¹ Pe nkenya uhabhizya akwiha kufumila kumwanya, amali ni vwakwigulila vwa shilibha sheshitamile nubhumalilizyo bhwa minyororo imipiti munyobhe zyakwe. ² Amulemile wula injoha, injoha ya hali yeyamile mukwalanzi, pamo Setano, nu kwigula amaha 100000. ³ Ahamusumbila mushilibha sheshitali nu bhumalilizyo, ahashikunga nukumubhiha ishimayilo papakwe. Ino yamile bhwebhulo ukuti atahabhalumile ilenga abhantu alumo paka amaha 100000 paka peyasila. Lwezyashila izi, alileshelwa musatushe kuhabhalilizyo ahansi. ⁴ Pe nkinza nenya ivitengo vwa bhumwene. Bhebhavitendamiye pebhebhala bhebhapelilwe amaha gabhulonzi. Bhwebhwebhulo inkenya amoyo gabhala bhwebhadumulilwe amatwe panongwa ya lusimishizyo lya Yesu na kwizwi lya Mulungu. Bhatamile bhatahamuputaga ishihano pamo ishiholanyo shakwe, pe bhahana kuposhela ishimanyilo pavweni vwabho pamo nunyobhe. Bhahinza kubhulanzi, na bhalongonzi poka nu Kiristu ku maha100000. ⁵ Abhafwe bhebhasyaye kubhulanzi paka 100000 lyeyamile yasila. Ulu lwe lyuzuho lya bhwandilo . ⁶ Mulotwe na mufinjile pemuntu wonti weakwega ubhuzilo mukasi muluzyuho mukasi mubhwandilo! Ifwa ya bhubhili yite na maha pamwanya ya bhantu inzavwe abha. Bhalibha na bhapiti bha Mulungu nu wa Kirisitu na bhalongozi na bbope 1000 ⁷ Muhabhalilizyo ha maha 1000 lwegafiha kuhamalilo umukwalanzi aliyigulilwa mwijela mumwakwe. ⁸ Alisogola kunzi kubhalumila ilenga abhamunkaya mukasi mukuto zine izya munsi - Gogu na Magogu - ukwinza poka panongwa ya bhulogu. Bhalibha bhinji inzavwe lusensenga lwa mwijenje. ⁹ Bhalibhala pamwanya pabhutengano ya nsi yabho alizungulila pabhutendamo bhwa bhazya, munsi yiyiganilwe. Loli mwoto wubhinza kufumila kumwanya kubhalovwa. ¹⁰ Umukwalanzi, we ahabhalumilaga ilenga, ahasumbilwa mukasi yijenje lye likwaha ishibiriti, mwe shihano na bhakubhwi bha malenga bhamile bhasumvilwe. Bhaliyimbaga umusanya nu bhusiku shima na shima. ¹¹ Pe nkenya ishitengo sha bhumwene ishipiti ishizelu na wula weamashitendamiye. Insi ni mwanya zihashimbila kubhutali kufumila kwajikwa kwakwe, loli patalipo nubhuzilo ya bhene kusogola. ¹² Nkabhenya bhebhafuye - mubhunjinvu na bhebhatahondeye bhebhatamile nu bhimiliye mukasi yitengo sha bhumwene, bhwa karata amiguliliwe. Pe ukarata uwunji shihigulwa - Ukarata wa bhulanzi. Abhafwe bhahalongwa kushila shebhabhomvile mukasi mubha karata, lyamulo lya shila she bhabhomvile. ¹³ Ijenje lihabhafumwa abhafwe bhe bhamile mukasi yakwe. Ifwa na kubhuzimu vihabhafumwa abhafwe bhebhamile mukasi yakwe, na bhafwe bhahalongwa kuyanana nashebhashibhomvile. ¹⁴ Ifwa na kubhuzimu vihasumbilwa mukasi mwijenje lye likwaha umwoto. Ubhu bhwe bhufwe bhwa bhubhili - ijenje lya mwoto. ¹⁵ Inza vwe izina lya wowonti litahajikwa lisimvilwe mukasi Mwakarata wa bhulanzi, ahasumbilwa mukasi yijenje lya mwoto.*