhakwe kubhalolesya abhasundikwa bhakwe sheshakwinza lyontulu shinishi.'' ⁷ ''Yenya! nkwinza shinishi! Asayibhwe uwene wakugivwa amazwi ga bhukubhwi ubhwa kalata uno.'' ⁸ Ine, ne Yohani nene nkivwa nu kwenya zyonti izi. Lwenivilizya na kugenya, nkagwa pansi nene pilongolela lya vinama vwa habhizya ku muputa, uhabhizya we ahandolesya zyonti izi. ⁹ Ahambuzya, ''utahabhombe bhwebhulo! Ine ne mubhomvi wamwinyu, poka nabhajenzi bhaho nabhakubhwi, poka nabhala bhe bhakwivwila amazwi ga kalata uno. mupute Umulungu!'' ¹⁰ Ahambuzya, ''Utahagabhishe ishimanyilo amazwi ga bhukubhwi bhwa kalata uno, kwekuti ahabhalilizyo husejeleye. ¹¹ We atali nu bhugolosu, ajendelele kubha wete wanalyoli. pe ajendelele kubha munyazu mshiholo. We mgolosu ajendelele kubha mgolosu. We mufinjile, na ajendelele kubha mfinjile. '' ¹² ''Yenya! nkwinza shinishi. Amalipo gane inkolo poka nine, kumulipa wonti wula kuyanana na shabhombile. ¹³ Ine ne Alfa na Omega, wabhwandilo nawa bhumalilo, bhwando na bhumalo. ¹⁴ Bhalotwe bhala bhebhakozya inzwalo zyabho pe kwekuti bhabhwaje ubhugolosu bhwa kulya kufumila mukasi mwi kwi lya bhulanzi bhwa kwinjila mu nkaya kujendelela mumalyango. ¹⁵ Kunzi kuli ni mbwa, abhalozi, abhalubhembu, abhagozi, abhakuputa ivimanyilo, nabhebhaganile kusimishizya isimishizyo zya malenga. ¹⁶ Ine ne Yesu, imusontelezizye uhabhizya wane kusimishizya izya vintu ivi kuvibhanza. Ine ne ligululuzi lya mpapo iya Daudi, Inzota iya Nzanchi ye yikulama.'' ¹⁷ Umupepo nu Mwene bhwinga ayanga, ''Nzaga!'' Uno nuwene we akwivwa ayanje, ''Nzaga!'' Wowonti we ali nishinyota, pe ayinze, na wowonti wakunyonywa, pe apate aminzi ga bhupuma pabhulo. ¹⁸ Nkumusimishizya wonti wula we akwivwa amazwi ga bhukubhwibhwa kalata uno; Inga wowonti aliyonjezya mukasi yiga, Umulungu alimwonjezya inkomo zye zya simvilwe mukasi ya kalata uno. ¹⁹ Inga umuntu wonti wula we ingayefwa amazwi ga kalata uno wa bhukubhwi, Umulungu aliyefwa ubhuzilo bhwakwe mukasi yi kwi lya bhulanzi amazwi gakwe gasimvilwe mukasi ya kalata uno. ²⁰ Uwene we akuzyenya zyonti izi akuyanga, ''Nalyoli! Nkwinza shinishi.'' Ameni! Nzaga, Mwene Yesu! ²¹ Ubhwila bhwa Mwene u Yesu yibhe na wonti umuntu. Ameni.